السلام عليكم ورحمة الله وبركاتهاخواتى وبنات عروس الغاليات
اليوم بقدم لكم تشكيلة من المحاشي ا مصرية نظرا لكثرة السؤال عنها ولانى مقيمة بالكويت بعرف ان الشعوب العربية كلها تحب تتبادل الوصفات والطبخات والمحشي المصري من الاكلات المميزةوالشهية واللي عليها اقبال كبير
لانه بصراحة ماحدش يقدر يقاومه وخصوصا في الشتاء والبرد ده
وعشان كده اول ما عملت تشكيلة محاشي حبيت اصورهالكم وانزلها لكم مع المقادير والوصفة ويارب تعجبكم
المقادير الخاصة بالحشو:
طبعا تحديد مقادير الخلطة على حسب الكمية اللي هتطبيخها
ارز مصري مغسول ومش ينفع الارز البسمتى بس الاسبانى ممكن
بصل مفروم
عصير طماطم او صلصلة طماطم مطهيه
خضار مفروم(شبت وبقدونس)
توابل(ملح وفلفل وكمون ناعم)
زيت ذرة وسمن او زبد مثلا المراعي
الطريقة:
نضع وعاء على النار ونضع فيه الزيت والسمن حتى يقدح وبعدين نضيف البصل المفروم ونقلبه حتى يصفر لونه وبعد ذلك نضيف التوابل
ملحوظة: اضافة التاوابل على البصل على النار يركز طعمها ويقويه فهو افضل من اضافتها على الارز
وبعد اضافة التوابل نضيف عصير الطماطم ونتركه مثلا نصف ساعة حتى يتسبك واللي مش عاوزاه اكل مسبك ممكن تسيب الطماطم لحد ماتغلى كفايه
وبعد ذلك نضيف الارز والخضار المفروم ونقلبه جيدا ونبدأ نحشي بيه اي نوع محشي عندنا
وبعد ما يتم الحشو نضع القدر على النار ونغطيه بالشوربة(لحم او دجاج) او مرق دجاج ونتركه حتى يغلي ويتشرب المحشي السائل وبعد ذلك نوطي النار عليه ونتركه حتى يتم النضج
تقريبا ياخد ساعة او ساعة وربع من بدايه وضعه على النار
ويقدم ساخن مع سلطة زبادي(روب)
وصحتين وهنا
واسيبكم مع الصور بس رجاء مرة اخرى من المشرفات تصغير الصور لان والله برنامج التحجيم عندى متفيرس ولا يعمل وسامحونى
اولا محشي الملفوف(الكرنب)
محشي الباذنجان والفلفل
ا
اما اخيرا محشي الكوسة وده ممكن نسويه في صينيه وبعد ما يستوى نحطه في الفرن يحمر وشه وبيبقى شكله وطعمه اطيب
http://www.3roos.com/uploaded2008/69274/11202341293.jpg[/IMG]
