هل الطلاق هو الحل

نطلقي وفكي عمرج وطلعي سكن لج ولعيالج وخليه يساهم في مصروفهم.... شو اللي حادج عليه شكله مافيه خير مامنه رجا ... شتبين فيه ... لا تتحملي ولا شيء الطلاق الطلاق ربي بيغنيج
طمنينا

طيب ممكن اكون انا غلطانه وانتم لي صح
وبعدين هذه وجهة نظري
وصاحبة المشكلة لها الاختيار
وصحيح انه ماراح لاانا ولا انتي ننفعها بس وجهة نظري وقلتها
وبالاول والاخير الاخت صاحبة الموضوع لها عقل وبتفكر وهي بتشوف وش لي راح ينفعها

حبايبي والله
يزاكن الله كل خير ويسر لكن الطريج

بخبركن حبيباتي أنا والله مستغنية عنه ما أريده في شيء ولا أريد منه شيء لاني موظفة وقايمة بعمري
بس والله لما أشوف عيالي اقول لا ليش أطلب الطلاق بعدين هو ما يريد يطلق إلا لو انا طلبت وهذا بيخليه يقول لعيالي ان امهم طلبت الطلاق
النقطة الثانية تعرفون إني ما عندي ريال يسندني ولو كبر ولدي من بيربيه لازم ريال يكون على راسه يعلمه مجالس الرجال ولا بيضيع علي

أنا معاكم هو من ناحية ذلني ذلني مد يده مد يده علي يعني سوى كل شيء فوق ها يكره اهلي ويكرهني

والسالفة العودة إني كل ما أنوي أني أسير المحكمة اصلي إستخارة وبيطلعي في الحلم ناس يقولون لي لا تطلقين لا تروحين وفعلا أحيانا أكرب السيارة رايحة المحكمة ويستوي شيء يخليني اكنسل الروحة أو تييني وحدة من بنات المنتدى وتقنعني إنه في حريم أسوأ مني وصابرين علشان عيالهم

الله يخليكم دعواتكم في ليلة الجمعة

سمعي حبيبتي لاتستعيلين بالطلاق اصبري واقري سورة البقرة واكثري من الاستغفار وقيام الليل وادعيله ان الله يهديه وفكري في عيالج و في نفسج قبل اي قرار تتخذينه وصدقيني الدعاء يغير اشياء وايدة في حياتنا وتوكلي علي اللي بيده مفاتيح الكون وان شاء الله خير اصبري...اصبري....اصبري....ان الله مع الصابرين ...وكوني واثقة ان ما بيصيرلج غير اللي الله رايدنه لج و اللي فيه خير لجب إذن الله...

الله يكون في عونج اختي ....

ما اعرف بشو انصحج بالطلاق ولا انج تتحملين هل الانسان ... في النهاية هاي حياتج وانتي ادرى بمصلحتج وهاييل عيالج من لحمج ودمج .. فكري فيهم وفكري في نفسج شوفي انتي شو تبين وقرري ....

وبالتوفيق اختي

الطلاق هو اخر الحلول ....ولا تستشيرين بنات صغار مالهم خبره في الحياه ....شاوري امج او جدتج في وضعج وهل من الممكن يتصلح ....واذا زوجج قالج اكرهج يمكن مو من قلبه يمكن في لحظة غضب ...وانه من النوع اللي مايمسك لسانه في حالة الغضب ... مو معقول كل بنت زوجها يغثها تطلب الطلاق ....

والبنت اللي عندها اطفال ترحم حالهم ....وتتذكر ان عيال الام المطلقه وضعهم يشبه عيال الايتام ...

[ان أبغض الحلال عند الله الطلاق ] ياعزيزتي لو أي مشكله تصادفنا في حياتنا نقرر فيه الطلاق كان البيوت كلها بتنهدم والضحايا هم الأبناء لاتظنين انج بس الوحيده اللي تعانين والحل هو الطلاق لا تستعجلين عزيزتي الله قادر يغير الاحوال ويغير النفوس

سمعي اختى الكلام الزين الطلاق كلش مو حل بوجود العيال ، لو كنتى من غير عيال جان قلت لج طيري وفكي عمرج لكن اليهال حرام يتشتتون خليه على كيفه وانتى طلبي من الله ترى ما بيرده الا الله سبحانه وتعالى وانتى خليج عظم في بلعومه ويارب تعود المياه لمجاريها ترى عمره الطلاق ما فيه حل قولي له انا ليحين احبك وباقية عليك واذا انت ما تبينى شي راجع لك بس لا تطلع منك الكلمة علشان العيال ترى الدنيا صعبة والعقبات جدامك في المستقبل لازم يكون على راسكم ريال مع العلم ان (اسم ريال) خو رياييل هالايام جيذي وجودهم وعدم وجودهم واحد جالسين بحياة النسوان للهم والغم والمرض مع اعتذاري الشديد ليلقي الرياييل الزينين.

سمعى اختى عليج بالدعاء والدعاء ...............

سهومة حبيبة حبيبها;5191812:
صح لسانك دانـــة
أنا لا أعرف كل القصة لكن يمكن تقعدين في بيت أمه دامه ما فيه حد و توافقين على الي قاله على أساس هذا اللي تبيه أنتي و تكسبين ان شاء الله نقطتين:
أنو لعيال يعيشون في جو طبيعي يعني ظاهريا لا يوجد انفصال و هذه أهم نقطة
ثانيا هو من شوفتك كل يوم راح يلاحظ فيك الصفاتالحلوة أثناء اهتمامك بأولادك و يحس أنو خسرك و يننننننندم يمكن يحاول يرضيك و يمكن لاء لكن أكيد راح يعرف شكثر هو خسرك ولو بعد عمر طويل لأنه يحس قديش أنتي أصيلة و اخترت يعيشون أولادك تحت كنف والديهم اثنينهم
المهم للحفظ على كبرياءك فهميه أنك ما تريديه و أنو قرارك هذا لأجل عيالك و يمكن جايز ترجع المياه لمجاريها لما تكونو تحت سقف واحد
أبدا لا تنسي: أبغض الحلال عند الله الطلاق و أنصح كل وحدة تمحي من قاموسها ها الكلمة
و الله يسرلك أمورك

غناتي ,,, انا اضم صوتي لاختنا سهومة حبيبة حبيبها

الطلاق مب لعبه ,,, ليش تعطينه مجال يعيش حياته براحه وبدون ارتباطات
وانتي تموتين من القهر ...؟؟؟

سيري ويلسي على جبده بيت اهله ... وتعدلي وتلحسي ... وخلج ملكة جمال
ما يشوفج الا وانتي باحلى حالاتج ...
خليه يتهيج ويتندم على الخساره هذي ,,,
ويشوفج ويحترمج ,,, ويموت عشان ترجعين له ,,,

صدقيني الريال ما بيتحمل اكثر ... وبيرجع لج ,,,
والريال ماله الا حرمته الاوليه ,,, ما بتنفعه غيرها ...

وشوفي الي ما يعيبه ولا تسوينه ,,,
والي يعيبه كثري منه ,,

ولا تسمعين نصايح البنات الي يقولولج الطلاق هوه الحل ...

تراج بتندمين ندم الموت ... محد يبها ام العيال ,,, حطي في بالج هذا الشي ,,,
انا ما اكسر مياديفج ... بس انتي اخت عزيزه وغاليه ... وما بالج الا السعاده

نصايح اكثر بس على الخاص
راسليني اذا بغيتي مني اي شي ...