انيقه ..مرتبه ..جذابه ..ساعدوني ممكن ..!
ا
06-02-2008 | 02:25 AM
هلا والله بالحلوين ..
بنات بقولكم سالفتي اهل خطيبي عازمينا عالغدى عندهم وانا اريد اكشخ :tongue: واكون محط انظار الموجودين :wink:..بس مااعرف شو البس ؟ وشو احطي مكياج ..مااريد اكون مثجله الروج عليه اريد اكون خفيفه ومرتبه وانيقه وبنفس الوقت حلوه وجذابه ..اتمنى قدرت اوصل لكم الفكره اللي فخاطريه ..وحتى اللبس شو تنصحوني البس ..يالله شاركوني بافكاركم ؟؟
ع
06-02-2008 | 02:40 AM
مرحبا الشموخية..
لو كنت بمكانكِ..بشوف لي بدله بسيطة..لكن ذربة ومتناسقة..
ومكياج هادئ..
واكسوار..ساعة ماركة
وباخلي الشغل الاوفر والفخامة لعقب العرس :)
والله يوفقك حبوبة..
لو كنت بمكانكِ..بشوف لي بدله بسيطة..لكن ذربة ومتناسقة..
ومكياج هادئ..
واكسوار..ساعة ماركة
وباخلي الشغل الاوفر والفخامة لعقب العرس :)
والله يوفقك حبوبة..
ق
06-02-2008 | 03:07 AM
شو رايج تاخذين بدله من كان كان الي بالنادي السياحي طبعا هذا لو كني من سكان ابوظبي عنده بدل تحفه واسعارها معقوله وهو الحين مسوي تنزيلات واكسسوارات البدله اخذيها من لايف ستايل عنده اشيا روعه ونعومه وتسوين مكياج كيوت نعوم بدون مبالغه واسمعي كلامي بدون مبالغه مثلا حطي كريم اساس من نفس درجة بشرتج وفوقه بودره خفيف وحطي الكحل والماسكرا وروج طبيعي وحطي شدو طبيعي او شي بسيط . انشاء الله البنات بيفيدونج اكثر وعقبال ما نسمع انج تأهلتي لبيت الزوجيه يا رب .مبروووووك مقدما
U
06-02-2008 | 09:33 AM
حلاته تسبحين وتستشورين شعرج وتحطين الرولات على طول، واختاري لج بدلة ما تكون اوفر يعني تكون مرتبة وبسيطة وفي نفس الوقت حلوة، والبسي طقم ذهب يكون بسيط وصغير وساعة، وحطي ميك اب نعووم يعني كحل خفييييف وظل ثريب من لون جفنج وقلوس وردي يكون لونه طبيعي وماسكارا، وفلي شعرج وحطي فيه شباصة صغيرة، راح تطلعين... رووعة ؛ )
م
07-02-2008 | 05:22 PM
أنا من رأيي الا تلبسي أى بدلة و لكن أرتدي جيب بسيط و بلوز فهذا يظهر انوستك بالاضافة الي انه يضفي رقه علي مرتديه 0
أما بالنسبة للمكياج فتذكري و انتي تضعي المكياج انك معزومة علي الغداء اى بالنهار فلا تبالغي به لاعتقادك انه سوف يزيدك جمالاً فكلما كان رقيقاً و ذو الوان هادئة كنتى اكثر رقه و بساطة و هذا النوع من الميكب يريح قلوب من حولك من اهل العريس فيحبونك أكثر 0
أختك في الله
أما بالنسبة للمكياج فتذكري و انتي تضعي المكياج انك معزومة علي الغداء اى بالنهار فلا تبالغي به لاعتقادك انه سوف يزيدك جمالاً فكلما كان رقيقاً و ذو الوان هادئة كنتى اكثر رقه و بساطة و هذا النوع من الميكب يريح قلوب من حولك من اهل العريس فيحبونك أكثر 0
أختك في الله
ا
09-02-2008 | 10:46 PM
تسلموووون .. وان شاء الله باخذ من افكاركم عيبتني صراحه ..