متحجبة عن ناس وناس ،، ليش؟؟!!!

موضوع استغرب منه الصراحة
الله يهديهم

ابرار الجنة;5185638:
و الله انا اشوف في بعضهم مو لابسين الحجاب الا عشان شعورهم مو حلوة

بس بنفس الوقت انا برايي انه الحجاب مو كل شي

يعني شنو الفايدة وحدة محجبة و تخربط من كل صوب وهي خاشة قذارتها بالحجاب

لا و الله انا عندي صديقة مو محجبة بس اخلاقها احسن من وحدة ثانية اعرفها محجبة

طبعا مو تشكوون فيني انا الحمد لله محجبة من عمري 7 سنين بس هذا الواقع

شكرا لك ام حسون

اختي كلامج فيه شي من الصحه
بس انا من رايي انا مايكون تفكيرنا بهالطريقة، لان الحجاب فرض ومافي عليه اي خلاف وممكن اللي مو متحجبه تكون افضل بالاخلاق بس هي تاركه فرض ربنا فرضه علينا مثله مثل الصوم والصلاه واي فرض آخر
بس بعد لازم مانحكم على الشخص من شكله وانا مابي ادخل في موضوع برا موضوعنا :o

المووهيييم، انا بقول لكم تجربتي وسالفتي
انا اللي اعرفه ان البنت لما تبلغ يجب عليها الحجاب بس في بعض البنات يطولون مايبلغون بسرعه:cool: بس بعد الحجاب يبقى فرض عليهم
انزين انا بلغت لما كنت بالصف السادس يعني عمري 10 سنوات يمكن وماتحجبت
قلت حق امي مابي ههههههههههه لاني كنت احس اني صغيره وربعي كلهم مايلبسون
وبعدها بكم شهر اذكر في رمضان في اول متوسط امي قالت لي بتلبسين غصب عنج (6)
فلبست وكنت اول ما ادخل المدرسه افصخه وطبعا الهنود هناك والرياييل يدخلون وانا عادي وهذا لحد ماتخرجت من المدرسه مع اني كنت احس بالذنب
وبعد في بيت يدتي ماكنت اتحجب عن اولاد عماتي لان الاولاد كلهم في مثل عمري تقريبا يعني من جيلي وكان عندي عيال عمتي يصيرون بنفس الوقت عيال خالي يعني كنا وايد قراب من بعض دايما في بيتهم مع ان مافيه بنات،،ياحليلنا والله،،، فكانوا عادي كأنهم خواني
بس عيال عماتي الباقيين كنت استحي منهم ما اكلمهم وايد بس بعد ماتحجب قدامهم
وطبعا ابوي مايدري ان احنا مانتحجب عنهم، وانا ماكنت ادري انه مايدري خخخخخخخخخ
بس بعدين عقلت وكبرت وقمت البس عنهم :o
انا طبعا مب مستانسه بعمري ويايه اقول لكم بس قلت لكم الصج (a)

ادري اني وايد سولفت وماقلت شي مفيد
بس الخلاصه انا البنات اذا كانوا صغار فهم مايعرفون يفكرون عدل ومانقدر نلوم الاهل على كل شي لان بعض المرات تكون هالاشيا من ورا ظهرهم وهذا شي شفته وايد
يعني انا الحمدلله ماسويت شي اهلي مايدرون به بس عرفت ناس جذي
بس في ناس الحمدلله والشكر متخلفين حتى النخاع عيايز وشكبرهم ومايستحون او يشوفون بناتهم قدامهم ومايتكلمون وطبعا اغلب الاباء مايتكلمون في هالسوالف مع بناتهم او يكلمون الام وهي ماتفتكر
وانا اعرف كذا وحده تخلي بناتها يطلعون بدون حجاب بس ابوهم مايدري
او اذا ابوهم مايرضى تطلع بالمكياج تقول لها حطي بس اول ماتدخلين البيت على طول روحي غسلي ويهج او مسحيه قبل لا تدخلين
يعني توقعوا لو الاب يشوف بنته في الشارع فاصخه وش بيكون موقفه أو لن الناس كلها تدري ان بنته جذي وهو مسكين مايدري
لا وبعد كله كووم واللي يتحجبون داخل البلد ويفصخون برا في كووم ثاني
يعني هاذي الاشكال مادري شلون تفكر، واذا قلتي لهم يقولون هناك محد يعرفنا او محد بيتكلم علينا هههههههه يعني الصراحه ماعرف شاقول غير انهم مسااااااااكييييييييين :ss:

اي والله صار الحجاب موضه وكل واحد يشكله على كيفه الله يهديهم مشكوووووره على الطرح

ابرار الجنه جعلك بالجنه الحجاب فرض من رب العالمين والاخلاق ثاني مايحاسب عليه العبد ,,
فعلا موضوع قيم في بنات الله يهديهم حالتهم مؤسفه وحجابهم ع بالهم تطور مايدرون انهم يتطورون الى الاردى وان الحجاب عفه وشرف والله المستعان ,,..

ملح العذارى;5207154:
ابرار الجنه جعلك بالجنه الحجاب فرض من رب العالمين والاخلاق ثاني مايحاسب عليه العبد ,,
فعلا موضوع قيم في بنات الله يهديهم حالتهم مؤسفه وحجابهم ع بالهم تطور مايدرون انهم يتطورون الى الاردى وان الحجاب عفه وشرف والله المستعان ,,..

حبيبتي انا معاك بس اذا كانت محجبة و تنافق؟ تكذب؟ تخرب بيوت؟ تصادق شباب؟

هذا كله مو محاسبة عليه انا برايي يصير غلطها اثنين لانها عصيت ربهاو لانها شوهت الحجاب بتصرفها

شنو رايك؟؟

والله موضوع رائع ,,,

اهم شي تربية الاطفال من وهم صغار,, امهاتنا اول بس يقولونا تحجبوا واحنا ما نبي ولما يجي على بالنا نتحجب تحجبنا,,, القصد من كلامي ان المفروض الام تحبب البنت فالحجاب,, وتمدحها لما تلبسه

والله اعرف بنوتات صغاار بس يحبوا يلبسوا الحجاب من نفسهم ,,, احنا في جيل صعب وكل شي يباله اقناع وشرح,,, تقنعي البنت بهدوء وتفاهم عشان يكون الالتزام بالشي قوي وليش مجرد خوف مننا


استغفر الله واتوب اليه

هنا يكمن الخطر
الحجاب الحجاب والله المستعان

معكِ أختي ماما حسون ... كل ما ذكرتيه صحيح،، أما ما يحدث في الأعراس فحدث ولا حرج،، في بعض الأحيان أمتنع عن الذهاب إلى الأعراس حتى لا أرى ما يصدمني... فتيات كنت أحسبهن محجبات ثم أراهن يرقصن أمام المعرس الرجل الغريب بدون حجاب!!!!

طبعاً الأهل والأم بالذات لها الدور الأكبر في توعية بناتها وتعليمهن معنى الحجاب حتى لا يكون مجرد عادة يسهل خلعه أو التهاون فيه حسب المزاج.

ابرار الجنة;5209801:
حبيبتي انا معاك بس اذا كانت محجبة و تنافق؟ تكذب؟ تخرب بيوت؟ تصادق شباب؟

هذا كله مو محاسبة عليه انا برايي يصير غلطها اثنين لانها عصيت ربهاو لانها شوهت الحجاب بتصرفها

شنو رايك؟؟

اسمحيلي لي اتدخل اختي عندي ملاحظه

الحجاب واجب والأخلاق الحميده أيضا

مش مربوطين ببعض

وهذا الي استغربه ان الناس يعتقدون المتحجبه لازم تكون ملاك ولا تخطئ

كلنا بشر وكلنا عندنا ذنوب والله سبحانه قال في جديث قدسي بما معناه ان يحب العبد الي يخطي ويتوب ويستغفر ولو ما نخطي كان ابدلنا الله بقوم يخطون و يستغفرون لأنه يحب المستغفرين

الريـــــــــــــم;5220183:
اسمحيلي لي اتدخل اختي عندي ملاحظه

الحجاب واجب والأخلاق الحميده أيضا

مش مربوطين ببعض

وهذا الي استغربه ان الناس يعتقدون المتحجبه لازم تكون ملاك ولا تخطئ

كلنا بشر وكلنا عندنا ذنوب والله سبحانه قال في جديث قدسي بما معناه ان يحب العبد الي يخطي ويتوب ويستغفر ولو ما نخطي كان ابدلنا الله بقوم يخطون و يستغفرون لأنه يحب المستغفرين

صحيح حبيبتي كلامك صح

بس انا اتكلم عن البنات اللي هني اللي الكفار يعتبرونهم واجهة المسلمين

بس طبعا احنا يا ما غلطنا وراح نغلط اكيد مو ملائكة

الله يهدي الجميع

اقولك الحق والله يا اختي انا باندم اشد الندم لاني كنت اول ماتحجبت بقيت اتحجب برة البيت بس انما قدام قرايبنا الشباب للاسف لا و بقيت اقول زي الهبلة دول اخواتي اعذروني في الفاظي بس بجد بتضايق من نفسي جدا لما بافتكرالموضوع دة
بس الحمد لله تبت الي الله و ان شاء الله ربنا يقبل توبتي
موضوعك راااائع

للاسف الموضوع ده موجود فعلا
ربنا يهدي بنات المسلمين واهلهم

جزاكى الله الفخير

ابرار الجنة;5220278:


صحيح حبيبتي كلامك صح

بس انا اتكلم عن البنات اللي هني اللي الكفار يعتبرونهم واجهة المسلمين

بس طبعا احنا يا ما غلطنا وراح نغلط اكيد مو ملائكة

الله يهدي الجميع

فعلا اختي الي تتحجب عن قناعه حتى اخلاقها تبتعد عن المعاصي

بس البعض يلبسه استغلال لانطباع الحجاب فقط وهذيلا مكشوفين طبعا

سبحان الله اليوم شفت حلقه د.محمد العوضي وتكلم عن هالموضوع

أتمنى تشوفينها اكيد بتعجبج

بتكون الأسبوع الجاي باذن الله الساعه 8 بتوقيت الكويت في قناه الراي

بارك الله فيج على غيرتج اختي (f)

الريـــــــــــــم;5224117:
فعلا اختي الي تتحجب عن قناعه حتى اخلاقها تبتعد عن المعاصي

بس البعض يلبسه استغلال لانطباع الحجاب فقط وهذيلا مكشوفين طبعا

سبحان الله اليوم شفت حلقه د.محمد العوضي وتكلم عن هالموضوع

أتمنى تشوفينها اكيد بتعجبج

بتكون الأسبوع الجاي باذن الله الساعه 8 بتوقيت الكويت في قناه الراي

بارك الله فيج على غيرتج اختي (f)

تسليمن حبيبتي بس ما عندي قناة الراي مع الاسف

عاد انا كلش احب اسلوب الدكتور محمد

ابرار الجنة;5224146:
تسليمن حبيبتي بس ما عندي قناة الراي مع الاسف

عاد انا كلش احب اسلوب الدكتور محمد

فعلا انسان مثقف وصريح

جمعه مباركه لكم جميعا (f)

بارك الله فيج بنت بلادي

احنا بهالزمان البنات الصغار لازم يعرفون معنى الحجاب الحقيقي وهو لستر وإن الحجاب الحقيقي هو ستر للبنت وصوون وعزة وشررف عشان يقتنعون إن رب العالمين مافرض هالشي الإ في مصلحة المرأة لكي يعلووو شأنها وتبقى عزيزة بحجاب صونها

الحجاب عمره مايجي بإجبار لازم تمهيد للبنات الصغار من عمر 7 سنوات لأن معظم اللي جبروهم اهلهم على الحجاب يلبسونه فترة ويفصخونه بعدين .. مب الكل بس وايد بنات المجبورين هالشكل يصير فيهم بعدين يصيدهم ردة فعل لأن لبسو الحجاب بشكل إجباري..

وإحنا الحمد لله عندنا في البحرين موجود حفلة سن التكليف الشرعي للبنات يعني ماتصير 9 سنوات الا هالمراكز يعرفونها بصلاتها وصيامها وحجابها وجميع فرووضها


الحمد لله على نعـــــــمة الإسلام .. الحمد لله على نعمــــــــــة الحجاب

اللهم احفظ بناتنا واجيالنا من الغـــزو الفكري .. وتكريهم للحجاب الإسلامي

وإذا البنت ما بلغت شلمشكله...؟؟

بصراحه إنا ما تحجبت لين ما طلعت لي تضاريس يعني ما بلغت بس يبين على جسمي ..ولما بلغت تحجبت عدل مدل مثل ما يقولون ..