من بنت الإمارات إلى بنت عذاري

دمعة غريب 08-02-2008 9 رد 2,931 مشاهدة
د
من بنت الإمارات إلى بنت عذاري





السلام عليكم ورحمة الله وبركاته
في البداية أشكر كل القائمين على هذا المنتدى الأكثر من رائع....
وأشكر كل من خطت أنامله بكلمات أفادت الجميع..
وأخص شكري في هذي المشاركة للأخت الغالية((بنت عذاري)) اللي اتمنى لها كل التوفيق والسعادة وإن الله يحقق كل اللي تتمناه...
((بنت عذاري)) اسم كل اللي في بيتنا يعرفه من صغيرنا إلى كبيرنا
المهم بدش فالموضوع
أنا بصراحة قريت كل مواضيعج تقريبا والبارحة توها إختي طابعتلي موضوع مرطب الشتاء وإن شاء الله بسويه...
لكن تمت تساؤلات واااايده في بالي وبال خواتي كل وحده خذت اللي يناسبها وكتبت المكونات اللي تحتاجها في ورقة وسرنا للسوبرماركت عندنا في بوظبي وتعالي شوفي اشكالنا كل وحده ماسكه سله وتقرأ في ورقتها وتحط مكونات خلطاتج هههههههههههههه
والله تحفه اشكالنا ما شاء الله كنا خمس بنات واتخيلي المنظر...
أنا بكتب الأسئلة بس ابيج بأمانة تردين بالتفصيل ومثل ما عودتينا بالصور عسب تكون أوضح إلنا لأن السوق والجمعية بعيدة عنا حنا ساكنييين في منطقة نائية((هههه)) لا تخافين
فلازم اكتب اللي ابيه بورقه واكون اعرف شكله لأن ما اقدر ارده أو اغيره
بس ابيج تسامحيني لأن وااايد اسئلة عندي وأنصحج تردين في الويكند عسب تركزين ويااااااااااااااااي
تراني بويه المدفع وكل الأنظار علي عسب يزوجوني((هههه))
فلازم اهتم من الحين ويكفي اهمال...
وقبل لا ابدأ وياج شو رايج بهذي الوصفة من بنت عمي لبياض الجسم:=(علبة جليسرين كامل+نص ليمون+3ملاعق أكل بودرة أطفال)يوضع على الجسم قبل النوم.
بسم الله بدينا
1=خلطة الديودرنت انت كاتبه فازليين بيبي جونسون للأطفال الوردي ممكن الصورة لأن بصراحة ماعرفته؟
وخلطة الشفايف بعد كاتبه فازلين وردي هل هو نفسه أو لأ؟ إذا الجواب مب نفسه ممكن تحطين صورة الفازلين للشفايف ضروري الصورة ابيها؟
2=بخصوص الشعر المتطاير إنتي كتبتي إن بعد تجفيف الشعر من الماء يوضع السيروم
ANTI - FRIZZ SERUM
يعني الشعر لازم يكون مجفف تماااااام ولا ماء به صح-يعني ما ينفع استخدمه وهو مبلول من الداخل والأطراف؟؟؟
وهل كثرت استخدام السيروم يأثر على الشعر؟
3=بالنسبة لبيكنج صودا تعبنا وااااايد وإحنا ندوره ولكن وحده قالت يمكن تحصلينه عندنا فالصيدليات فجاري البحث عنه فياريت لو تكتبين فزعة لبنات بوظبي وين ممكن نلقاه واكون لج شاكرة(((تراج مشهورة والكل بيجاوب عليج وبيفزعلج هههههه)))
والله موقفه كل برامج عنايتي علشان هالبيكنج صودا ذبحنا وحنا ندور عليه........
4=إنتي كتبتي مره إن لازم بعد حمام البيكنج اليوم الثاني يكون وصفة سيقان وأيادي مرمر ومره كتبتي إن بعد حمام البيكنج وصفة بنت عذاري لبياض العروس؟
فممكن توضحين لي أبدأ بشو يعني أسبوع بعد الحمام اسوي اليوم اللي بعده وصفة أيادي وسيقان مرمر والأسبوع اللي بعده اسوي بعد حمام البيكنج اسوي وصفة بياض العروس ينفع ولا شو رايج ((تراه يهمني)))
5= أنا في رحلة تسوقي لمكوناتج ويا خواتي اشترنا الصابون المغربي بزيت الزيتون صنع المغرب وعندنا الليفة المغربية من قبل وحابين نستخدمه فشو رايج يعني السبت حمام البيكنج واليوم اللي بعده سيقان وأيادي مرمر ونهاية الأسبوع حمام مغربي ينفع وإلا نأجل الحمام المغربي لبعدين بس والله يوم اسوي حمام مغربي تطلع بلاوي يخرع فلازم كل اسبوع اسوي مرة حسب كلام وحده مغربية اعرفها قالت لي
يعني ابيج تسويلي جدول ((إذا ما عليج أمر))
لأن جسمي يبيله عناية شديدة يعني حدث ولا حرج كل اللي تبينه (((سواد لون الجسم ابد مب موحد مكان ابيض ومكان بني ومكان اسود والله قوس قزح يخرع ههههه على خشونة وعلى آثار حبوب فالكتف والظهر
على فكرة ترا عمري 23 سنة
وأنا والله حبيت طريقة اهتمامج بنفسج وحابه أكون ((بنت عذاري2))
ممكن؟؟؟
6= في وصفة بياض العروس كتبتي قشدة طازجة أنا اللي فهمته إني ما أقرب صوب المعلبة صح؟؟؟؟؟
ممكن أعرف من وين أقدر آخذ هالقشدة الطازجة وكيف تكون شكلها ابيج توصفينها وشو الفرق بينها وبين المعلبة وإذا ما عليج أمر ممكن صورتها؟
أدري تعبتج وياي بس أبي اسوي وأبدأ بخلطاتج وأنا فاهمة وعارفة لأنج عوتينا مع كل وصفة أو خلطة تكتبين الفوائد والله يجزيك كل خير...
7=في وصفة بياض العروس كتبتي شعير القمح يوم سرنا رحلة البحث عن مكونات بنت عذاري((((هههههه)))) سألت عنه عطوني شوفان أبيض هل هو اللي تقصدينه؟؟؟
8=بالنسبة للوصفة اللي كاتبه فيها (بيبي أويل يرطب بشرتك ويعطره على ذوقك) هل هو اللي مكتوب عليه زيت بخاخ مع زيت اللوز والصويا لأن هذا اللي شفته واشترته من رحلتي الخاصة؟؟؟وبالنسبة لمسك روز اللي من أجمل صح أهو سائل وشفاف شكله؟ وبالنسبة لعطر كاميليا اللي من زهور الريف جاري البحث عن هالمحل عندنا في أبوظبي فممكن صورة هالعطر عسب إذا لقيته اعرفه؟
9=بالنسبة لوصفة يدين وقدمين بياض الثلج حابه اسويها كل يوم يستوي لأن ريولي والله تفشل يبيلها كل يوم ويالله تبيض ويتوحد لونها وروح عنها التجاعيد والأصابع السود وتستوي نفس ريول البنات((((ههههه معاقبة ريولي)))) وأنهي الوصفة مثل ماكتبتي بكريم دوف او جليسوليد او نيفيا او بيبى جونسون بس أنا طبعي يوم ادهن ريولي بكريم أو زيت ألبس وراه على طول دلاغ(شراب) صح أو غلط؟ لأن اختي تقول ما يستوي بيتشربه الدلاغ شو رايج؟
10=وصلنا للشفايف آآآآآآآآآآآآآآآآآآآآآآآآآآآآآآآه والله من أكبر معاناتي شو سوده مع ان يوم اشوف صوري يوم كنت صغيرة وردية ما اعرف شو استوالها يعني الشفايف اللي فوق سوده واللي تحت ع الجوانب سوده وبالنص وردي والله مب شفايف بنيه ههههههههههه فهالوصفة ماتعرفين اشكثر استانست عليها وإن شاء الله تقضي على هالسواد وعلشان جذيه فالبداية طلبت منج تحطين صورته لأن والله كل ما أسير مكان وأسأل عنه يقولون مافي والله شوي وبصيييييييييييييييييح من القهر وإذا طلع مافي
عندنا في بوظبي ما يخصني تسويلي طلبيه من عندكم فالبحرين(هههههههههه)؟
وبخصوص شمع العسل ممكن صورته لأني بس لقيته فالصيدلية فأريد أعرف نفس اللي شفته؟بليييز قبل لا آخذ غير وأتوهق ترا واااااااايد تهمني هالوصفة؟؟
11=بالنسبة لخلطة توحيد لون البشرة مع إزالة الخشونة والحبوب إنتي كتبتي (كوب عدس مطحون وبعدين سويتي قوسين على(طحين نخي) سؤالي في فرق بين العدس والنخي اللي اهو الحمص انتي في هالوصفة تقصدين العدس؟ ام النخي (الحمص)؟
وإذا كان العدس في أنواع البني غامج والبرتقالي اي واحد تقصدينه؟وبعد كتبتي كركم الأكل بصراحة أنا ماعرفه اللي اعرفه كركم الجسم اللي من العطار. كركم الأكل من وين آخذه وشو يكون مكتوب عليه بالعربي والإنجليزي علشان آخذه؟
وننهي هالوصفة بكريم جرجينز آخذ اي نوعية سامحيني وايد ذبحتج بالأسئلة وطلب التفاصيل لأن والله ما اعرف بهالسوالف فاعتبريني أختج صغيرة وغشيمة؟
وبنفس الوصفة ننهيها بدهن الرجلين واليدين بفازلين وجليسرين وليمون أي نوع فازلين تستخدمين لهذه الخلطة اللي بريحة الأويل العادي المعروف أو شنو؟
12=في أكثر وصفاتج تستخدمين زيت الخروع وأنا حسب معلوماتي المتواضعه عند معلوماتج انه يطول ويكثر الشعر فعند استخدامه في وصفاتج مثل ع الظهر أو الوجه واليدين هل يأثر ممكن توضحيلي وأكون لج شاكرة
فالنهاية سامحيني من كل قلبي أني أخذت من وقتج وأكيد وانتي تردين ع أسئلتي تقولين في خاطرج هذي من اي كوكب يايه ما تعرف شيء فالدنيا ههههههههه
بس والله العالم اني واااااايد استفدت منج والله يكتب بكل كلمة تكتبينها حسنات ويرزقج باللي تتمنينه بس هااااااااااااااا
ما وصيج ابيج تكتبيلي جدول لمدة شهر ترا أنا يالسه في البيت لا شغل ولا مشغلة
وجدول ثاني لمدة شهريين بكون في الشغل مالي (والله كبرنا قالوا بيوظفوني إن شاء الله بعد شهر ادعيلي) فراعي اني بكون من ساعة 7 لين 4 برع البيت يعني يوم اكون في البيت شو اسوي ويوم اكون فالشغل في مكتبي شو اللي ممكن استغله من وصفاتج واهتماماتج ترا مثل ما قلت اريد اكون ((بنت عذاري2))
هههههههههههههههههههه

ونست اخبرج باللي حابه اسويه من وصفاتج بس ابيج ترتبينه لي في جدول يعني يوم السبت شو اسوي والأحد والخ ترا لا تحاولين تحذفين شيء(هههههه) لأن كل اللي اخترته من وصفاتج احتاجه وااااااايد بس مب عارفه ابدأ بشو وأأجل شو فياريت لو تساعديني فالجدول
اللي اخترته
(طريقتج في تنظيف البشرة---وإزالة الرؤوس السوداء مال الخميرة والعسل والماء الدافي---وصفة الشعر المتقصف---إزالة الكرش---وصفة البشرة الباهتة والمسمرة والتعبانة---لإزالة السواد والخشونة من الجسم مال بكينج صودا---وصفة أيادي وسيقان مرمر---وصفتج لبياض العروس---غسول الفم---اللوشن اللي بزيت اللوز(البخاخ)---خيار خيالي كتونر للوجه---ديودرنت---وصفتج لبياض الأبط اللي تقشيرالمنطقة ثم وضع الخلطة اللي فيها كركم ولبن وحليب والخ والنوم فيها---وصفتج ليدين وقدمين ببياض الثلج---لشفايف وردية محمرة طبيعية بلا سواد---لتطويل الرموش نسيت أخبرج ترا رموشي واايد قصيرة---وصفتج لوجه غير بياض ونور ونعومة---خلطة توحيد لون البشرة مع إزالة الخشونة والحبوب---لوشن مسك للجسم إلي بكريم جرجينز بالمسك تراني اشترته من رحلتي لللبحث عن مكوناتج---لتبيض الأسنان وعلى فكرة اشترت معجون اسنان اسمه ادفانس وايت بالبيكنج صودا ماركة آرم آند هامر بس المشكلة نفس الماركة مالقيت البيكنج صودا مع اني سألت المسؤولين فالسوبرماركت---خلطة لظهر صافي---قناع لبشرة خالية من الحبوب وآثار مع العلم ما في بويهي حبوب بس كم آثر قديم مب راضي يروح---وصفة ليدين ساحرتين---وصفة شهر العسل---لإزالة كحل العيون---لبشرة صافية بلا تشققات ولا تصبغات---لإزالة سواد الأكواع والركب والأقدام((اعاني من هذي المشاكل بشدة ولازم اسويها وبشتري احد الكريمات الطبية اللي وصفتيها))---وصفتج للتقشير والترطيب والتبيض للجسم اللي مكوناتها عسل وحليب مكثف وكركم الخ...---للقضاء على جفاف اليدين والجسم ينفع يوم اشتغل احطه في مكتبي لترطيب اليد ولأ اشتري كريم جاهز يوم اشتغل---عصير بنت عذاري لنظارة البشرة---وصفة للعناية بالبشرة ومحيط العين بعد العودة للبيت في آخر النهار---مقشرومزيل للجلد الميت إلي ببودرة الكراميل والجليسرين---لسواد الركب والأكواع والأبط اللي بعد الإستحمام يوضع الليمون مكان السواد بفوطة ثم يوضع الطحينة(الهردة)ثم يدهن الجسم بزيت السمسم ومكان السواد بزيت الخروع)
رتبيه لي في حدود 3 اشهر لين ما اتعود واعتمد على نفسي واشوف شو اللي يناسبني ويكون لي كروتين يومي ما استغني عنه
يعني حاليا وااايد ارتحت لهذي الخلطات والعالم الله اني ارتحت لكل خلطاتج بس خصيت هذي لأني محتاجتها والباقي الخلطات ومواضيعج خزنتها عندي يوم بحتاجها بسويها.

وعندي اسأله بس وااااايد استحي منها ماينفع ع العام إذا ممكن اطرش ع الخاص وأكون لج شاكرة...

ختج بنت الإمارات
ب
هلا بك حبيبتي(f)
تسلمين على رقة كلامك ربي يسعدك ويسعد هلك
من عيني برد على كل استفساراتك ولكن بكره باذن الله
واذا استفسار ماينفع على العام تامريني راسليني على الخاص
ولي عوده ان شاءالله
&
في الانتظار
د
والله مثل ما عودتينا حبج للخير والله يجزيك عنا كل خير حبيبتي

وأنا وخواتي وأمي بعد ننتظر ردك

بنت عذاري2 (ههههههههههههه)
ا
ننتظر الافادة من بنت عذراي

امنيه
ا
السلام عليكم ورحمة الله وبركاته
وانا كمان يابنت عذاري في الانتظار صارلي كم يوم ادخل ابغى اشوف ردك لاني محتاجة للاجوبة ويجزاكي خير
د
والله زعلتيني يا بنت عذاري خمس شهور وأنا انتظر ردك والله حرام الكل زعلان منك ما عودتينا على جذيه


الغايب عذره وياه ان شاء الله خير

في الانتظار
s
WAITING !!
ع
ياااااااااا هي بنت عذاري لسه مردتش :think:

عندنا مثل مصري بيقول الغايب حجته معاه

ان شاء بنت عذاري تيجي وترد

انا شفت الموضوع ده صدفه بس فيه اسأله حلوه

ياريت بنت عذاري ترد
ا
وانا بعد ناطره للاجوبه

الله يابج يادمعه تدرين ان اغلب الاسئله الي محتاجه لها قلتها الله يوفقج ان شاء الله والجميع اكيد ....

وانا بعد خاطري اكون بنت عذااااري 3

ناطرينج يابنت عذااااري الله يوفقج يااااارب وينويلج كل الي في بالج في ميزان حسناتج ...
X