بين نارين .. أطالق واتزوج .. والا اتم متزوجه .. ساعدوني....

انتي عايشه بين صراعين ..

صراع بين زوجج وبين الي كنتي تحبينه ..

لازم ما تفكرين مجرد تفكير بهذاك الرجال ..

لأنه حراام لأنج على ذمة رجال ثاني ..

أما مشكلة زوجج فــ حاولي قدر الإمكان إنج ما تربطينها مع مشكلة الإنسان الي كنتي تحبينه ..

لأنج بتقعدين تقارنين وهالشي راح يتعبج كثير ..

خصوصا ً إنج عايشة تقريبا ً شبه مشكلة مع زوجج ..

وطلع لج فجأة الإنسان الثاني ..

فكري زين ولا تستعجلين بأي قرار تتخذينه ..

لأن ساعتها الندم ما راح يفيدج بأي شي ..

و إذا اثبت زوجج أنه متزوجج علشان فلوسج ..

فتأكدي 100 % أنه مستحيل يتغير بعد الزواج بالنسبة للمسائل المادية ..

فكري زين ..

واخذي راي أهلج بكل شي تفكرين فيه ..

ساعتها اتخذي القرار المناسب ..

والله يوفقج ويـيـسر أمرج ..

تحياتي لج ..
frawla ..

:9_33:

اختي انا بعد ما قريت الموضوع والردود عندي كذا تعليق احب اقولهم اولهم ياختي ترا حرام تتصلين ير:oجل اخر وانتي في حكم المتزوجة وبالنسبة للبنات اللي يقولون ان رايج عشان ما تحبينه ما اعتقد لانج تقولين انه يطلب منج هدايا وفلوس وهذا شي ما يبشر بالخير لكن شوفي اختي انا اوافق البنات الراي في انك تقولين له انك بتستقيلين من الوظيفة واخذي القرار المناسب على حسب ردت فعله وهذا اللي راح يبين لك كل شي والله يوفقك ويكتب لك الخير وين ما كان:o

كونه ينقل كل كلمه تقوليها لاهله حطي عليه x واكبر الxxxxxxx

اختي الكريمه اهم شي الاستخاره فالله عزوجل يعرف الي يصلح لكي

ومن وجهه نظري الشخصيه اتمنى ان لاتستمري مع هذه الرجل لانه الصفه الكريهه فيه من وجه نظري نقل الكلام وهذه الي اعاني فيه مع زوجي كل كلمه اقوله له الاقاها عندي اهلي طفشت وصرت اكره بس الشكوى لله لان عندي ولد ولو ماعندي طلبت الطلاق بسبب هذه الصفه

استخيري الله

صلاة الاستخارة خير شيء تفعليه بإذن الله ,,

واسأل الله ان يوفقك الى مافيه مرضاته ,,

نتي لسه على البر

شووفي الي ينااسبك وسوويه عشاان بكرره ماتندمين ؟؟؟

الله يوفقك ياارب

مرحبا عزيزتي ...

طبعا شر البلي مايضحك بس فعلا حال هالدنيا انجلب فوق تحت الحرمة صارت ملزومه بكل شي والريل قاااااااعد ويتشرط بعد

المهم طالماا انج استخرتي ومارتحتي ففضي العرس لأن الزواج مب عشرة يوم واللى اثنين هذا عمر والريال اللي من هالنوع مايتكل عليه أبدا ..
اشتري راحتج ...

بتكلم عن خطيبج الحالي...

اول شئ ماله حق في ريال واحد من فلوسج...

اذا تبين تساعدينه فهذا من احسانج...

و الا غير جيه ماله حق...فلوس الحرمه لها...

السكن و المصرف من واجباته و مسؤولياته...

اذا اليوم دفعتي الايجار...باجر الخدامه و المصرف و السايق...الخ...

دامج على البر...و ماتزوجتوا...استخيري بعد و اكثر...

و قوليله انج ما تبين تشتغلين و انه هو ريلج و المفروض يصرف عليج...

قوليله انتي الريال و انا ابا اكون مرتاحه و متهيأه لك في البيت...

بالنسبه للشخص الثاني...

لا تكلمينه و لا تحطينه في بالج...

اذا ماصار نصيب مع هذا...و تقدم الشخص الثاني...

في ساعتها استخيري...اما من الحين تفكرين فيه...

ما انصحج...لانه يمكن ما تنفصلين..فمعناها خيانه...

اذكري الله...و فهمي اهلج الوضع كله و يا ريلج....

و الله يسر امرج و يفرج همج...

اختي ...

سمعتي عن المثل الي يقول ... " كلمن ينام على الجنب الي يريحه"

انتي تحاولين بضبط تطبقين هل مثل عليج بس مش عارفه كيف ....

تعتقدين الحياة بالكيف .. ماصابت معاي هل مرة بتصيب مرة ثانية .. تخلطين الاوراق ببعضها و انتي اصلا مش فاهمه اساس المشكلة وين ...

تبين تعرفين وين اساس المشكلة ... اسا المشكلة مش في خطيبج ولا في حبيبج ولا في حياتج ... اساس المشكلة هي انتي =)

غاليتي ... يوم الشخص يفكر بجديه فالارتباط ماشوفها بشكل سطحي .. او يركز في ناحية وحده و يترك نواحي ثانية ... هذا غلط

و هذا الي خله وايد ووايد من العلاقات تفشل .. و خصوصا العلاقات الزوجية الي بدت بعلاقة حب و عقب ارتباط ... ركزوا على الحب بس و قدموا وايد تنازلات .. لين صار ماصار عليه الحال ...

لا تقولين الشهادة مو مهمة المهم يحترمني .. هذا تفكير بنات في عالم الخيال

الشهادة مش معناها يلا تخرج و عنده مركز و و و ... الشهادة معناها ثقافة .. خبره .. كفاح ... يوم تسمعين فلان خذ شهادة من اهن اهني و تخصص في كذا و اشتغل في كذا .. قبل لا تعرفين شخصيته بتقولين ماشاءلله باين عليه مكافح طموح ... اذا يصمم على الشي يبيه .. يتعب عليه ... انسان منظم حياته .. انسان جاد في حياته ..

ماقول شرط اي حد يحصل شهادة ممتاز ولا اقول اي شخص ماعنده شهادة انسان المفروض يكون محطم .. الي ابا اقوله كيف الانسان يفكر صح ... و على قولت المثل شي اير شي..

مثلا يوم وافقتي على الاولي قدمتي تنازلات مثل يلا ماعنده شهادة بس موافقه عليه على اساس انه يحترمني ... و شوي شوي اكتشفتي انه ماخفي كاان اعظم .. انه ماعنده خبره فلحياة ولا تعامل مع الطرف الآخر ولا عنده شي اسمه خصوصيات ... اهني انصدمتي .. بس للاسف ماربطتي هل شي ابتسرعج فلموافقه مثل ... انا تسرعت في موافقتي عليه المفروض اقيم الشخص بشكل افضل ...

و للاسف مازلتي تعانين من نفس المشكلة يوم قلتي ... ولي يحبني رد دق علي و احسه يناسبني اكثر ... كيف تعرفين؟؟؟ مش يمكن تنصدمين منه اكثر؟؟؟

الحكياة شو يا هذا يا ذاك .. ..

غاليتي فكري بشكل واقعي اكثر ركزي من كل الجوانب حكمي على الشخص من كل جانب قبل لا تتسرعين ... الشهادة خبره تره و دامج جامعية المفروض تكون عندج نظرية و بعد نظر احسن عن جي ...


حاولي غاليتي تعيدين التفكير فلي انتي تبينه بعيد عن هذا و ذاك ... و تبعدين عاطفتج شوي و تبدين تفكرين بجدية اكبر عن المستقبل و ماتتسرعين في قراراتج ... لانه هذا زواج مش لعب .. و كل غلطة محسوبة عليج بالف تذكري هل شي:) و نفس ماقالوا الاخوات استخيري و فكري ...

الله يهديج انشاءلله و يوفقج

وفي الباب عن أبي هريرة متفق عليه بلفظ : { لا يخطب أحدكم على خطبة أخيه } . زاد البخاري : { حتى يترك أو ينكح } .

وعن عقبة بن عامر عند مسلم بلفظ : { المؤمن أخو المؤمن فلا يحل له أن يبتاع على بيع أخيه , ولا يخطب على خطبة أخيه حتى يذر } وهذا أدل على التحريم .

وعن الحسن , عن سمرة { أن رسول الله صلى الله عليه وسلم نهى أن يخطب الرجل على خطبة أخيه , أو يبتاع على بيعه } . رواه أحمد . [ ص: 314 ] 50 1596 - ( 2 ) - حديث فاطمة بنت قيس : { أن زوجها طلقها , فبت طلاقها فأمرها النبي صلى الله عليه وسلم أن تعتد في بيت ابن أم مكتوم , وقال لها : إذا حللت فآذنيني فلما حلت أخبرته أن معاوية وأبا جهم خطباها } . - الحديث - رواه مسلم من حديثها , وله طرق وألفاظ .

**ام يارا**;5139579:
انتي لسه على البر

شووفي الي ينااسبك وسوويه عشاان بكرره ماتندمين ؟؟؟

الله يوفقك ياارب

نفس الكلام اللي يريحك سويه

اختي العزيزة اتمنى ال ان الكلاماللى قولتية عن الخطيب يكون صحيح وانك مظلمتهوش واذا كان صحيح يبقى الافضل انك تنفصلي عنة وانتى لسة على البر وميكونش الحبيب القديم لة اي تاثير على قرارك وربنا يوفقك

حسيت انج تتكلمين بلساني عن تجربتي السابقه
ولله الحمدلله انتهت

الله يعينج عزيزتي

والانفصال هو الحل ..

بنت الغالي;5140568:
بصراحه احس قيمة الرجال تنزل اذا طلب من زوجته

وهذا انتوا توكم ملكه يطلب أجار وفلوس وهدايا ؟؟ بكره بيقولج اصرفي عالبيت والعيال


ممكن تتبعين معاه خطه تكتشفين فيها نواياه ( قوليله انج مفكره تخلين الشغل وتصيرين ربة بيت عشان تتفرغين له ) ردة فعله اكيد بتبين لج نيتـــه


انصحج تستخيريــــن ولاتخلين احد يأثر عليج هذي حياتج ومستقبلج ...

(y)(y)(y)(y)(y)

انسي اللي تحبينه او تتوهمين انك تحبينه ....وفكري بمصيرك هذا وترى مكالمتك للي تحبينه خيانة لله تعالى
ثانيا خيانة لزوجك اللي عاقد قرانه عليك ..
ثالثا خيانة للاهل سابقا قبل الزواج
فكيف تبين ربي يوفقك مع هذا الشخص .. كيف تتطلبين التوفيق في المعصية ... ولاتنسي ان الشيطان يزين للانسان المعاصي .. واعرف وحدة مرت بنفس ظروفك بالتمام والنتيجة انها تحب زوجها حبا شديدا وماتستغني عنه وتقول تو ادري ان اللي قبل كان وهم طبعا حبها لزوجها كان يجي حبة حبة ويكبر مع العشرة .. وماتداني طاري الاول

واما بالنسبة لمشكلتك مع زوجك انتي تقولين اطلق واتزوج .. يعني حاطة لك خيار ثاني .. انتي فكري فيه بغض النظر عن الثاني ((الشخص اللي تحبينه ))
وسجلي كل سلبياته متناسية تماما ذاك الشخص واستخيري

ومن وجهة نظري انا مااحب الشخص الاتكالي اللي يحب زوجته تصرف عليه وترى كثير يحذرون من الرجل البخيل
استخيري قبل كل خطوة
والله يوفقك يارب

انا اشوف انج تنفصلين عنه ... لأنج كنتي تفكرين بهالشي قبل ما يرجع الثاني ... يعنيي قرارج ما تأثر بحبج للثاني لأنج ما كنتي تدرين انه بيرجع ....

اغسلي إيدج منه دام بعدج عالبر

البخل طبع ويسحب أطباع ثانية أسوء


الله يكون بعونج


اختج

الخرشة