بنات البحرين تعالوا نتشارك الافكار ونسوي مشروع صغير

سلامي على البنات جميعا
بصراحة موضوع غاية في الرووعة واتمنى أنه يشوف النور
وأول ما يوفق الكريم وتتسير الأمور لتاجرات البحرين ، خلوني معاكم في الحسبان، وشجعوني كأخت جديده على التجاره، وربي الموفق للجميع

وخلونا على أطلاع بآخر المستجدات....

عروس البحرين2;6971716:
السلام عليكم

هلا بنات
انا مرة وحده اليوم يا على بالي مشروع و حسيت نفسي واااايد منطلقه فيه
صح احس اني احتاج سنه على الاقل عشان اوصل لشهرة لكن عندي عزم كبييييير
بس على الله ثم عليكم المساعده


اللي هو
ابي ادخل دورة تعليم شعر و مكياج بس هدفي هو الشعر
مع الاثنين احبهم و استمتع فيهم و اعرف شوي فيهم لكن الشعر احسه اسهل و المكياج احسه صعب و مسؤولية كبيرة

فياريت تنصحوني وين اروح حق اتعلم و يفضل تقولون لي اروح مكان يكون مجاني افضل لأني بس ابي اتعلم الاساسيات لأن احس الباقي علي و من ابداعاتي الخاصه

و ابي اعرف متى التسجيل في الدورة و كيفية التسجيل ؟؟؟

ان شاء الله تساعدوني انتظركم

الله يوفقج اختي

وبحول انه اجوف لج دورات مجانيه وبخبرج عنها

فمادمها سالفه هويه اكييد بتعلمين من غير لاحد يعلمج حولي كل يوم تتمكيجين وتدربين على روحج وخواتج وفي دروس تحصلينها با الانتر نت بتفييدح
والله يوفقج

DarkStar;6976358:
السلام عليكم جميعا
شجعتوني اعرض مشروعي البسيط الا ماطلع في النور
امسوية سفرة عجم وطبعا كلفتني اشوي
بس اخاف اعرضها وما تعجب احد
وبعد عندي هواية والكل يعرفها اني اعمل توزيعات المواليد والاعرس والاحتفالات والكل يعرف بس كله بدون فلوس للاسف
واذا طلبت راحو للمحلات ودفعو لهم
يا ريت اشجعوني للاسف لا الاهل ولا حتى الزوج يشجعني

اختي لا تنتظرين احد يشجعج مادامج متحمسه وحطه هشي في بالج بتدي فيه ولين بديتي وجوفوشغلج الكل بيشجعج



والله يوفقج

حماسكم هذا يخليني أدعوكم بصدق لتحقيق أحلامكم وحلمي الصغير

انا نفسي بديت بالتجارة من شهور قليلة وحماسي الزايد قل لما شفت ان التسويق امر صعب لكن مثل ما تعرفون ان مشوار الألف ميل يبدأ بخطوة

اعرف وحده وعدتني بأن لما يكون عندنا مجموعة من التاجرات البحرينيات ممكن نحط يدنا بيد بعض ونسوي معرض صغير في صالة اعتقد هي تعرف أحد ممكن يوفر لنا صاله لمدة 3 ايام مثلا على ان يكون مثل السوق الخيري

وجمعتكم الحلوة تشجعني ان استمر وان شاء الله يكون فيكم الخير والبركة ويتحقق حلمنا الصغير

راسلوني بليز

السلام عليكم

بالتوفيق بنات البحرين الغاليات و الله يعطيكم العافية


بالنسبة للبنات الي يعانون من الاحباط ... لان الي حولهم ما يشجعهم ... حطي في بالك " أن النجاح مركب صعب " ..... و لا تتوقعين من احد انه يعينك اذا ما عنتي نفسك ....

ابدئي و لا اراديا بتجمعون حولك و يشجعونك ... انتي توكلي على الله و ادرسي الموضوع عدل و لا تخافين دامك عارفة شتسوين ...........

بس بعد بقولك ... لا دشين مجال ما تعرفين له .. و تقولين خسرت محد وقف معاي .. لان ذيك الساعة غلطتك االي ما عملتي حساب المفاجآت غير السارة

بالتوفيق للكل يارب

السلام عليكم ورحمة الله وبركاتة


أنا ضيفة جديده و أسمي الشهــــــــــــد وأتمنى تقبلوني عضوة معااااكم
بصراحة منتدى جدا ممتاز
وأول مرة دخلته أعجبت ولا أدري من وين أبد
وابي أشوف ردودكم الحلوة
هل تقبلوني ولا أسحب نفسي وأروح

وبخصوص الموضوووع تراني تايرة بس صغيرة ع قدي مثل مايقولون
يعني لما تغبلوني معاكم راح تتعرفون علي اكثر واكثر
فديتكم والله

ومازلنا في انتظار الموقـع

ماظنتي بيجد جديد :)

بنت النور ما تقدر تدخل النت .. تعبانة

وهي من صوبها الفني اللي (مفروض) يسوي لنا الموقع ويحجز لنا مساحه على السيرفر


الله كريم .. المشروع باين انه مؤجل .. :) ..

مرحبااا بنات البحرين و الخليج
شخباااركم ؟؟؟
والله قريت موضوعج يابنت النور والله يعطيج العافيه أن شاء الله
وانا حابة اني اكون معاكم يد وحدة واذا حابين ولكم رغبة في عمل معارض انا على استعداد
المهم نحط يدنة بيد وراح يصير كل اللي في بالكم يارب
انا عن نفسي اليوم كنت حاطة بمعرض في مركز فاطمة المؤيد والصراحة وايد كان حلو وراقي
وياريت نتعارف ع بعض عشان نقدر نعمل معا
يعطيكم العافيه ان شاء الله

ودمتم بووود الشهــــــــــــد

السلام عليكم ورحمة الله وبركاته

انا اول مرة ادخل هالموضوع
بس حبيت اقولكم
ان عندي موقع وفيه اكثر من 200 منتج
واللي حابة تعرض منتجها عندي بيكون مجانا
بس انا ازيد عليه نسبتي
ولازم تكون بالبحرين عشان عملية التسليم تكون سهلة

كيوت بحرينيه شنو موقعج ممكن ترسلينه على الخاص

جيكي الخاص اختي

كيوت بحرينيه شنو موقعج ممكن ترسلينه على الخاص

ان شاء الله اختي

ياليت تدزي لنا موقعج مال التسويق يمكن فيه شغلات تعجبنا ونشتري

أم فدك;7154689:
كيوت بحرينيه شنو موقعج ممكن ترسلينه على الخاص

:cool:

كيوتة ممكن موقعج على الخاص وأكون شاكرة لج

كيوت حبيبتي دزي لي الموقع

دزيت لكم :)

كيوت بحرينية ممكن ايب لج البضاعة وانتي تصورينها وتعرضينها او التصوير علينا؟؟