وين احصله في البحرين ؟!!

خلها على الله 12-02-2008 12 رد 373 مشاهدة
خ
السلام عليكم

شخباركم

بغيت اعرف وين اقدر احصل على جل النكهات - الفسفوري - كريم اللي يولع في الظلام - بجامات اللي فيهم صوت ؟؟

اللي تعرف وين في البحرين موجودين اتدلنا
والله يعطيكم العافية
S
صباح الورد ..

الستراوية .. يعني وش بجامات فيهم صوت ؟؟ أول مرة أعرف ..!!

وحلوين يعني؟؟

أذكر قبل كان عندي بجامة بيج فيها نجوم حمران .. يولعون بالظلام .. كانو نااايس

بي بجامات بصوت !! فيرست تايم ..
م
الستراوية;5175024:
السلام عليكم

شخباركم

بغيت اعرف وين اقدر احصل على جل النكهات - الفسفوري - كريم اللي يولع في الظلام - بجامات اللي فيهم صوت ؟؟

اللي تعرف وين في البحرين موجودين اتدلنا
والله يعطيكم العافية


حبيبتي ما تنفعج كله اهرار وتركيب بطارية يعني تخيلي انتي لابسها اشياء ثقيلة ومبرمجة انا شفت عند صديقتي تتحسف على افلوسها ولبستها كلش كريهه
وانتي حرة اذا مصرةبسئل لج من وين:)
•
جيكي الخاص حبيبتي
ح
المحيط في محرق يم رامز تحصلين بوليت وبوصفقة وبو مادري شنوو
خ
أها .. اوكي حبيباتي مشكورين ...

وعن الكريمات وين اقدر احصلهم ؟
ح
في محل في المحرق يبيع هالسوالف كلها
دائما يخلون لهم اعلان في الوسيط
مو ذاكرة الاسم بالضبط
بس اكيد بتلاقينه في الوسيط
و الله يوفقج
O
صح في محل في المحرق يبيع كل هالسوالف بس ناسية اسمه يمكن هذا اللي تقول عنه حبيبة جناحي..

وشفت بو صفقة عند محل في مدينة عيسى قريب جداً من طرادة

بس صراحة .. إذا تبين رايي الشخصي

أحسهم مسخرة وما منهم فايدة.. ومثل ما قالوا.. خسارة فلوس عالفاضي ومافيهم راحة لأنهم مغناطيس وبطاريات وهالسوالف

جل النكهات في محل في مجمع يتيم يبيعه
بالأحرى محلين في مجمع يتيم الطابق الأرضي
جربي عندهم.. شفت عندهم أشياء فيها جلتر ويمكن عندهم الفسفوري

وإذا كلش روحي ركن التسوق.. في مندوبات بحرينيات يبيعون هالسوالف.. اخذي أرقامهم وجيكي عندهم دامش بحرينية
S
توني أعرف عن هالبجامات ..

الصراحة خيو ستراوية أفضل ما تشترين .. الوحدة لازم تطلع نعومة وتطلع أنوثتها بمعنى الكلمة بعيد عن التكلف ..
وأتصور بجامات بهالشكل مافيهم رومانسية .. وبدل ما تثيرين رجلش يكن يخليه يضحك :D .. ويقلبها طناز ..

مجرد رأي حبيبتي والله يوفقش بحق محمد وآل محمد ..
أما الكريمات .. من فترة شفت في ديبنهامز .. مدري للحين لو لا .. جيكي ..
خ
في مكان ثاني غير المحيط ؟؟
a
هلا حبيبتي ستراوية
في محل في محرق اسمه المريح ابيع هالسوالف

انه بعد مع البنات لما جفت الاعلان في الوسيط وقلت لريلي اشرايك
يقول والله مسخره وين راحت الرومانسيه
عيل اندر وير بوصفقه وغييييرهااااااااا
اذا تبين تغيير عن الروتين في العلاقة الرومانسية
جوفي ركن الافكار وابحثي بالنت
اما هالسوالف مسخرة وضحك على عقول المتزوجات الي ورى الاشياء التافه بمسمى التغيير وكلها من الغرب.....في اشياء صج حلووووه واتغير الجو الرومانسي بس مب مثل هذلين الي فيهم مغناطيس وحديد وغيرهاااا وجلي على الجسم وعلى المنطقة الحساسة
الله يهدي الجميع..........سوري بس هذي رايي الخاص


ياقائم آل محمد العجل العجل العجل فقد زادت الفتن والمنكرات
ي
اختي ستراوية اذا تبين تغيرين عنج لعبة الكرستال احس فيها حركات رومانسية واشياء حلوة جربيها وتراها وايد روعة .. وقميص نوم ناعم وحلو للجو الرمانسي اللي راح تسوينة ..
ك
حبيبتي يتوم في وين الاقي الالعاب مثل لعبة الكريستال اذا عندج فكره خبريني
X