دخول الزوج غرفة الولادة مع زوجته

صراحه هاي الموضوع بين النعم وال لاااااااااااااااا


بس انا عن نفسي ارفض دخول الزوج لانه صراحه الوحدة تكون بحاله لاتحسد عليها وانا قريت مواضيع كثيرة في النت لازواج كرهوا زوجاتهم بعد الولادة وماعادوا يطيقونهم :confused:

وبالذات قصة لشاب دخل مع زوجته وشاف كل شي من البداية لين النهاية وبعدها قعد سنه بعيد عنها ومايبي يتقرب منها يقول ماشوفها حته لو كانت كاشخه ومتعدله اتذكر المنظر الدم ومدري شو تخيلوا عرض هاي القصة في منتدى انه خلاص كره زوجته ومافي امل ترجع العلاقه بينهم :mad:

والله اني حزنت يوم قريت هاي القصة وكرهتني بدخول الزوج مع زوجته

وانا بعد ودي الي قالته الاخت بس ادعولي ربي يرزقني والله كريم(ربي لا تذرني فردا وانت خير الوارثين):)

*Hala*;5131806:
يسلموو حبيبتي ع الموضوع الحلو

انا عن نفسي بالعكس اتمنى يكون زوجي معاي بغرفة الولاده ..
بشرط انه يوقف جنبي وعند راسي .. ومايطالع تحت..

والله صدقتي ياعروسه تازه ودك يدخلون عشان يحسووووووووون بللآلآلآلآلآم الطلق اللي تذبح ياليتهم يجربون طلقه وحه بس

بالنسبة لي جربت الطلق وكان ريلي الغالي معي وما كملت الطلق تحولت لعملية طارئة..
وساعتها أعتقد ما كان راح يدخل حزتها لأنه يخجل هههههه..
وأنا ما راح أخليه...وع وع وع وع

اكيد يدخل وياي

لو ماوقف زوجي معاي بهالموقف مين بيوقف

أتمنى انو يدخل معاي بس عشان يواسيني و يخفف عني و نكون انا وهو أول من شاف البيبي لحظة خروجه للدنيا يعني نشوفه مع بعض قبل الأهل .. اللهم آمين... ادعو لي بنات ان الله يرزقني بالذرية الصالحة المعافاة عاجلا غير آجل اللهم آمين

في الولادة الأولى.. كان وياي فترة و كان يدعي لي و يقرأ علي آيات.. بعدين اختفى.. راح القهوة ويا صديقه.. ولدت و طلعتو نقلوني الجناح.. و هو للحين ما وصل.. بعدين أخيراً وصل.. و قعد دقيقتين.. و هو كأنه ما يبي يشوف شكلي.. و لا يقول لي يبي يسمي البنت على اسم بنت يحبها..
و هذا حملي الثاني.. انفصلت عنه.. معناه ولادتي هذي من غير زوج..
ادعو لي بنات..

انااااا سألت زوجي تدخل معي الغرفة اذا جيت اولد
بالرغم من اني انا رافضة يدخل بس سألتة اشوف رده

قال اصلااا من الشهررر التاسع بخليك في بيت اهلك
تبين يجيك طلق وانا وانتي بروحناااا
علشااان يغمى علي ولا اعرف اتصرررف

هذا وقت الطلق بيغمى عليه شلون وقت الولادة

فديت عمررررررررره ما يقدر يشوووف كذا مناظر

أني زوجي دخل معاي غرفة الولاده من البدايه لين النهايه ولا كان نايم معاي بالمستفى 3 أيام ما بعد الولاده وكانت لحظات قمه في الرومانسيه كفايه إنه عاش معاي كل لحظات المعاناه من أولها لي النهااايه كان دائما عند راسي ويدعي ويقرا قرآن ويواسيني في كل شي وللحين يقول مستحيل أخليش في الولادات الثانيه بروحش

بصراحه اذا كانت ولادتي قيصريه اتمنا دخول زوجي معاييي علا اقل احسن بالامان شوي و خلي يحس و يشوف الي امر فيه

والله خواتى بصراااااااااااااااااااحه هاي فرصه لا تعوض وعن تجربه ... انا بصراحه مع دخول الزوج ..

انا وريلى اتفقنا انه مايشوف تحت ..ووعدنى وكان معاي اليومين اللى يانى الطلق فييهم

والاحلى من جى .. يوم كنت اسوي push يعنى اطلع الياهل ماكنت اعرف (اول ياهل ) حتى الوالده كانت من
الصوب الثانى ..ساكته

تخيلوا هو اللى علمنى كيف خخخخخخخخخخخخ ... اول شى عصبت عليه وحليله قتله انت ماتعرف شى ..

عقب يوم شفت نفسى طولت وايد جان استسلم واسمع كلامه من سمعت كلامه جان يطييييييييييير الياهل

مو يطلع بس والحمدالله ... وجوده كان وناسه يوم شفنا الياهل على طوله شلها عنى .. وانا بدل ماانتبه للالم

يلست ادور بنتى وهو ماخذنها بعيد يتامل فيها .. الحمدالله ماطوفت هل الفرحه وشفت كل شى

اميره ابو ظبي انا معك

يصراحه زوجي كان معي بغرفة الولادة طول فترة الطلق ويوم اولد ماخليته يروح في ولادتي الاولى

يعني واقف عند راسي وربي احس انوه خفف عني شوووي بس


والحين بولادتي الجايه ان شاء الله بيكون معي لين اولد

ما أحسه حلووو بالنسبة لدخول الزوج غرفة الولادة

هههه فشلى يشوف أشياء تخرج خخخخخ

ومشكورة خيوووو على الموضوع

يارب تسهل ولاداتنا ويكون زوجي معي في الولادة وتكون سهلة ميسرة
وبدون ألم يارب العالمين ,,

ام ريم صدقتى والله حتى انا ناويه جى ...

ارجوحه الزمان ..ضحكتينى الاشياء بتخرج بتخرج عادي ينفجر الكيس وانتى عداله في البيت شو يعنى كله واحد ....

انا اللى خلانى جريئه اكثر انى مره سقطت جدامه في البيت وستوالى نزيف وهو اللى ساعدنى وشاف كل شى .. والحمدالله .. اللحين من احمل يخاااااااااااااااااااااف على ويذكر ذاك اليوم واحس وايد يحن لى ويراعينى اكثر

بس في الولاده لا تخلينه يقعد يطالع حد اللى طالع منج واللى داخل خخخخخخخخخخخخخخخخ .

شمعه محبه آمين يارب . .. وتستانسوا بكل لحظه ...

لااااااااااااا وناسااااااااااا أحس وناسه انه زوجي يكون معا بس سؤال عفيه عفيه عفيه ردو علي
في منكم قريت انه كاتبين وقت الطلق يكون معاي لكن وقت الولاده لأ
ليش اهو مو الطلق ايي وراه على طول الولاده؟
فشي طبيعي راح يكون موجود صح؟
ولا شلون
بصراحه انا ودي أحمل دعواتكم حبيباتي
ومو والده من قبل عشان جي أحب أعرف

انا اتمنى زوجي يدخل معي بس ما أدري اذا يرضى ولا لا ؟؟؟


لاني انا اخاااف كثير وعارفة انه لما يكون موجود راااح ارتاح واصير اقوى


لانه مصدر قوتي بعد الله سبحاانه

السلام عليكم:
انا بصراحة اويد انا زوجي يدخل معاي غرفة الولادة وكل ولادتي زوجي كان معاي وبيكون انشاء الله وياي هالمرة خصوصا انا حامل بتوأم ومو عيب يكون الزوج في غرفة الولادة

انا احاول في زوجي مو راضي يقول مااتحمل اسمعج تتألمين وتعانين قلبي يعورني عليج
قلت له على الاقل بس وانا فيني الطلق اذا بغى البيبي يطلع انت روح بعيد خخخخخ
بس والله لما اكون تعبانة وهو جنبي احس نفسي تخف الامي فما بالكم بولادة

يارب تسهل علينا في داك اليوم وتطلع اجنتنا زي طلوع الشعر من العجين يارب ياكريم بحق أخر ساعة من نهار يوم الجمعة المبارك..