كل وحدة تشرح لنا كيف ولدت

الله يسهل علينا جميييييييييييييييييييييييع

انا في ولادتيتي الأثنين ما أحس بألم اصك الشهر التاسع وادخل العاشر لازم طلق صناعي .
انشاءالله الله يسهل عليش وتقومين بالسلامه.

:ss::(:SOFA::21_131:

هذا أول حمل لي

أسأل رب العالمين أنه ايسهل علينا الولادة

آااااامين يا رب

اما عن قصه ولاتي ففي يوم 19 11 2007 نزل علي ماي وبدون طلق الفجر الساعه 4 ورحت المستشفى وبعد الفحص قالو لي ان الرحم مفتوح 1سم والماي اللي نازل منك وصخ وخطر على الجنين ولازم الحين نعطيك طلق صناعي وعطوني الابره وبدأ معاي الالم لين الساعه 12 الظهر ما قدرت استحمل وطلبت ابرة الظهر وعطوني اياها كنت احس بألم بسيط لين الساعه 4 جات الدكتوره وكشفت علي لقت الرحم مفتوح 5سم وقالتلي ان نبض الجنين بدأ يخف واحتمال نسوي لك عمليه قيصريه واهني انا مت من الخوف وامي معاي تقولي ان شاء الله بتولدين طبيعي وانا ادعي والكل حولي يدعي لين ولله الحمد تعدل نبض الجنين وامي جابت لي ماء زمزم مقري فيه وفيه زعفران والله من يوم شربته والا الرحم مفتوح 9سم والساعه 6 المغرب فالو يلا ولاده يلا ادفعي مره والمره الثانيه جات احلى بنوته في الدنيا وهذه قصه ولاتي عسى ما اكون طولتها عليكم ... وانصح كل الحوامل انهم ما يخافون ويتوكلون على الله ويكثرون من الدعاء بتسهيل الولاده والله يسهل على الجميع

هاي بنات:salam:
هاي اول مشاركه الي بالسايت:o دائما اقرا (الافلام الرعب الي تكتبوها)بس ما اكتب و اليوم قررت اكتب قصه ولادتي:cry:
كان موعد ولادتي يوم 15 ديسمبر 2007بس في اسبوع ال33و 3 ايام حسيت بتعب وكان عندي كونترول عند الدكتوره ف اكتشفت عندي شي اسمهhavandeskapsf;rgiftningماعرف اسمه بالعربي بس هو ضغط عالي و فقد بروتين بال اورين و حالتي الى درجه تعبانه و البيبي جدا صغييييير اخر 3 اسابيع بطني ماكانت تكبر ولا سم واحد وكنت حاسه شي غلط بس ماكانو يصدكوني....
و على طوووول دخلوني مستشفى و بقيت تحت الكونترول 24 ساعه بعدين شافو مافي فايده تعبي دا يزيد والبيبي تعبان و ضغطي جدا عالي و دا افقد بروتين كثير ف قرروا عمليه قيصريه لان البيبي صغير ما يستحمل :confused:ودخلوني من الصبح عمليه و كان زوجي معي و اخذت بنج موضعي بس ماكان كافي البنج ف بنص العمليه حسيت بوجع فضييييييع و كمت اصرخ كانت بطني بتنشلع ف عطوني بنج عام بنفس اللحظه الله لا يرويها الاحد:confused:
و بعدين كعدت من البنج كلولي جبتي بنوته(a)بس حياتي ماكان واصللها الغذاء لمده اسبوعين المشيمه ماكانت تشتغل زين من وره الي صار بيا...ف اجت بنوتي وزنها كيلو و نص كانت اقل اب 30%من الحجم الطبيعي..
و كلشي مشه تمام ثاني يوم باليل صار عندي وجع فضيع ف اجات الدتوره كشفت كان تشوف بطني منفوخه و صار عندي نزيف داخلي و خارجي طلع شريان مكطوع:confused:كالولي عمليه مره ثانيه بس بعدين دكتور ثاني كال لا مانكدر نسوي مره ثانيه ف ظلوا يدوسون بطني حتى يفرغون الدم وهيجي بقيت تقريبا شهرين يلله طاب الجرح ف بقيت ويه بنتي بالمستشفى لمده شهر و اسبوعين و بعدين طلعنه للبيت والحمدلله اليوم عمرها 3 شهور واسبوعين و كبرت شوي و بدت تكول (اق اق)و هذه قصه ولادتي.......طولت عليكم مو؟؟؟استحملوني لان جديده:21_209:

خوووووووووووووفتوني وانا للحين ماتزوجت<<الله يكون بالعون
والله يتمم لكم حملكم على خير ان شاء الله

انا لسع بكر وفي الشهر الرابع واللة بس افكر في الولادة اخاف بس اقول لازم انسى لسع بدري ولاحقة على التفكير والخوف لا احيانا احكي زوجي عن قصص الولادة واني خايفة قاللي ايوا لان هذة اللحضة تكون بين اللي تولد والموت شعرة لان هذة روح تنزل منك ومو سهلة قلتلة اللة يبشرك بالخير طمنتني شوف من يقولك بعد كذا واللة يسهل ولادتي وكل الحوامل انشاللة

اني صار لي شهرين من ولدت ببنتي البكر
والله نصيحه لوجه الله لاحد يسمع كلاااااااااااام احد اني كانو يقولوا لي انها الولاده موت ...........الخ الاكلام الي ينقال بس من جربة الولاده ماتوقعتها بها سهووووووووووووله سهله مررررررررررررررررررررررررررررررررررررررررره
ومع العلم ماكنت امشي واييييييد بس اكثر شي كنت اشرب دارسين من دخلت شهري ويوم الي راااح اروح المستشفي واني في السياره زوجي جاب لي تمر وقعت اكلها ولحمدلله رب العالميييييييييين
والله يسهل عليكم انشاء الله

الله يطمنك يا أسيرة الدمعة

زي ما طمنتيني

انا مرة خايفة لأني في التاسع

وبكرية

الله يسهل على الجميع

الله يهون على اللي راح يولدون ويرزق المتزوجات

قصصكم حلوة بانتظار المزيد

:)

انا بعد بكر والله يستر ان شالله باقي لي شهرين على الولادة

يابنات لاتخافون ووكلوا امركم لله
وانا اسمع ان بعض الحريم اذا جاتهم الولاده يشربون ماء بالزعفران
ومقري فيه ايات وادعيه
وانا عن نفسي بسويها بقارورة مويا صحه واقراء فيها وبجربها لأن ماعمري جربتها
ماسمعت فيها الا بالشهر هذا
والله يسهل علينا كلنا

الله يعينج
اناتوني مربيه وتعبت وااايد بس الحمدلله على كل حال
لازم تصبرين نفسج واحتسبي اجرج عند رب العالمين
بس اوصيج تتدربين على تمارين التنفس في الولاده لانها تساعد وايد

يماااااااااااااا

ادعوا لي اولد بالسلامة واجي اكتب لكم

<<< توها بالشهر السادس

يووووووووووووووووه أنا بعد خاااااااااااااااااااايفة ...
أول حمل لي هذا أنا بالشهر الخامس ، وأختي ولدت الأسبوع اللي راح بقيصرية وتعبت بالولادة..
وأنا خفت لما صار مع أختي كذا قالت أمي لا تراها سهلة الولادة زي تقشير الموز....
أحس أمي بس ماتبي تخوفني وأنا والله مرعوبة......................................!!!

انا في ولادتي تعبت بصرراحه في البكر وفي الثااني بعد في البدايه كاانت الحمدالله امور حملي تمام بعدين دخلت التاسع وكنت كل اسبوع عندي مراجعه في المستشفى كنت كل ما اروح يقول لساا الدكتور وقالي اشربي خروع مع عصير برتقاااال والله على طوول اشتريته وشربته بس ما جاني طلق وبعد ما قربت اخلص التاااسع قالي الدكتور اذا ما جااكي طلق ضروري تجيني السبت علشاان الطلق الصناااعي كنت واااايد خايفه وفعلا جلست ما جاني طلق مرررا وبعدين دخلت المستشفااا الصبااح الساعه 8 الصبح وعلى بالي خلاص يعطووني طلق واولد في ساعه او ساعتين وطلعت الشغله مطوووله جاتني الممرضه كشفت علي قالت الرحم مقفل المهم اعطووني تحميلتين السااعه 11 الصبااح وقالواا اذا في الم دقي علينا قلت اوكي المهم تقريبااا السااعه 12 الظهر حسيت الم شوووي وناديتهم وكشفوا قالوا لسااااا بعدين اعطوني تحميله ثاانيه على العصر كذااااوزاد الالم اكثثر جواا كشفوا قالواا ما انفتح الا 1 سم وكنت اتألم من الالم وجوني اهلي وخااالتي وابوي للزياااره ..وكنت اتألم مررررا بس يقولون لسااا وراحوا وجلست معي امي الله يخليهاا لي تعبتهاا مررا جووا مررا ثاانيه الممرضاان كشفواا قالوا يالله يالله غرفه ولاده تحت وفرحت قلت خلاص بولد بس كنت برضوا خايفه من الولاده وماااسكه يد امي زي الاطفال لا تروحين عني وابكي مررا ولما نزلت تحت حطوني في الانتظااار وجااء الدكتور وقااال لساا مطوول يمكن الفجر وكنت انام قلييل واقوم على الالم اتألم شووي وارجع انام وزي كذااا الين السااعه 10 الليل وكل شووي يجوا يكشفوا علي وكنت اتألم منهم مررا بعدين نمت لما كشفواا بعدين قمت استفرغ مررا وجاوا اعطووني ابره وارتحت ونمت وعلى هذا الحاال انام واقوم اتألم وارجع انام جوا اخوااتي السااعه 12 في الليل عندي كنت اقول لهم يا بختكم مرتاحين ذحيين تروحون تنااامون وابكي
وبعدين راحوا الساعه 12 ونص تقريبااا بعدين زاد علي الالم مررا الساعه 1 الليل وجوني ودخلوني غرفت الولاده وقالتي السستر اعطيكي كمام يخفف الالم قلت ايييه وحطت الكمااااام وليتهاا ما حطتته نومني وكان يقومني الالم وترجع وتحط الكمااام علي وانا ارميه علشاان الريحه اللي فيه وعلشاان برضوا ثقيييل ما اقدر امسكه بعدين لما انام يقوموني وانا اصاارخ من الالم والتعب كنت كل ما غمض يقوموني قومي رقومي يالله وفتحت لقيت الكتور جاااء خلاص ولاده ويقوول يالله ادفعي وانا ما في حاالي جسمي مهدود مراا وانا اغصب نفسي ادفع بعدين اخذ نفس شوي ويقول لي الدكتور خذي بسرعه نفس وادفع طولي في الدفع يمكن ثلاث مررا ت او اربع اخر مررا قلت لازم ادفع بقوه واكتم نفسي والحمدالله ساعدتني السستر الحمدالله بعدين ولدت السااعه 3 ونص الفجر بس كان تعبااان شووي بس الحمدالله
وهذه قصت ولادتي بالتفصيييل
ان شاء الله ما اكوون طولت عليكم
والله يقوم كل وحده حاامل بالسلامه ان شاء الله يااارب

الله يسهل علينا جميعا يا رب ..

أنا موعد ولادتي الأسبوع الجاي وللحين ناطرة