منهاره

بنات الوقتي حالا حصلت مشكله بيني وبين خطيبي وسبنا بعض انا منهاره جدا والله انا بكتبلكم وانا مش شايفه الحروف من عيني وارمه ومش عارفه اشوف من البكاء

أنا وانا بتخانق معاه قلتله اني مش عايزه اكمل وفضلت مصره علي الكلمه دي كتير وبعدين في الأخر هو قالي خلاص انا موافق علي اللي انتي بتقوليه ده

يا بنات والله السبب هايف جدا وميستاهلش خالص كل اللي احنا عملناه بس مععرفش ايه اللي حصل

انا بعد ما قالي كده لقيت نفسي بعيط بصوت عالي وهو سامعني وقالي انا هقفل السكه وفضلت اتحايل عليه واقوله لأ مش هسيبك تمشي وانت زعلان وحاولت اصالحه كتير بس هو معرفش ليه فضل يزعق ومش راضي يسمعني وقالي اقفلي وامشي بدل ما أقفل السكه في وجهك

بس أنا اتحايلت عليه كتير وهو برضو قلبه حجر وقالي خلاص يا ستي لا تتعبي نفسك ولا تتعبيني كل واحد فينا يبعد عن التاني مش انتي اللي عايزه كده ؟؟؟؟

حسيت ان كرامتي وجعتني فبطلت عياط وقلتله خلاص ماشي وانا مش هزل نفسي اكتر من كده

وقلتله اتفضل اقفل بدام عايز تقفل

وبعدين لقيته بيقولي متخافيش مش هسيبك فزعقت فيه بصوت عالي وقلتله ميهمنيش تسيبني ولا متسبنيش

انا حاسه اني انا اللي خليته يعمل كده لما زليت نفسي ليه واتحايلت عليه

وفي نفس الوقت منهاره ومش قادره ابطل عياط ولا قادره انام وعندي شغل الصبح

مش عارفه اعمل ايه

دلوني اعمل ايه

انا كده هكون مطلقه لأني مكتوب كتابي

انا اللي غلطانه ولا ايه
بس حتي لو كنت غلطانه بس انا حاولت اصالحه وهو أهانني وجرحني قوي بكلامه ده

مش عارفه اعمل ايه أقول لأهلي بكره اننا سبنا بعض ؟ ولا اقول لأهله ؟ ولا اعمل ايه

حاسه اني معدتش هحترم نفسي لو رجعتله تاني