الحقوني...زوجي يخونني

لاحول ولاقوة الا بالله

كل يوم تقريبا لازم اقرى مشكله خيااااانه
الله اصلح حاااااااال المسلمييييين
والله مدري وش اقولك
لكن الله يفرج كربك ويسخر لك زوجك ولا يجعل له حض مع الناس غيرك

اللهم اميييييييييييين

لا حول ولاقوة الا بالله

اختي...

اذكري الله...

لا تعبين نفسج و تنهارين...ماراح يفيد...

قولي هو خان لانه ما عنده نظر...

خلي ثقتك في نفسك...و خلي ذكر الله على لسانج...

الا بذكر الله تطمئن القلوب

لا تواجهينه ابدا الحين ابد ابدا...

لانه الرجل اذا صغر في عين زوجته و الا حس ان رجولته انجرت

ممكن يتمادى...فالحين ما انصحج بالمواجهه...

بس خلينا مثل ما تقولين ندردش...

محادثاته على المسنجر عن شو كانت بالضبط؟؟؟

و عطاج الرقم من اول مره و الا بعد كذا محادثه؟؟؟

متى يستعمل المسنجر...لما تكونين معاه في البيت؟؟؟

الله يسخر لج زوجك...

الله يكون بعونج

لكن يا أختي أنا مو مع البنات اللي تقول لج واجهيه وصارحية
لأن هذي ريال وتعرفين رجاجيلنا يا الخليجيين حارين وعصبيين وما يرضون أن مره تتدخل بخصوصياتهم حتى لو كانوا زوجاتهم.
ليش؟؟؟

لأنه أكيد راح يسألج اشلون عرفتي؟؟ وبيكون ردج صاعقة له أنج كلمتيه على الماسنجر وسمعتي منه كيت وكيت، يعني السالفة راح تقلب عليج وراح يظل يفكر هي أكيد عندها علاقات دام دخلت معاي أكيد تعرف غيري، وهو يشوف من منظار نفسه يعني إذا البنات اللي أكلمهم ما يخلون شي ما يقولونه وهم بنات، أجل زوجتي وش تسوي من وراي لين رحت الشغل؟؟؟ (هذي اللي أظن أنه بيدور في باله لو خبرتيه أنج إستخدمتي المسنجر) فشيلي هالفكره من بالج خير شر.

ونجي لتحليل المشكلة:
الأسباب اللي خلت زوجج يمشي هالدرب هي:
1. بحكم العادة يعني هو متعود من أيام الشباب.
2. عادة مستحدثه بعد الزواج يمكن سامع من بعض أصحابه عن الأماني والخيالات.
3. حاجة الزوج إلى الحوار (وهذا شي مهم جدا وتغفله معظم الزوجات)
4. حاجة الزوج إلى الرومانسية المحرمة على أساس كل مرفوض مرغوب.
5. البعد عن الله

والحين نجي نحط الحلول لهذي المشاكل:
1. لو كانت عنده هالمشكلة عادة من أيام الشباب يعني حضرتج بصراحة ما ترستي عيونه ولا أضفتي شي لحياته مجرد إنسانه إرتبط بيها عشان تجيب له عيال وتطبخ له وتنظف بيته.

2. إذا كان لأصحاب السوء يد في الموضوع فبيدج أن تبعدينه عنهم، إشلون؟؟ تحاولين ترغبينه إنه يقعد في البيت أكثر عن طريق الليالي الرومانسية والألعاب الرومانسية وحتى العشاء تسوونه مع بعض، وعندج الحريم مو مقصرين بالمنتدى دخلي على أفكار وخبرات وشوفي العجب، حتى جلسات التدليك والتدليل لها تأثير قوي على الرجال. وأنتي أخبر بزوجج شنو يحب وشنو يشده أكثر، حتى ممكن تعرفين هالشي من قعدتكم عند التلفزيون وأنتو تشوفون فلم.

3. الحوار له دور كبير في جذب إنتباه الزوج، خليني أسألج سؤال: ليش الرجاجيل يحبون يتواجدون مع أصحابهم؟؟؟ عشان الحوار يتكلمون في الرياضة في الأسهم في العمل في كل الأمور، ومثلج عارف كثير من الزوجات يتكلمون في أمور تتعب الزوج وما تهمه بعض الأحيان مثل: سوالف الصالون، قصة الشعر، الأظافر، عن الملابس والإكسسوارات وهذي أشياء ما تهم الزوج بالمره، أما سوالف البيت والشغالة والأطفال ومشاكلهم فهي تبعده عن البيت وعن الحوار ككل. بس تبغين زوجج ما يترك البيت عرفي أشلون تحاورينه.

4. نجي الحين للرومانسية المحرمة، تعرفون يا حريم إن الأزواج يحبون المرأة المتجدده اللي تخليه يرغب فيها كل مره، وكل مره يشوفها غير مره محتشمه، ومره خليعة ومره بشكل أجنبي ومره عربي ومره مغربي ومره مصري وحتى الدلع والغنج يلعب دور يعني بذمتج هو شنو اللي يشده لهالبنات غير أنهم قليلات حياء وغنوجات ودلوعات، وأنتي أنصحج تصيرين مثلهم وصدقيني هالشي راح يغير زوجج.

5. البعد عن الله من أهم الأسباب اللي تؤدي إلى المحرمات، وعليج أنتي دور كبير في هالمسأله، أنتي تاخذين دور الهداية، حفزيه على قراءة القرآن في البيت عشان تدخل الملائكة بيتكم وكبداية أنتي قعدي أقري بصوت عالي وحطي لج كتب الأدعية على سجادة الصلاة، ووقت الصلاة فرشي له السجادة وذكريه بالصلاة وحتى لو بتطلعون وبيصادف وقت صلاة قولي له لا نصلي بعدين نطلع أو نرجع قبل الصلاة أو وأنتو بره قولي له وقف عن مسجد خلنا نصلي صلاة الله، لا تخلينه يترك صلاة الجمعة ودايما حفزيه عليها عشان يستمع للخطبه والله يكتب له الهدايه، يعني بيدج تهدينه لطريق الصلاح وما يعود يفكر بهالأشياء لأن التوبه لازم تكون نابعة من نفس الإنسان فلو أنتي واجهتيه راح يترك هالشي فتره بعدين يحن له ثاني بل إنه راح يتحايل عليج وما تحسين به.

وأخيرا.. عشان التغيير وتبعدون عن النت كم يوم أخذي زوجج وسافروا أي مكان وسوي له ليله رومانسية وكلميه يعني خلي هالسفره تغيير لكم أنتوا الإثنين خليه يشوفج إنسانه ثانية غير عن المرأة التقليدية اللي عرفها.

والله يقدم لج اللي فيه الخير ويظل زوجج وفي لج

نصيحه لايدري انك انتي الي بالمسنجر لانها بتقلب عليك
اختي حاولي بالاصلاح وباشغاله عن النت والمسنجر قد ماتقدرين
مب مشكله يعرف الوف مولفه بالنت لكن المشكله لو كان له علاقات فعلا
حاولي قد ماتقدرين اصلاحه ولا تخربين بيتك ولا تطلعين من طورك
اكثري من الدعاء
وقلبي معك والله ينصرك

مالك الى الموجهه معا زوجك وجههيه بكل شي تعرفينه

ولاتكلميه او تقوولين له انو انتي الي كنتي معااه على المسن يمكن المساله تقلب عليكي ..انتبهي

وجهي زوجك بقووه لان لو سكتي ممكن يتمااده معااكي اكثر واكثر

احفظي بيتك من العوواصف الخارجيه الي يمكن حاتهدم بيتك

الله يوفقك ياارب

كلميه عالمسنجر واعرفي شو الي يدور في باله
واتصرفي على هالاساس

الله يساعدك ويسسر امرك

اذا الكمبيوتر بيسبب لك مشكله

كسريه و اخرجيه من بيتك

لكن قبل هالشئ

شوفي اش السبب للي ممكن يخلي زوجك يجري ورا الحريم

امدحيييييييييييييييييييييييييييه قد ماتقدري

لبي رغباته ومطالبه

خليك معاه طول الوقت

اخرجوا من البيت

زوري اهلك او اهله

خليه يشترك في اي نادي رياضي

ترى الفراغ يخلي لرجال يسوي هالاشياء

الله يساعد ويعينك

احنا يالحريم نتسلى عالكمبيوتر بطريقه صحيحية والرجال يتونسون فيه علينا

الله الهادي

**ام يارا**;5183157:
مالك الى الموجهه معا زوجك وجههيه بكل شي تعرفينه

ولاتكلميه او تقوولين له انو انتي الي كنتي معااه على المسن يمكن المساله تقلب عليكي ..انتبهي

وجهي زوجك بقووه لان لو سكتي ممكن يتمااده معااكي اكثر واكثر

احفظي بيتك من العوواصف الخارجيه الي يمكن حاتهدم بيتك

الله يوفقك ياارب

انا مع ام ياراوا لله البنات صار مافيهم خييييييييييييير


صارواهم اللي يجروا ورا الشاب انتبهي لبيتك:wink:

الله يعينك حسبي الله ونعم الوكيل انشاء الله البنات يفيدونك اكثر مني

Noor1979;5176100:
مرحبا اختي

كان الله في عونك اختي ..

مادري الصراحه صعب .. الحل .. لانك لو واجهتيه بالي اكتشفتيه .. ماراح يوقف بالعكس راح يحاول يخفيه اكثر ...

والي يتعود على هالشغلات صعب يلغيها ... ليش ما تحاولين تعرفين منه شنو القصور منج مع اني اعتقد ان المراه تولع اصابعها العشره وبعد ما ينقع في عين الريايل . وجهه نظر طبعا..

قعدي معاه وشوفي شنو فيه بخاطره .. لو انكر وقال ان ما في شي او مافيه قصور من اي ناحيه ..

حاول تجددين وتغيرن بنفسج... والشغله الثانيه لو انتي اصلا من النوع الي يهتم بنفسه ...

قولي له الأتي .... وبيعرف النغزه ...

سوي نفسج شوي منفعله وانج تبين تاخذي رأيه في مووضوع خطططططططير

صديقتج اكتشفت ان زوجها .. يخونها بالماسنجر وعنده تليفون سري ..
وقولي له .. انها منهاره مسكينه ,,, وواجهته وراحت بيت اهلها ...
والريال مصمم على خياناته ,, والمصيبه ان ينكر ان له اي شي من هالنوع ...

وقعدي قولي الله يخلي لي ريلي حبيبي .. الي اطالع الله ثم اطالعه ,, والحمدالله ان مب كل الريايل نفس بعض ..

وشوفي رده فعله ...

ان واصل على نفس المنوال ...

تركي له رساله حلوه ,, واكتبي فيه كل الي يدور بخاطرك .. وانج مب زعلانه ... بس انج ماخذه بخاطرج منه وايد واذا هو يشوفج مقصره .. خله يتزوج ابرك له من انه يخونج .. طبعا انا ما قولج ان بتزوج ... بس يعني شي عشان يحس بغلطه ..

وعامليه مثل ما كنتي تعاملينه واحسن . ولا تتركين بيتج اختي اهتمي بكل شي مثل قبل واحسن مو عشانه عشان ربج اختي .. اهم ان هل العلاقات ما توصل لعلاقات جنسيه ..

لو وصلت للمستوى هذا انصحج هني انج تتركين البيت وتروحين لاهلك عشان يكلمونه ويحطون حد وفاصل .. للخيانات ...



ام جنى

ماشاء الله تبارك الله
عين العقل ياغاليه

سعاد حسني لا تنهاري ترى كل الرجال خاينين كلللللللهم
لكن صدقيني محد يسوى زوجته في نظره

الله يكون بعونج ياختي بس الى انصحج عليه لا تبينين له ولا شي سوى روحج ماتعرفين شي وشو صار حاولي تاخذينه بالكلام شوي شوي بطريقه غير مباشرة يعني مثلا يوم بالايام سوي روحج متضايقه وايد وماتتكلمين ويوم يسألج قولي له انه وحده من اعز صديقاتج اكتشفت انه زوجها يخونها بالماسنجر ويرقم البنات الى معاه جيبيه بالكلام وخليه يتناقش قوليله شلون تساعدي صديقتج وشلون تخلي زوجها يترك هالسوالف ع الماسنجر وبعدين اسأليه شنو برايك ليش زوجها يخونها ؟؟؟ انت رجال وادري عن الحريم عن السبب شو ممكن يكون عشان تنصحينها وعاد شوفي الكلام الى رح يقوله يمكن نفس الاحساس الى هو يحسه فيج وانتي راجعي نفسج شوفي يمكن مقصرة معاه بشي بس شوي شوي عاد لا تستعجلين وتقولين له عن الى اكتشفتيه الا بعديييييييييين وكوني بين فتره وفتره تكلمينه ع الماسنجر شوفيه ليش أساليه انت متزوج خليه يطلع كل الكلام وقولي له حرام عليك ليش تخون زوجتك شنو الى يخليك تسوي فيها كذي وعاد الحل كله رح يكون بين ايدينج وانتي ان شاءالله ممكن تغيريه اذا حسيتي انج مقصره وياه غيري نفسج اهتمي فيه اكثر واكثرررررررر وان شاءالله ربي يفرج همج بوقت قريب

الله معك أختـــــــــــــــى
و فعــــلا زى مــا الاخـــوات قـــــــالوا اللى بياخد على الشات صعب يبطلـــــله
انــــــا من رأى انـــــك تصــارحيــه انــك عرفتــى أو كلميــــــــــه على الموبايل زى ما الاخت pixma
قالت و اكيــــــــــــد هيتكســـــف من نفســـــــــه
و ربنــــــــا يهديهولك ان شــاء الله




,

تـــرانيم;5179175:
الله يكون بعونك عزيزتي

أختي أي حقيقه تطلبينها بعد ما اكتشفتي كل شئ
خصتا انك كلمتيه وهو لا يعرف انه يكلم زوجته على الماسنجر

اسألي نفسك ؟؟

لو كنتي غريبه عنه وقال لك ابي اشوف صورتك او تكلمي معي على الموبايل

ايش شعورك ؟؟

ما ابي ازيد عليك مصيبتك

ولكن جوابك هي الحقيقه الي تبينها

انتي يا اختي ما تبين الحقيقه انتي يا اختي تبين الأعتراف منه انه اخطأ

طيب يا اختي

أنااااااااااااا انقهر لما اشوف زوجات تكلم ازواجهم على الماسنجر علشان تكتشف فضائحه

يا اختي العزيزه انتي اكتشفتي الحقيقه قبل محادثته

الآن الي المفروض انك تسوينه

إنك تتكلمين بكل صراحه

تقولين له بكل مصداقيه

إنك كلمتيه على الماسنجر وتعطينه التفاصيل الي حدثت بالمحادثه

وانتظري منه الجواب وكوني هادئه ولا تكوني عصبيه وتصارخين

ما يحتاج ما الصراخ والعصبيه ما يوقف الرجال عند حده

خليه يقول الي يبيه

وبالنهايه اسكتي عنه لمدة اسبوعين

وبعدها لو جه لك معتذر

قولي له انا قبلت اعتذارك لأني احبك

ولكن صدقني ما راح انتظر اني اكتشف خيانه ثانيه منك علشان انهي حياتي

معك ...

وقولي له ايش الي ناقصه منك ؟؟

لازم فيه قصور يا اختي

يمكن القصور مو منك

ولكن القصور من رغباته المكبوته بنفسه

يمكن يحب المعاكسات الغير محلله

حتى هذي اكتشفنا له حل

سهرات ليليه معه تلفونات مكالمات غزل
رومانسيات رسائل عبر الجوال
ملابس خالعه

كل هذي الشغلات تخليه يشبع رغباته

يمكن الي انا كتبته لك ما يكون سبب من الاسباب

الي يبيه منك

شوفي ايش الي يبيه وسويه

انا اعرف وحده زوجها يحب يتفرج على صور خليعه بالانترنت

وهي اكتشفت هالشي وما قالت له

راحت سوت له كل الي بالصور تدريجيا

وبما ان الله حلل هالشي فكل شي مباح بين الزوجين بما امره الله

وصدقيني بعد فتره اكتشفت من مراقبتها ان زوجها ما عاد يدخل المواقع الي كان

يدخلها قبل ووعدت نفسها انها تحتسب الأجر بالمواصله على رضاء زوجها ورغباته

وانتي يا اختي اسئليه وان شاء الله تكتشفين حقيقة رغباته بدل

ما تبين تكتشفين حقيقة الخيانه ...

احمدي الله عز وجل ان الخيانه

اقتصرت عبر الاميل وليس بالزنا لا سمح الله

وفقك الله واسعدك والله يهديه ويسخره لك ان شاء الله

أنا بجد عرفت إن لي أخوات ما شفتهم بعد ما قرأت ردودكم

الله يحفظكم كلكم ويهنيكم

انا متزوجه من حوالي أكثر من أربع سنين وعندي بنت وحده

أنا أحاول أتجدد باستمرار لأني أحبه ولا أشوف غيره في عيوني

أنا شكيت فيه من تصرفاته الغريبه على الكمبيوتر

وعلى مشورة أحد الأخوات سويت اسم جديد وأضفته وقبل وصار يتكلم معي وقلتله ابغى اطلع معاك وقال طيب واعطاني رقم تلفون ما اعرفه بس ماني عارفه كيف اكلمه وخايفه

أنا وصلت الآن لنصف الطريق وعندي هاجس إنه ممكن يكون مو هو اللي على الماسنجر عشان كذا ابغى أتأكد من التلفون مو عشان أواجهه وأسوي مشكله .. لأ .. لكن عشان أعيد النظر في نفسي ..
لأني ممكن أفتح الموضوع على إنه وحده صار معها كذا وكذا ويرد ويقول أنا وش دخلني بها السوالف

غير كذا هو ذكي جدا جدا جدا وما يحب الكلام الفاضي .. (( على قولته ))

خايفه فعلا أظلمه

وبنفس الوقت خايفه إني فعلا في خطر

وخصوصا إني عارفه إني مو على المواصفات اللي كان طالبها لكن اختارني عشان كل أهله مدحوني عنده

أخيرا

ردودكم كلها رائعة

أشكر اهتمامكم جدا

عجبتني كل نصايحكم بدون استثناء

راح اخذ بكذا رأي وأشوف ويش ممكن يصير معاي

بس رسالتي هذي مو معناها ماراح تزيدون من النصائح

أنا محتاجتكم

الله معكم

أنا بجد عرفت إن لي أخوات ما شفتهم بعد ما قرأت ردودكم

الله يحفظكم كلكم ويهنيكم

انا متزوجه من حوالي أكثر من أربع سنين وعندي بنت وحده

أنا أحاول أتجدد باستمرار لأني أحبه ولا أشوف غيره في عيوني

أنا شكيت فيه من تصرفاته الغريبه على الكمبيوتر

وعلى مشورة أحد الأخوات سويت اسم جديد وأضفته وقبل وصار يتكلم معي وقلتله ابغى اطلع معاك وقال طيب واعطاني رقم تلفون ما اعرفه بس ماني عارفه كيف اكلمه وخايفه

أنا وصلت الآن لنصف الطريق وعندي هاجس إنه ممكن يكون مو هو اللي على الماسنجر عشان كذا ابغى أتأكد من التلفون مو عشان أواجهه وأسوي مشكله .. لأ .. لكن عشان أعيد النظر في نفسي ..
لأني ممكن أفتح الموضوع على إنه وحده صار معها كذا وكذا ويرد ويقول أنا وش دخلني بها السوالف

غير كذا هو ذكي جدا جدا جدا وما يحب الكلام الفاضي .. (( على قولته ))

خايفه فعلا أظلمه

وبنفس الوقت خايفه إني فعلا في خطر

وخصوصا إني عارفه إني مو على المواصفات اللي كان طالبها لكن اختارني عشان كل أهله مدحوني عنده

أخيرا

ردودكم كلها رائعة

أشكر اهتمامكم جدا

عجبتني كل نصايحكم بدون استثناء

راح اخذ بكذا رأي وأشوف ويش ممكن يصير معاي

بس رسالتي هذي مو معناها ماراح تزيدون من النصائح

أنا محتاجتكم

الله معكم

غاليتي مدري احس انك كل ما كلمتيه كل ما جرحتي نفسك اكتر الله يصبرك وايانا

الله يهديــه لك ان شاءالله

الله يكون بعونك ويخفف عنك

ترا كل الرجال عيونهم فارغه يا اختي لا تزعلي نفسك

بنصحك لا تبيني له انك عرفتيه حركاته بس كلميه وقولي له على مشكلتكم بس كانها صديقتك وانها تبي الحل وشوفي وش بيرد عليك ... لا تتهوري وزين اذا جات على ماسنجر وتلفون الحين الاوضاع تطورت وانا اختك
لا تخربي بيتك وحلي الموضوع بهدوء