مــــن تـــــجــــاربــــي

هلا عزيزاتي استكمالا للموضوع حبيت افيدكم بآخر المنتجات اللي جربيتها



ماسكرا شفافة من بودي شوب هي للرموش بس انا استخدمها للحواجب



تثبت الحواجب وترتبها....

من ماركة LUMENE وهي ماركة عرفتنا عليها مشرفتنا العزيزة سنووايت


اشتريت من عندهم ماسكرا وطلعت حلووووووة تكثف الرموش واتطولها



بس الشيء اللي ندمت عليه اني خذتها ضد الماي ما انصح حد ياخذ



Waterproof لأنج تتعذبين لما تنظفينه :cry:



يعني جربوا الماسكرا العادية وفي عندهم ماسكرا للعيون الحساسة ...




بعد ما جربت الماسكرا وعيبتني خذت عندهم ارواج بعد طلعت حلوة ...


الأرواج اللي عندي رقمهم 52 و 152 واحد على وردي والثاني على


عسلي ....

والشيء الحلو ان عندهم عرض اذا خذتي ماسكرا تحصلين على ثانية مجانا


انا خذت ماسكرا سوداء وعطوني وحدة زرقاء...


ونفس الشيء بالنسبة للأرواج وتقدرين تختارين اللون الثاني مجانا ...


سعر الماسكرا 28 درهم تقريبا ...


وسعر الروج 20 درهم ....


والماركة هذي موجودة في محل مكياجي

صراااااااحة استفدت واايد

و ننتظر المزيد

هلا عزيزتي العسل وشكرا على مرورج وان شاء الله الكل يستفيد:smile:

مرحبااااااااا


كيفكم يا حلوين


حبيت اقولكم عن خبر حلو وهو انه لايف ستايل الواحة مسوين تنزيلات


على المحل كله عندهم اكسسوارات حلوة ومكياج من ماركات مختلفة


نيفيا ،ماكس فاكتور ،ريفلون....الخ


ففرصة للي تحب تجدد في مكياجها


المهم واللي ابغي اقولكم عنه انا اشتريت عطر سبراي للغرفة بريحة


الفانيليا ريحته حلوة وباردة وهو لتعطير الفراش والغرف ...


العطر مكتوب عليه ROOM SPRAY

HANEY &VANILLA

من شركةCLAREMONT &MAY

وفيه روائح ثانية بس هذا اللي جربته وريحته تمسك في الفراش ...



وحبيت اقولكم ما دام نتكلم عن تعطير الغرف يبيعون عندهم كرات من


الخشب وفيها عطور ممكن تنحط بين الثياب او في الحمامات او في


السيارة بروائح مختلفة مثل البرتقال ....


انا جربت اللي مكتوب عليها OCEANUS والكرة الوحدة بنص درهم :eek2:



:z_bye:

مرحباااا


حبيت اخبركم عن آخر تجاربي ومشترياتي


جربت جلوس من برجوا ومع اني كنت متعقدة من الجلوسات لأنها تسيل


وما تثبت بس الجلوس هذا ممتاز ويثبت وما يسيل ...


والحلو فيه انه يعطي انعكاس بأكثر من لون وفيه لمعة جذابة...


فيه منه 4 ألوان انا جربت اللي جنب الثالث من اليسار ....


اتمنى اكون افدتكم ...

صورة للجلوس

يعطيج الف عافيه حبيبتي
عندي سؤال بسيط
انا حابه اغير الفاونديشن اللي استخدمه
كنت قبل استخدم الفاونديشن الكريمي من ماك بس عقب قالوا ان البودر احسن ولاحظن ان الفاونديشن اللي استخدمه يخلي بشرتي كانها مقشره
ابي اعرف الاشياء اللي استخدمها عشان الفاونديشن مالي يكون كامل
يعني البودره ... الكريم السائل .. وشنو بعد؟؟ وسمعت ان في كريم علشان يوحد لون البشره ويثبت الميك اب قبل ابي اعرف شنو؟
ووووووووو شنو احسن ماركه مع انهم نصحوني ببودره ماك العاديه او البودره اللي منزلها جفنشي اللي يقولون انها مكثفه
ارجو اني ما اكون طولت عليج
تحياتي

Dear all

If you are intrested in Foundation : I always Advice to use the new Christain Dior Foundation

the Best Bowder and Foundation compact is : Kanebo..
tawze3ah 7elow, lonah 7elow, na3m o ma yetkatel..

Go for Kanebo,, ;)

هلا عزيزتي النايفة تقدرين تستخدمين قبل الكريم أساس كريم مرطب


حسب نوع بشرتج وانا كاتبه عنه قبل مع الماركة هذا ينحط قبل عشر


دقائق من وضع كريم الأساس ومن تجربتي اشوف كريم اساس لانكوم


الأخير خفيف ويعطي تغطية جيدة وانا ما استخدم بودرة لأنها تخلي ويهي


مقشر ونفس الملاحظة قالت لي اياها مرت اخويه ...


وحاولي تشربين ماي وايد لأن احتمال عندج جفاف وهو يسبب لج ظهور


قشور على البشرة ...


ان شاء الله اكون افدتج واي خدمة انا حاضرة..

تسلمون برونزيه وعروس دبي على الرد وانا بعد سمعت ان لانكوم وسي دي تمام وبعد سمعتهم يمدحون كانيبو مع اني مب عارفه وين القى الماركه هذي
بغيت اسال شرايكم في السمر كيك ادري انه قديم ... المشكله كل ما حاولت اشتري منه ولا مره اضبط الرقم ودايما يطلع اللون مختلف وغير عن اللي ابيه حد منكم يا جماعه مر عليها رقم عدل اقدر اشتريه؟
تحياتي ويعطيكم العافيه

الله يعطيج العافيه على هاذي الأشياء الحلوه .

حبيت اسألج اختي عن بودره فيها لمعه وكذلك شدو فيه لمعه لأني ابي اغير مكياجي كله وأجدد فيه ولج تحياتي واشواقي.....

يعطيج العافيه اختي على هذا الموضوع...

اشكركم عزيزاتي على تواصلكم


عزيزتي 929khalida ممكن تشوفين عند Make up for ever


ايشدوات بلمعة بألوان روعة وفرشاتهم بعد حلوة ممكن تبليلنها بشوية


ماي وتستخدمينها على الشدو تثبت لمدة طويلة وانا مجربة اكثر من لون


عندهم الأبيض اللؤلوي روعة والوردي على فضي واللي يميز الوان الشدو


عندهم انها تعكس لونين ....


وبالنسبة للبودرة ممكن تشوفين ماركة ماك ...


اتمنى اكون افدتج عزيزتي واي خدمة انا حاضرة :smile:

مشكوره عروس دبي على هالموضوع الحلو مثلك انا دائما استخدم مسكرة لانكوم فظيعه ما في احسن منها وروج اللي على شكل عطر الجديد لكريستين ديور تراه فظيع لكن لحتي الان ماحصلت كريم اساس يعجبني :cool: :cool: :cool:

الاخت الغاليه عروس دبي
تستااااااااهلين

:clap: :clap: :clap:

علي هاالمجهود والمعلومات الرائعه

بعض الاشياء الي ذكرتيها استخدمها بالنسبه لكريم الاساس لانكوم ومناديل التنظيف ... الخ
ووعطر الفراش من لايف ستايل بس جربت الفراوله ويجنن بس من فتره مخلص:confused: عندنا في ابوظبي

بشوف اذا رحت دبي عن كرات الخشب الي قلتي عنهم

تسلمين

this is for you
:flower: :flower: :flower:

ThanK You Sweety:shy:

يعطيج العافية

عزيزاتي عروس الدوحة ،الوردة الحزينة ،باربي الدوحة،لجونة


اشكركم جزيل الشكر على المرور على الموضوع وتسلمون :smile:

سوف يتم نقل الموضوع لركن المواضيع المميزه نظرا لتميزه..
مبروك لصاحبة الموضوع.. :clap:



ونتمنى منكي المزيد من التقدم..

الف الف شكر لج