مطوع لالا مابغى مطوع انا اتزوج مطوع لالالا

ملكة حبي 07-02-2008 23 رد 2,542 مشاهدة
م
[GRADE="00008B FF6347 FF4500 4B0082"]ما ابي مطوع ما ابي آخذ واحد امطوع "



اللحية تخرعني!!!!!!!

أستحي اتمشى وياه ..!


ثوبه قصير ..؟؟!!!

أبي واحد يونسني ..؟؟!!




للأسف الشديد ليس فقط المتكلم هنا هي فتاة في السادسة عشرة من عمرها
او في سن المراهقة

بل أصبح هذا هو رأي حتى المدرسات و المثقفات
و حتى الدكتورات في الجامعات ..!




لايريدون من يتبع سنة الرسول عليه افضل الصلاة والسلام
يستحون من مرافقة من يتشبه بحبيبنا ورسولنا ..

لم يعوا قوله ( سبحان الذي زين الرجال بلحاها )


ولم يعوا ان اجمل مافي الرجل .. عندما يكون مرخي لحيته ومقصر ثوبه ؟؟؟؟؟؟؟؟؟؟؟؟؟؟؟؟؟؟؟؟

هنا فعلا تقول انه رجل بمعنى الكلمة ....
وماتدري الوحده انه ماراح يصونها ويخاف الله فيها الا الي يخاف الله


اما البقية فالله المستعان لا تفرق بينهم وبين الفتيات .. لا اعلم لماذا انتكست الفطرة ..

لكن لا اقول الا ( كن في الدنيا كانك غريب )

بالفعل صار الملتحي والمقصر كانه غريب او متخلف

اريد ارائكم حول الموضوع ...

علما ان كثيرا من الفتيات يجب ان يستوعبن معنى الملتزم الصحيح ؟؟
وليس كما يدعي البعض .. وهم ليس اهلا لذلك ؟؟؟؟

محبتكم دوماً

ملكة حبي

منقووووووووول

اتمنى التفااااااااااااااااااااااعل [/GRADE]
س
ايه والله انك صادقه المفروض الوحد تتمنى واحد مطوع ملتزم يعلمها الصح من الخطاء ويساعدها على طاعه الله لاكن الله المستعان مساكين مايدرون ان السعاده فطاعه الله ومشكوره على الموضوع الحلو
i
اختي اشكرك على طرح هذا الموضوع الحساس جدااااااااا
يعطيكي العافية
رأيي الشخصي للاسف الالتزام ليس فقط لحى وثياب قصيرة لانوا مو كل اللي بهذا الشكل يخاف الله احيانا يكون ستار يتخفى وراه انسان ماعندو لاذمة ولاضمير عشان كذا البنات وغالبية النساء رافضين الرجل اللي بهذا الشكل
اختي في الرجال الصالح والطالح بس مو معنى انوا اللحية والثوب القصير دليل على التزام الرجل والآن الوضع اختلف تماما والدين التعامل والدين يسر مو عسر يعني حلو ان الرجال يكون زي الميزان لاافراط ولا تفريط
اما مسالة انوا الوحدة تستحي تمشي جنب زوجها اذا كان من هذا النوع بالعكس انا اعتقد لو اخذته عن اقتناع تام وعرفت انوا انسان فعلا يخاف الله حتعيش في سعادة عمرها ماحتحسها مع رجل اخر
اعذريني على الاطالة
تقبلي مروري عزيزتي
B
كلام صحيح الملتزم هو اللى يصون زوجته ويحافظ على كرامتها ومايخونها لأنه أولآ يخاف من الله عز وجل ..

والحين نشوف أكبر نسبة طلاق ليش ؟؟ الخيانه هي اللى تهدم وايد من البيوت والله المستعان ..

تسلمين على الموضوع اختي ..

م
صدقتــي اختي ملكه حبــي البنات الحين مايبون مطووع وملتزم على قولهن ((معقد)) بالعكس السعااااده في طااعة الله ,,

والله صديقتي رفضــت زميل اخووهااا المــطــووع المتدين واللي يخااف الله ليش؟؟؟ لأنهــاا تعشق وتحب ولد خالتهاا لاااعب كرة قدم <<<تبيه لأنه مشهووور ,, وحااولت اقنعهاا وخواتهااا وفي الأخيــر صلت الأستخاارة والحمدلله اقتنعت في الرجل الصاالح والأن اهي عااايشه بسعااده مشاءالله ,,,

وكلام اختـــي immOrtal sOul صحيح فعلا" الملتــزم موبس لحيــه وثوب قصيــر ,,
الملتــزم هو اللي يحتــرم زوجتــه واهلهـــاا ويتقــي الله فيهــم ويتقــي الله في كل شــيء



اسفه على الأطاالــه ,,موضووووعج جميــــــــل جدا" وحساااس وااااايــد
ف
الحقيقة المطوع هو الأفضل طبعا .................لكن لازم يكون قلبا وقالبا ليس فقط يقصر ثوبه ويطول لحيته والتصرفات ما فيها شي من خوف الله
فإين من يتبع الآداب الأسلامية مع شريكة حياته يجعلها ترفل في ثوب من السعادة والله يرزق كل واحدة لم تتزوج الصالح من خلقه والمتزوجة يصلح لها زوجها ويوفقهما
ا
تسلمين على هذا الموضوع
بصراحة البنات ماتحمد الله هذه تبي واحد يكون مشهور وهذه تبغى تتزوج واحد عنده لوك حلو وهذه ماادري ايش

الله يصلح الحال
ا
انا زمان يمكن كنت ارفض هدي الفكرة ..
لانه نوعا ما..ما احب اني اتقيد بزيادة..وسبحان الله زوجي اخذني وهو مشالله ملتحي مع اني مقدر اقول انه مرة مطوع..لكن لانه طبعا اعفاء اللحية واجب على الرجال وهدا اللي قاله الرسول صلى الله عليه وسل..ورغم اني اكيد بعض الاحيان اتمناه يشيلها عشانها مغيره شكله مرة واكيد هو من غيرها احلى..لكني وارجع اقول انه كله عشان ربنا...
اتمنى كل وحدة تقنع زوجها يلتحي لانه هو هدا الشي الصح..
ومو شرط انه مطوع يعني دمه تقيل..
بالعكس مشالله زوجي مرة دمه خفيف ومو معقد مرة..يعني في حدود الشرع طبعا..
بس الحمدلله الحمدلله ما يطالع في الحريم هو اصلا يستحي وطبعا هدا في صالحي
..
ما اظن انه في وحدة تبغى زوجها تكون عينه طويله..

ما اعرف ايش ممكن اضيف..
لكن اقول لكل وحدة اتقدملها مطوع ..انها تحاول تختبره فترة الملكة وتعرف كيف طباعة واسلوبه..
وان شالله تفكيرها يتغير..

وبالتوفيق للجميع
ق
مشكووووره أختي ملكة حبي على الموضوع الأجمل من رائع
وكلامك والله صحيح.
A
هي والله كلامج عدل وبما انج فتحتي الموضوع انا اراويج فاللي تقول جذيه واسمحيلي ان طولت:D
بصراحه زوجي ماكان ملتزم يعني لحيه خفيفه والكندوره ماشالله تلمس الارض وكنت اقوله:
ياحبيبي قصر الكندوره شوي لان مايجوز الرجل يلبس تحت الجوزتين يعطيني بولباس ويطلع

وكان اول ماتزوجنا يدوخ مداويخ لاحضته من ثاني يوم وكلمته ماستحيت وقلتله:
يا أنا يالمدواخ :( رد افا عليج وخلاص وهاي اخر مره وكذب عليه وقام يدوخ بالسر
وطبعا انا ماخليته وراه وراه:) ويقولي بعد صدقيني انا مادوخ واقوله اوكي والريحه اللي طالعه؟؟:ss:

يقولي اوووووه هاذا من يلسة الميلس هم اللي يدوخون والميلس كله دخان شو اسوي:o

المهم طنشته والأهم اني سيطرت انه مايتجرأ يدوخ جدامي

وماكان يقعد فالبيت كله كوفيات ومييالس ماقول انه يروح فالحرام !! لا مش لهادرجه الحمدلله
مع اني اوفرله كل الأجواء الرومانسيه والله ولايهمه:eek:
وكنت مرات اقوم فاليل اصلي ركعتين قيام وادعيله من خاطري بأن الله يهديه
اخوي مطوع وكل ماروح بيت هليه مايطيع ينزل يقولي اووووه ميلس اخوج متروس من ربعه
برايج انا رايح الكافيه:ss:
ودوم كنت محتره واصيح من القهر :confused:واذا شافني عادي ماهم قلبه:cool:
شرايكم انه تغير سبحان الله وماقام يدوخ والتحى الله يبارك والكندوره لين اليوزه:) ولايسمع اغاني
حبيبي والله يخليلنا اياه صار حنون اكثر وكلمات الغزل بلى قياس
وكله يقولي طلباتج اوامر يالغاليه:15: الله يثبته على دينه يا ا ا ا ا رب والله يهديه:15:
يابنا ا ا ا ا ا ا ا ا ا ا ات المطوع غييير صدقوني ايي مطوع خايف ربه ولا اييج اخر اليالي
ولا معاه بنيات ويغايرج :mad::mad::mad: ملكة حبي يزاج الله خير عالموضوع الرا ا ا ا ئع
ويجعله في ميزان اعمالج تحياتي Anteqa..
ب
جزاك الله خير
ا
موضوع في الصميم

يكفي ان الملتزم يخاف ربه في مرته ويكرمها ولا يهينها

اعرف وحده من صديقاتي تقووووووووووول انا مابي اتزوج واحد مطوع ابي واحد خده ناعم

وتزوجت واحد خده ناعم

وبعد سنين من العذاب والحرمان

قالت والله لو تقدم لي رجل مطوع لكان واااااافقت
م
Anteqa;5140232:
هي والله كلامج عدل وبما انج فتحتي الموضوع انا اراويج فاللي تقول جذيه واسمحيلي ان طولت:D
بصراحه زوجي ماكان ملتزم يعني لحيه خفيفه والكندوره ماشالله تلمس الارض وكنت اقوله:
ياحبيبي قصر الكندوره شوي لان مايجوز الرجل يلبس تحت الجوزتين يعطيني بولباس ويطلع

وكان اول ماتزوجنا يدوخ مداويخ لاحضته من ثاني يوم وكلمته ماستحيت وقلتله:
يا أنا يالمدواخ :( رد افا عليج وخلاص وهاي اخر مره وكذب عليه وقام يدوخ بالسر
وطبعا انا ماخليته وراه وراه:) ويقولي بعد صدقيني انا مادوخ واقوله اوكي والريحه اللي طالعه؟؟:ss:

يقولي اوووووه هاذا من يلسة الميلس هم اللي يدوخون والميلس كله دخان شو اسوي:o

المهم طنشته والأهم اني سيطرت انه مايتجرأ يدوخ جدامي

وماكان يقعد فالبيت كله كوفيات ومييالس ماقول انه يروح فالحرام !! لا مش لهادرجه الحمدلله
مع اني اوفرله كل الأجواء الرومانسيه والله ولايهمه:eek:
وكنت مرات اقوم فاليل اصلي ركعتين قيام وادعيله من خاطري بأن الله يهديه
اخوي مطوع وكل ماروح بيت هليه مايطيع ينزل يقولي اووووه ميلس اخوج متروس من ربعه
برايج انا رايح الكافيه:ss:
ودوم كنت محتره واصيح من القهر :confused:واذا شافني عادي ماهم قلبه:cool:
شرايكم انه تغير سبحان الله وماقام يدوخ والتحى الله يبارك والكندوره لين اليوزه:) ولايسمع اغاني
حبيبي والله يخليلنا اياه صار حنون اكثر وكلمات الغزل بلى قياس
وكله يقولي طلباتج اوامر يالغاليه:15: الله يثبته على دينه يا ا ا ا ا رب والله يهديه:15:
يابنا ا ا ا ا ا ا ا ا ا ا ات المطوع غييير صدقوني ايي مطوع خايف ربه ولا اييج اخر اليالي
ولا معاه بنيات ويغايرج :mad::mad::mad: ملكة حبي يزاج الله خير عالموضوع الرا ا ا ا ئع
ويجعله في ميزان اعمالج تحياتي Anteqa..




وربي فرحتلك يالغاليه

شفتي كيف حياه المطوع واكيد هالسبه دعاااااااااائك

وعساه يارب دووووم على هالحال واحسن وعسى ربي لا يغير عليكم
وربي يثبته

وخليييييك معااااااه وسانديه وربي يسعدكم بالدارين
م
يسلمووووووووووووووووو يااحلى خوات ع المرور والتفاعل


يااارب يهدي شباب الامه يارب ويجعلهم كلللهم يخافون الله

واحنا نتكلم خواتي ع المطوع قلبا وقالبا

ياااارب ترزق بنات المسلمين بشباب صالحين ويخافون الله فيهم

فعلا حياه المطوع شيء ثااااااني انا مجربتها بنفسي

وادعولي ربي يخلي لي و يسعد زوجي انا وولدي والي ببطني يارب

نورتو خواتي ودعوااااتكم
ا
عسى الله يثبتلج زوجج واخوج يااختي((انتيكا))))
ومشكوره اختي (((ملكة حبي)))
اللي مايخاف الله ماراح يخاف مني
خ
معاك حق هذي فكرة الكثير عن اي انسان ملتزم او الافضل نقول مستقيم ...
رغم انه بالعكس كلما كان الانسان مستقيم و يخاف ربه كلما كانت الحياة معاه افضل و اسعد ... لانه بالتأكيد راح يراعي حقوقها و ما راح يهمل واجباته تجاهها ..
و
بالنسبة لي اتمنى اتمنى اللة يرزقني بزوج صالح ..ومطوع وملتزم وملتحي

طبعا مو شرط اللحى ممكن مايطلع لة الحلية زي اخواني خخ

المهم والا هم اهووو تعااااااااااملة الحسن واحترامة لي وتقديرة

وشاكرة لك خيتوووووووووو على الموووضوع
م
يسلموووووووو حبيباتي ع احلى مرور

وربي يرزق كل كل بنات المسلمين بازواج صالحين
h
موضوعك رائع
وعندك كل الحق اختى
ح
السلام عليكم ورحمة الله وبركاته

والله أنك صادقة ..

هذا رأي أغلب البنات في هذا الوقت .. يمــــــــــــة المطوع يخوف.. معقَّد .. كل شي عنده حرام .. يفشل .. وما إلى ذلك من الكلام اللي يقهر وما له داعي..

ليه مايبون المطوع؟؟

لأنه طوّع نفسه لطاعة الله..!!؟؟ والتزم بما أمر الله..!!؟؟

لأنه رسم حياته على المنهج القويم وابتعد عن الفتن والشبهات والمغريات اللي قل من يسلم منها...!!؟؟

عذرهم توني صغيرة وأبغى انبسط.. بأعتقادهم أن حياة الملتزمين مملة كئيبة ما يدرون أن هذه الحياة أفضل من اللي هم عايشينها مليون مرة..

والحين طالعين لنا بطلعة جديدة ,, مو بس الرجال الملتزمين يخوفون .. حتى الحريم كله جديات ودمهم ثقيل وكل شي ينتقدونه ودائما يدققون على الأشياء الصغيرة وحاكرين أنفسهم حارمينها من الاستمتاع بالحياة...>> طبعا هذا كلامهم

طيب لو كان اللي يصير صح ما كانوا انتقدوه أو علقوا عليه ودققوا .. والأشياء الصغيرة اللي يتهاونون فيها قد تبني جبــــــــــــال من الأخطاء..

حكرنا أنفسنا وحرمناها مو لنقص فينا .. لا لا لا .. عقولنا أكبر من هذه الأشياء أحنا نطمح لشيء أكبر .. ونخطط حياتنا لشيء أروع.. لنعيم دائم لجنة عرضها السماوات والأرض..

هذه بعض الأبيات التي تحكي حالنا


[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]سألوني قالوا : كيفما هذا الثبات= وحولنا فتن تهز الراسيـــــــــــــــــات
ألــــــــيس يغريك زمان الشهوات؟= أليس تشتهي نفسك هذه الحياة؟
فأجبتهم والقــــــــلب يملأه اعتزاز= لا تشتهي نفـــسي لذائذ ناقصات
لما اشتهيتم اشتهيتُ مثــــــلكم= لكن أهدافي ستبقى خالــــــــدات
أريد قصــــــــــــــــــــرا لا يهدد زوال= أريد عيــــــــشا ليس يقطعه ممات
أريد زوجا مثل يوسف في الجمال= وأريد أنــــــــــــــهارا بقصري جاريات
فعقولنا إن لم تبلغنا الجنـــــــــــان= فحياتنا ليست حيـــــــاة بل ممات
فأمامنا قبــــــــر تشيب له العقول= وظلامه تخـــــــــــــاف منه الظلمات
وبعده حشر ونشر وكتـــــــــــــــاب= وسوف يخسر من أتــى بالسيئات
وسوف يسأل ربنا عن الخطـــــى= وسائل عن العيـــــــــــون المبصرات
وسائل عن اللسان والجنـــــــــان= وسائل عن كل لحـــظة في الحياة
فمطالبي فاقت عقول الحــــائرات= فلا تلوموني فذا ســـــــــــــر الثبات
نبح الكلاب لكن ما ضر السحــاب= هبت رياح والجبال ثابتــــــــــــــــات
نامت عيون وعيــــــــون ساهرات = باتت تصلي لمجيب الدعـــــــــوات
فتلك همتها جنـــــــــــان خالدات = وتلك همتها زخرفة العبـــــــــــــــاة[/POEM]

الله يعطيك العافية ..
X