**كل وحده جربت الريو أكوتان لحب الشباب تدخل**

شكراا يا أم راكان وأنا الحمدالله بادية فيه صارلي شهر ألحين وإن شاء الله ما أخسر تعبية

انا جربته بعد حبيبتي اول شي يطلع الحبوب بشكل مؤلم لكن بعد شهرين تقريبا تبتدين تلاحظين النتايج وتحسين ان بشرت تحسنت . وصدقيني بتقولين ياليتني جربته من زمان :)

لا تخافي راح تدعي للدكتور لان عطاكي الروكتان و تزعلي ليش ما اخذتي من الاول
رائع

هلا الغاليه

الحبوب اللي تطلعلج الحين شي طبيعي ، لان الحبوب هاي اطلع كل الحبوب

انا عن نفسي ما استخدمت هالحبوب بس اخوي واختي استخدموه

في البدايه الويه يتشوه ( مب انه يتشوه يتشووه ) لا تطلعلج حبوب وااااايده

حتى في ناس ويههم يتغير لونه ، جنهم محترقين من الشمس ، انا اختي جي استوالها

لو وييها تغير طبعا هالتغير كان اول 3 اسابيع بس عقب رد عادي

طبعا هذا غير الجفاف اللي يصييب الجسم والشفايف ، وانا اذكر اختي كانت دااااااايما تاخذ مرطب الشفايف معاها وين ما سارت لان الجفاف يكون فظيع، وفي هالفتره لازم تستخدمين واقي من الشمس يكون مناسب لج

والاكتئاب هذا شي عادي ايضا ، اللي اذكره اخوي كان وايد عصبي في فتره العلاج.

وبعد كان شعرهم يتساقط في هالفتره ، بس بعد فتره العلاج رد عادي

يلا ما عليه اتحملي ، دام انج تعانين من حب الشباب من فتره طويله اصبري وان شا الله يتشوفين نتايج طيبه

ووانصحج طبعا بواقي من الشمس يكون مناسب لج ، وخذيلج مرطب او لوشن للجسم دايما يكون وياج

وان شا الله اكون ساعدتج

والسموحه منج

مشكورات والله ماا قصرتن والله يجزيكن كل خير والجفاف بادي فيه وأستخدم مرطبات

وانا بعد باحكيلكم تجربتي مع هذا الدواء

بصراحه ويهي ما فيه حبوب بس المشكله عندي انو تطلع لي حبه وتفضل في الويه
4-5-6 شهور ولما تروح تخلي اثار كبير ومكانها يكون اثار ,,
فقررت اني اذهب لدكتوره أتشيك ,, واخيرا سرت وشافت ويهي
وخبرتني شو أسوي لازم في الاول أسوي تقشير عباره عن اربع جلسات مره ف الاسبوع
لمدة شهر وطبعا من أول زياره عملت تقشير لوجهي واعطتني كريمات للعنايه غسول الوجه وكريم اليومي
حق الشمس و2 كريمات واحد مرطب والثاني لازم أستعمله لما يتقشر الويه ,, و خلال زياراتي المتكرره لها قالت فيه علاج وايد وايد حلو وهو عقب التقشير وهو
لازم اخذ حبوب لمدة 8 شهور كعلاج واذا فيه حبوب في الويه بيخليها تطلع واذا ما في شي تحت الجلد
بيكون أحسن ,, بصراحه كنت مضطربه أكمل العلاج ,, واللا أوقف ,,
سافرت ,, ورديت لها مرة ثانيه وكملت العلاج ,, قبل البدء في العلاج سوت فحص دم ف الاول والوزن,, وطلعت النتيجه زينه
الحمدلله ,, وبديت العلاج كنت اخذ 30 mg عقب الغذا و 20mg عقب العشا ,, يعني يوميا عندي 50mg

لمدة 8 شهور ..
وطبعا قالت لي الدكتوره الاعراض اللي بتكون ,, وهو جفاف الوجه والانف والشفايف ,,
واكيد اعطاتني كريمات حق الجفاف ,,- كريم الوجه وكريم للانف وكريم الشفايف ,, وطبعا أهم شي
وخلال فترة العلاج لازم تحطين كريم الواقي من الشمس لازم لازم حتى ولو تكوني ف البيت وحتى
ماتكون شمس ,, لازم لازم
أما بخصوص المتزوجه طبعا لازم تستعمل حبوب منع الحمل وما تفكر في الانجاب لغايه ما تخلص مدة العلاج
المسموح بها وقبل لا تبدا فترة العلاج بتوقع على ورقه انها اذا حملت هي اللي بتتحمل المسؤوليه
(يعني المريضه )
,, اما البنت لا خوف عليها ,, طبعا بتتبع أوامر الدكتوره
وكذلك من اثاره السلبيه هو ان كل المفاصل يعوروا ,, والله العظيم اذكر : أني الصبح ما أقدر انش
واوقف على رجلي و اذا قاعده واقوم أمشي مثل العيوز ,, وايد وايد الاااااااااااااام في المفاصل
في اليدين الرجلين الكعب ,, حتى الصلاة ما أقدر اركع مباشره لازم اركه مثل العيوز
وخبرت الدكتوره تضحك علي لاني قلتها امشي مثل العيوز خخخخ ,,
بس عقب ما وقفت العلاج الحمد لله ,, ويهي اصبح صافي ولا حبه مثل قبل
وخفت الاثار ,, الحمد لله الحمد لله
بس ما كملت العلاج بس 7شهور ,, فقالت فترة العلاج خلصت لانها شافت الوزن وحسبت
قالت خلاص ,, يعني بداية شهر يناير اللي طاف خلصت العلاج ,,
وطبعا راحت الام المفاصل والجفاف راح ,, الحمد لله

والله العظيم مبسوطه من النتيجه ,, الحمد لله

أنصح كل وحده تروح تتوكل على الله سبحانه وتعالى ,, وتبدأ في العلاج
وهذه قصتي مع العلاج ,, واذا أي وحده تبى رقم دكتوره اماراتيه شاطره ما شاء الله عليها اتخبرني
وأنا حاضره لاي استفسار ,,

الله يشفي الجميع اخواتي ,, واهم شي النيه

اسمحن لي طولت عليكن ,, في أمان الله

انا كمان اختي كانت حالتي مثلك واستخدمته لمدة سنه اواكثر لاني كنت مشوهه وفي البدايه نفس الاعراض الي قلتي عنها واكثر وهذي مرحلت الكره للعلاج زي ماكان يقول الدكتور وبعد ال3شهور شوفي الفرق انا بنسبه لي اكثر من ال50في الميه احمد الله واشكره بس الدكتور كان يعطيني معاه كريم مقشر استمري اختي والله معاك

شكراا لكن جميعاااا وساعدوني بآرائكن في الدواااا

أرجو منكن المزيد من التجارب عن هذا الدواء

للرفع

انا عزيزتي بديت متاخر يعني بعد ما بشرتي اندمرت من قلب فلا تخافين لان في البداية هذا الحبوب بيقوم بتنظيف عمق البشرة لكن معالوقت بلاحظين الفرق بتلاحظين بشرتج تصبح اصفى واذا كانت دهنية بيخف الدهن ولكن بعد مايخلص العلاج استمري على تنظيفها بمكونات طبيه ايضا لان رايح ترجع بشرتج نفس قبل 40% لاتهملينها وانا الدكتور قالي بعد ما اخلصالعلاج بتكون بشرتي حساسه لمدة سنة يعنيما استخدم شغلات الدكتور مش موصي عليها

اختي بنت الدوسري أي دكتور وصف لج هالحبوب وفأي مستشفى

والحبوب هذي ألقاها بالصيدليات وبيعونها بدون وصفة ؟

شجعتوني والله انا وصفتلي اياه الدكتورة من شهر تقريبا و خايفة ماجربتة

أمة الله الحبوب هاااي ممنوعه تنباع إلا بوصفة طبيب

والطبيب ماا يوصفهااا لج إلا بعد فحص شااامل للكبد والكليسترول والدهون الثلاثيه والسكر وتوقعين على تعهد مااا تحملين فترة العلاج إذاا كنتي متزوجه

رومانسية مووت;5389183:
شجعتوني والله انا وصفتلي اياه الدكتورة من شهر تقريبا و خايفة ماجربتة

توكلي على الله وخذيه أنا صاارلي سنة يقنعون فيه أخذه وبعدين أخذته غصب بعد مااا سااائت حااالة ويهيييي

للللرررررررررفع

هلا حبيباتي انا الحين بالشهر الرابع وباقيلي ايام واخلص لإن كورسي 4شهور وجرعتي 60انا من زمان وصفلها لي كم دكتور بس خايفة مااخذتهتا ومن جد اتحسفت وندمت ني مابديت من زمان لانها الحل الوحيد للحبوب بس عاد الجفاف فضيع والدورة تتأخر بس اصبري واتحملي انا للحين بشرتي ماصفيت لان البنات يقولو ماتصفى الا بعد ماتخلصي شهرين بعد الكورس وتحياتي

السلام عليكم

سبحان الله صارلي سنتين أعاني من حب الشباب وماكو شي ما سألت عنه وجربته وماكو طبيب خاص ولا حكومة إلا رحت ، طبعا المستشفيات الخاصة ما منهم فايدة ولا ستفدت شي غير خسارة الفلوس ، بعدين لما يأست ونطرت وصبرت ولا راضية الحبوب تروح قمت حرقتهم بالخل كل يوم أحكهم بالخل لين لانوا وبطيتهم ، بعدين قمت أراجع بمستشفى حكومي والمستشفيات الحكومية أحسن وايد تحسفت ما رحت لها بالأول ، وبعد كل هالعناء سمعت عن هذي الحبوب ، والله لو كنت أدري عنها جان مستعملتها من زمان ولا هالعذاب الي أنا في ، أنا رحت عند دكتور الجلدية وقلت له عن هذي لحبوب وشرحلي اهي عبارة عن شنو ، وأنا ودي آخذها بس خايفة من شي إنه نظري ضعيف والعدسات ما أقدر أستغنى عنها لأنه لبس النظارة وايد مو زين علي لأنه ترك أثر على خشمي أسود بسبت النظارة فما دري صايرة بين نارين !! وانتوا تدرون لبس العدسات ممنوع لانه يسبب جفاف ويمكن تنكسر العدسة داخل العين ، عاد أنا قاعدة أفكر أسوي حق عيوني ليزر ، وبعدها أجرب الحبوب ، وفي شغلة ثانية خايفة منها إنه على كلامكم إنه الحبوب هذي راح إطلع نفر بالأول وخايفة هالشي يسبب أثر في وجهي ...

ياريتني كنت أعرف هالحبوب من الأول بس حسافة ما عمري سمعت عنها إلا ألحين والحمد الله على كل حال

شوروا علي بنات شنو رايكم ، وربي وأنا أقرى كلامكم إني شوي وبجي لأنه النفر عذاااااااب عذاااااب مايخلي الوحدة تحس بالسعادة والراحة أو حتى بأنوثتها مع العلم إني قبل تبارك الرحمن وجهي مستحيل تطلع في نفرة إلا نادر بس سبحان الله كل شي تغير لاحول ولا قوة إلا بالله الهم أجرني في مصيبتي وخلف لي خيرا منها يارب ، يارب كلنا نشفى وتتحسن صحتنا ونعيش مرتاحين قولوا آمين .

حبيبة بابا الله يشاافيج وتنولين لي في باالج ياارب ومشكووره على المرور

لمبه أناا مثلج ماا سمعت عنها إلا من سنه وطبعاا لأن الكليسترول والدهون الثلاثية عندي كاانت نسبتهن مرتفعه مااا رضوو يوصفون لي العلاج

بس قدر الله إني أقتنع وأسوي ريااضه يوميه ورجيم قااسي لين وصفوو لي الدواا وألحين بعد عشر أياام بكمل شهرين بس طلعت عندي مشكلة إرتفاع الدهون بالدم فقلل الدكتور الجرعه من أربعين إلا ثلاثين وهذاا يعني تأخر في فترة العلاج بس ما قول غير الحمد الله على كل حاال

أما بالنسبه لج الغلا فلا تسوين ليزر واايد ناس عندناا سووهاا وردو يلبسون نظارات مره ثاانيه فلبسيهن إنتي فترة العلاج بس وبعدين ردي على العدساات

أما بالنسبه أنج تحاتين الحبوب لي يطلعن مره وحده أبرك أطلعهن مره وحده ويمووتن للأبد ولا أيلس أربيهن كل يومين يطلع لي شي

الله يشاافي الجميع

للرفع