بنات جاوبوني عندي سؤال مهم

انا صار لي مثلك ياقلبي ودورتي هم منتظمة كانت كل 28 يوم

وقبل موعد الدورة اذكر بيومين يمكن او ثلاثة سويت تحليل منزلي مثلك بالضبط

وطلع لي خط غاااااااامق والثاني بعد جم دقيقة طلع بس كان مرة فاتح

وبعدها بيومين راح زوجي وخذ جهاز ثاني وسأل الصيدلي قال له دام طلع خطين

حتى لو كان الثاني فاااتح يعني الف مبروك والمدام حااامل

وقال له يستحيل يطلع الخط الثاني اذا ما في مؤشرات للحمل

يعني ياقلبي ان شاء الله تكون تجربتك مثل تجربتي وتطلعين حامل

وتأكدي بتحليل الدم اذا انتي مستعجلة يالغلا

وان شاء الله تبشرينا قريباً يارب

مرحبا الغاليه بالنسبه لي انا سويت هذا التحليل في البيت وطلع لي خط غامق وخط فاتح جدا والحين ولله الحمد أنا حامل وان شاء اللله بأذن الله تكوني حامل , سوي التحليل من الصبح اول ماتقعدين من النوم وشوفي وان شاء الله تكوني حامل وحاسبي لنفسك

اختي سوي مره الثانيه تحليل المنزلي وشوفي النتيجه....

نفس حالتي اختي وتاكدت لما رحت فحصت دم وطلعت حامل

الله يرزقج بالذريه الصالحه ويرزق جميع خواتنا المؤومنات

مشكورات حبيباتي ... بس تعرفون انا مابى افحص دم اخاف انصدم ....ويتبدل الفرح حزن ... بروح اشتري الفحص ب 15 درهم وبشوف .... اذا حصلت نفس النتيجة بروح افحص دم من باجر

على فكرة احس بألم في ظهري وريولي كأنه الم الدورة واحس بوخز في بطني من ناحية اليمين ... بس مش دايما يمكن مرتين بس شو يعني ؟؟؟؟؟؟ والله يابنات ... وفوف هذا مضايقة من الدوام يالسة على الكمبيوتر واشتغل وظهري احسه انكسر .... اخاف يطيح البيبي وبعدني ماتهنيت من كثرة يلستي على الكمبيوتر

انا دايم يطلع لي خط خفيف واطلع حامل


مبرووووووووووووووووووووووك

بنات عدت التحليل اليوم للتأكيد وشريت فحص الحمل ب 15 درهم ... وطلع لي خطين ... خط غامق الثاني لونه وردي فاتح ..... هل انا حاااااااااااااااامل صدق ؟؟؟ ولا يمكن يكذب التحليل المنزلي .... علما انه ماعندي دليل قاطع اولا المؤشر الاول اللي هو الدورة ماشرفت بعدها يعني انا استعيلت وفحصت ... بس هل انا حامل صدق ... بنات جاوبوني ... والله بمووووووووووت من الفرح ...

انشاءالله حامل بس احسن لج سوي تحليل دم

ان شاء الله حامل ..

عشان اتاكدين سوي تحليل دم :)

والله يوفقج يارب ..

هو ما دام طلع لج خطين يعني أكيد حامل أختي لأن الخط الثاني ما بيطلع إذا ما في حمل وأنا أتوقع إذا انتظرتي بعد يومين راح تشوفين الخط أغمق،، أنا لما كنت حامل انتظرت لما تأخرت علي الدورة يومين وطلع لي الخط الثاني غامق وواضح.

حبيبتي اذا طلع خط ثاني وواضح اوضح من الي شفتيه قبل يعني حمل روحي سوي دم افضل لج ويارب تكونين حامل وتبشرينا انشاء الله انا سويت تحليل بعد 3 ايام من تأخرها وطلع لي خط ثاني وردي فاتح بس واضح يبيين.. الله يرزقج الذرييه الصالحه المعافاه يارب..

اختى الف الف الف مبرررررررررررررررررررررررررررروك انتى حااامل بس انصج ريحي حالج قد ماتقدرين لانه بعدك في بدايه الحمل وبسهوله ترى يطيح الجنين الله يحفظج ويحفظه يااارب

الف مبروووووووووك حبيبتي .. في قاعدة للفحص المنزلي تقول a positive is a POSITIVE يعني الايجابي ايجابي لانه اكثر الاختبارا تغلط باخبار السيدة بعدم حملها لما تكون حامل اكثر بكثيييييير من اخبارها بالحمل و هي غير حامل ..و ننتظر اخبارج باذن الله ..

الله كريم حبيبتي

ان شاء الله الحمل صحيح وربي يقر عيونك شوفته طفل معافى



بس لاتنسينا من الحلوان >>>>>>> صايره شاميه هههههه

ها نقول مبروك .. حللتي دم وتأكدتي؟
المهم ديري بالج على نفسج حبيبتي ..مبروك عليج الجنين
والله يتممه لج على خير.. وربي يجعله من الذرية الصالحة