موقفي امس مع زوجي ؟؟!!

السلام عليكم
انا متزوجة صار لي تقريبا 3 شهور بعد ملكة دامت لسنة تقريبا
البارحة حصل لي موقف مع زوجي حسيت نفسي انجرحت فيه
ابيكم يا بنات تقولون شنو موقفكم لو انتوا بمكاني بلييز وشنو الاشياء اللي غلطت فيها وشنو كان المفروض اسوي
المهم امس في الليل كنت مع زوجي بالمطبخ وهو كان يعمل بعض السندويش بينما كنت انا مشغولة بشيء ثاني وكنت معاه بالمطبخ
زوجي طيب حنون يحبني اكثر من نفسه ودايما يشعرني بحبه ومايبخل علي ابدا بمشاعره
بس اوقات تصدر منه تصرفات ماتعجبني وانا أتحسس منها بس مااعرف هل انا عاطية موضوع قدره او عاطيته اكبر من حجمه ماادري:ss:
المهم بعد ماتعشينا قمت اداعبه .....في حركة متعودة اسويها له وهو يسويها لي في اي وقت ....بس البارحة استغربت منه لما قال لاتسوين هالشيء في كل وقت بعدين يفقد قيمته
حسيت نفسي انجرحت ولما شاف ويهي متغير مسكني وحاول يحضني بس انا شلت يده عني ومشيت ورحت شغلت نفسي بشغله ثانيه
جاء وراي وحاول يراضيني بس انا كنت معانده جدا يكلمني وماارد عليه حسيت بقسوتي عليه لاول مرة كنت ابي اسامحه واقبل اعتذاره بس كنت مكبرة راسي والشيطان لاعب بمخي
كل مايقرب مني ادفعه عن جسمي ويحاول يتفاهم معاي بس ماكو فايدة حسيت اني متفشله من كلامه وحطيته بخاطري
بعدها بمدة قبل النوم بشوي قلت له اني مسامحتك وحصل خير وانسى الي صار لكن في الحقيقة انا كل مااتذكر الموقف مااحب اطالع في ويهه
اليوم هو حس بتغيري عليه وماقمت اعطيه وجه مثل اول كان ندمان ويطلب مني ارجع مثل اول لدرجة ان دموعه نزلت
شنو موقفكم لو كنتوا بمكاني؟؟
وهل تحسون اني مكبرة الموضوع وهل زوجي كان غلطان بنظركم أو لا؟