بنات البحرين تعالوا نتشارك الافكار ونسوي مشروع صغير

حبيبتي قصايد شكرا على رايج ونشوف شنو راي البنات الباقين ..

أصيلة الاحساس ربي يوفقج ان شاء الله ويسعدنا ويشرفنا تكوني ويانا انتظري رساله منا ندعوج للاشتراك ويانا بالموقع اول ما يجهز الموقع بإذن الله ...

وين وصلنا بالموضوع !!

وصلنا حبيبتي الى تقسيمات الموقع ياليت كل وحده تدخل تكتب الاقسام اللي المفروض تتواجد حتى ما ننسى قسم معين ...

في الانتظار ...

السلام عليكم

انا من رايي بعد ان يكون على حسب البضايع
يعني قسم منتجات العناية بالبشره والشعر
قسم العطور
قسم الملابس والاكسسوارات
قسم المكياج
وقسم حق الخدمات حق اللي عندها اي موهبة مثل طبخ، تصميم، مكياج....الخ

انزين الحين شلون عن دفع الرسوم وهالسوالف؟؟؟

اهم شي الدفع

أنا الشوق راح نتبع هذي الطريقة اظنها افضل طريقة للعرض والكل متفق عليها على ما اعتقد..

اما عن دفع الرسوم يا مزاج البحرين وأنا الشوق اذا قصدكم دفع رسوم الموقع راح نشوف كم يكلفنا ونوزع المبلغ علينا احنا الـ6 تويجرات ..

اما اذا قصدكم طريقة الدفع للطلبات ياليت كل وحده تدخل تعطينا فكرتها ونشوف الافضل نتبعها ..

أنا الشوق;5455271:

قسم منتجات العناية بالبشرة والشعر
قسم العطور
قسم الملابس والاكسسوارات
قسم المكياج
وقسم حق الخدمات حق اللي عندها اي موهبة مثل طبخ، تصميم، مكياج....الخ

اخواتى كيفكم اخباركم
تصدقون اول مرة اشوف هالموضوع واستانست وايد لانى مثلكم وزود كل مرة ادخل بمشروع يعود بالفشل لانى اتملل خخخخخ
المهم حابه اشترك معاكم.....................

انا اممممممممم اسوي دورات مكياج بالبيت
وعندي شغلات مختلفه للبيع
مثل مكياج
فرش مكياج
ماسكات
ثياب
اطقطق عليهم خخخخ

وعندي عرض حلو

اي بنت تجيب لي للدورة زبونه لها خمسه دينار

وعروض ثانيه مابي اتكلم فيها الحين خلها للموقع الجديد
بس فهمونى ترا ماقريت جميع الصفحات خبرونى وياريت برساله خاصه عشان ننضم معاكم ولا تخافون بحاول اجيب لكم الزباين

حبيبتي قصايد شخص صديق زوجي له خبره بسوالف المواقع راح يحجز لنا موقع مع شركة معروفه بس التصميم اهو راح يسويه لنا ويسلمنا وياه وطبعا راح نشوف كم المبلغ يطلع بالنهايه ونوزعه علينا احنا السته ..

أم آيات الموضوع وما فيه ان راح نسوي موقع خاص فينا احنا بنات البحرين اللي عندنا هوايه او تجاره او مشروع معين نعرض فيه بضايعنا وشغلاتنا وراح نحاول نسوي معاه شغلات حلوه تساعدنا على تنمية تجارتنا مثل عمل معارض بإسم الموقع بين فترة وثانيه وعمل كاتلوج مثل ما طرحت الفكره الاخت قصايد ..الخ

وطبعا يشرفنا اشتراكك ويانا وانتظري رساله منا نخبرك وقت ما يجهز الموقع عشان تشتركي ..

أم آيات بجم الدوره عندج ؟؟

ووين ساكنه ؟

بنت النور انا كنت اقصد طريقة الدفع للموقع

بس ما انج طرحتي موضوع الدفع عند التسوق

مادري شنو تقترحون انتوا

أم آيات ياليت تردين على الخاص طرشتلك رساله..

حبيبتى مشاركاتى قليله ههههه
بس الحين قدرت ارسلك شيكى الخاص

يمنع العرض التجاري لغير تاجرات عروس .. المشرفة

bahrainbusinesswomen.com
متوفر للحجز - لحد الآن - لكن عندنا مشكلة شوي صغيرة... في حال اخترنا هذا الإسم فهو راح يكون مشابه جدا جدا مثل توأم مع موقع bahbusinesswomen.com المملوك من جميعة سيدات نساء الأعمال البحرينية و اللي الرئيسة الفخرية... زوجة الملك...

و فني المواقع نصحنا بمراجعة أخيرة..

ويش رايكم؟؟ نحجزه؟؟

بسرعة ردو.. يس أور نو؟؟

أم آيات موفقه اختي ...

مزاج البحرين اظن نتبع طريقة سلم واستلم للدفع وإلا شرايكم؟

هلا حبيبتي قصايد
شخبارج عساج بخير؟؟

حتى لو اختصرنا الاسم بعده بيكون bahrain business women
و أنا شخصيا عاجبني الاسم وايد... رسمي و له وزن..

هناك اقتراح آخر تاجرات البحرين ... tajiratalbahrian.com

اشرايكم فيه؟؟

بالنسبة للدفع انا مع رايج ...

بنــت النــور;5458930:


tajiratalbahrian.com
اشرايكم فيه؟؟