يارب يوفق اللي ترد عليه

لسلام عليكم ورحمة الله وبركاته

حبيبتي ابنك كبير فاحتمال الموضوع طبي

خذيه لدكتور اختصاصي يمكن المشكلة عضوية لا قدر الله او نفسية

الضرب ما يفيد مع الاطفال الكلمة الزينة هي الي تفيد

انا انصحك بالطبيب لان 5 سنوات مو صغير ويعرف يتحكم بوقت ومكان التبول والبراز الله يعزك فالافضل تعرضيه على دكتور والله

طمنينا عليه حبيبتي

بالإضافة إلى كلام أختي ملاك هل جربتي قبل النوم تعطيه ملعقة عسل يوميا

راح يخف عنه التبول


وبعد ضروري تناقشيه بالهدوء المفروض يكون عندك طولة بال أكثر يالغالية ، إحتمال العملية هاذي تزيد عنده أكثر بسبب غضبك ، وبعدين هالأيام البرد زايد فأنصحك تقومينه بين فترة والثانية يروح يتبول ..

طيب نسيت أسألك هل هذا صار وياه مؤخرا ؟؟؟

صحيح كلام ملاك وام المهند لأن هالشي مو طبيعي بمثل عمر ولدك

ولا تلجئين للضرب حبيبتي قبل لا تعرفين أساس المشكلة وين

والاستشارة الطبية افضل حل عشان تتجنبين أي مشاكل إضافية

وربي يطمنك عليه

مادري شقولج ماحبيت اني احقرج بس احسن حل انج نعرضينه على دكتور

اتفق مع البنات لازم تعرضينه للطبيب

عزيزتي انا مع الاخوات
وبما انك في جده ادلك على الدكتور الافضل هو ..........
د.عصام هاشم- جده- عيادات البدريه
واذا كان محتاج لجلسات نفسيه ابنة الدكتور اخصائيه نفسيه للاطفال
وانشا الله تجدين الحل المناسب
والله يحميلك طفلك ويريح بالك
وطمنينا عليه

السلام عليكم

الله يعينك اختي على هالمشكلة بس بسيطة ولا تحاتين اذا ماقدرتي على علاجها فتعرضينه على طبيب وانشالله بتنحل

اعتقد الحين انتي لازم اول تشوفي الاسباب وهل من قبل هالسالفة والا توه الحين بهالعمر؟؟ لو من قبل من كان صغير فاعتقد هني لازم تدخل الطبيب
انا اذا توه هالفترة فيمكن من البرد او ممكن معاه مشكله عضوية او شي.. لازم تحاولين وياه بأساليب مختلفة وبالهدوء وتجربي كل شوي تودينه الحمام وانتي بكرامة وتفهمينه بعدين لو مانفع تعرضينه على دكتور..


تحياتي اختي