لازم ارد الفلوس لصاحبته ساعدوني

هم شجون 11-02-2008 25 رد 2,089 مشاهدة
ه
السلام عليكم يا عرايس..

والله ما عرفت وين احط هالموضوع بس ان شاء الله يكون هنيه..
الموضوع وما فيه اني اشتريت مشد اندونيسي من احدى التاجرات في المنتدى من عشر شهور تقريبا وبسبب انشغالي في ترتيبات عرسي نسيت احول المبلغ وراح من بالي..الله يلعنك يا شيطان وانا الحين ابي ادفع المبلغ لكن ما عندي اي معلومه عنها غير انها ساكنه في بدع زايد (أبوظبي) واشتريت منها 2 مشد اندونيسي كل واحد ب 150 ومع التحويل 320 درهم..واعتقد والله اني مو متذكره اسمها "أم صقر" والله ماني متذكره بس ياريت تساعدوني ارد الفلوس عشان ارتاح نفسيا...

ولادتي هالاسبوع ان شاء الله ونفسي ارتاح قبل ما اربي :cry:
ب
ان شاء الله البنات يساعدوكي
وربنا يقومك بالسلامة
k
اختي اذا هي في منتدى عروس سوي اعلان للتاجرات على الخاص
واذا هي بغير منتدى ارسلي لها على الخاص
واذا كلش مابينت بعد سنه وحبيتي تريحين ضميرج حطي المبلغ لها في اي مشروع صدقه جاريه ويكون اجره ان شاء الله لها
وبكذا تكونين ريحتي ضميرك بس الاهم انك تدورينها بهالسنه هذي
ع
والله انك صادقه اختي خلود
خ
هلا اختي

عندج الاخت أم زايد1

تبيع المشد يمكن هيه اسأليها

وهذه الاخت تبيع
اسمها مشتاقة لقطر

والسموحة
ق
الله يعينج و يريح بالج يا رب
ع
ياختي انا اشتريت المشد بعد من وحدة اتوقع كانت من برا بوظبي
بس كانوا اهلها من بوظبي و اتييهم زيارة ..

واذا ما خاب ظني اتوقع هي نفسها الي شريت منها ..

انزين تذكرين انها كانت تبيع بهارات بعد او شي من هالقبيل ؟؟

الي شككني انها نفسها انها كانت اول شي تبيعه هني و ب 150

الباقيات كلهن عرضوه بأرخض من جي .. لو هي بدور لج في مشاركاتي ..

زين ليش ما اتدورين في مشاركاتج قبل وتشوفين شو اسمها؟
و
ربي يقومك بالسلامه

واذمالقيتها اختي تصدقي بالفلوس عنها

وخله لك درس

لقول الرسول صلى الله عليه وسلم

اعطي الأجير اجره قبل ان يجف عرقه

وربي يساعدك وتعريغنها

والله يسهل ولادتك ويقومك سالمه غانمه مجبورة الخاطر

لك ودي
s
ابحثي في المشاركات اللي انتي مشتركه فيها وبتحصلينها
:):)
ب
kholoud_sa;5165499:
اختي اذا هي في منتدى عروس سوي اعلان للتاجرات على الخاص
واذا هي بغير منتدى ارسلي لها على الخاص
واذا كلش مابينت بعد سنه وحبيتي تريحين ضميرج حطي المبلغ لها في اي مشروع صدقه جاريه ويكون اجره ان شاء الله لها
وبكذا تكونين ريحتي ضميرك بس الاهم انك تدورينها بهالسنه هذي
س
ان شاء الله بتحصلينها والله يساعدج ان شاء الله
ا
الله يعينج و يريح بالج يا رب
د
عنبوه مشد ب 150
؟؟؟
M
الله يقومك بالسلامه وانشاالله تحصلينها يارب ياريت أقدر أساعدك
ب
ان شاءالله تحصلينها باذن الله انا ماابيعه بهذا السعر سعري اقل واذا ماحصلتيها نزلي الفلوس صدقه وان شاءالله الاجر بيوصل ليها ....
ف
sal000000ha;5181250:
ابحثي في المشاركات اللي انتي مشتركه فيها وبتحصلينها
:):)


صح كلام الاخت صلووحه.. والحمدلله تذكرتي الغالية ...
ودوووم خلوا فيبالكم حقوق الناس . ترى الله ما يسامح فيها
ض
انشالله تلقينها ومثل ماقالت الاخت ابحثي بالموضوع اللي انتي كاتبه فيه وطالبه المشد وانشالله تلاقينها
ا
الله يسهل عليج
M
ألله يعينج يارب
ف
الله يكون في عونك الفلوس صعبة
X