بنات البحرين تعالوا نتشارك الافكار ونسوي مشروع صغير

في عيني النوده .. قاعده أحاول ابطل عيوني .. بس كلش .. (w) :eek:

حياج الله بنت النور .. وأجر وعافية على انترنتج(f)

وعن تصميم شواقي .. هو جميل والله وعجبنا كثير كثيرن:wink:
بس تدرون ليش كلنا حبينا التصميم الثاني؟
لأن الأول بنوتاتي وايد girlish
والثاني أرزن أحسن .. وفيه شبه من عروس .. لا؟! شوي يعني .. يمكن درجات الألوان هلون


انزين فديتكم ياقميلات
انا والله مساعة تلاقيت ويا شواقي وهذرنا على خفيف
فقالت تخلي الموقع موقع تجاري والا منتدى

يعني حسب ماقالت ان الموقع لعرض البضايع
فـ أنا اشقلت لها؟
قلت لها والعهده على الراوي
< --- ابتديت أقط خيط وخيط

المهم ..
قلت لها ان الموقع بتكون عملية الاشراف عليه أسهل من المنتدى
بس نحتاج للمنتدى عشان نتفاعل مع الزبونات ونكسبهم في المرات الياية

بس انا حبيت أأكد على نقطة ذكرتها قبل .. ان المنتدى في حال اتفقنا على منتدى
مايتشعب في البداية لأقسام وايد


وشي ثاني أحس لازم أقوله
وهو ان التاجرات البحرينيات يحتاجون دعم (زي حلاتنا)(a)
فحبيت ان نبتدي من البحرين ويكون التركيز على البحرينيات ..
والله يعلم اش كثر نحب بنات السعودية والكويت والامارات وقطر وعمان وكل أرض عربية
فبيكونون إن شاء الله في الحسبان .. بس كل شي شوي شوي بإذن واحد أحد (f)


شـ تقولون؟!

:D


باتغدى وبعدين باييكم




(f)