.:: شربت بندول .. ما أدري إني حامل !! ::.

ههههههههههههههههههههههههههههههههههههههههههههه .. ذكرتيني بعمري
المهم غاليتي لاتحاتي ابد لان البندول مايضر ابد طبعا البندول العادي مو الاكسترا ! الاكسترا ماينصحوا فيه الحامل بس العادي الي ورقته بيضه .. مافيه مخاطر على الجنين...
واقولك اني بالشهر الاول بلعت حبوب بروفين ومطهر للبطن وماذكر وشو بعد .... وانا مادري
بس الحمد لله اذا ربك حافظ عبده ماعليك من اي سوالف خربوطيه ...

الله يسهل عليك ويقومك بالسلامه يارب ..... تحياتي .. ولاتحاتين تراااا عادي بس طبعا تأكدي من دكتورتك اللي بتابعي عندها .....
نوقطه

عليكم السلام

لاتحاتين يا غاليه ان شا ءالله ماراح يصير معاج شيء ولا رااح يأثر فيه شيء

وانتي بس تراجعين الدكتوره خبريهاا عشان لو لا سمح الله فيه شيء تقدر تساعدج

عني اتوقع بعون الله مافيه شيء البندول من طبعه يروح مكان الالم مباشره عشان يقضي عليه وكنتي مريضه ورااح مكان المرض يبي يسيطر عليه اتوقع ما رااح يضر البيبي وخصوصا بداية حمل وانتي تجهلينهاا ..

...

بقول لج شنو صار معاي يمكن من بعده ماتحاتين ...

انا متاخره بالحمل سنه ونص والدوره كل مره تخربطني ومالها تاريخ طبعا ماتعالجت وتركت الموضوع ع الله

والشهر الي صار فيه حمل انا اخرتني الدوره ولم شفت اثر دم وكميه كبيره توقعتها الدوره وصرت اركب الدرج وانزل ابيها تمشي معاي وحتى الرقص رقصت ههههههه وعصرت بطني موووووووت وبقوووه عشان تنزل ..

وكنت اشرب بندول لاني مريضه عندي احتقاان واشرب حبوب الربو ومضااد وكلهم شربتهم ولا ادري وبعدين عرفة بحملي وانا في نهاية الثاني ..

والحمدالله ما شيء أثر حبوبه بلعكس تطمنت بعد ماسالت الدكتوره ..

والحين انا في الرابع والحمدالله الامور ماشيه ...


لا تحاتين طولت عليج بردي عشان ماتحاتين (( اسفه ))

الله يثبت حملج ويتمم لج ع خيرر

حبيبتي انا في حملي جاتني فلونزا ثلاث مرات وكل مره كانت اقوى من الثانيه .....


وشربت بندول وايد لانه البدنول هو المسكن الوحيد اللي تقدر تاخده الحامل...


طبعا بندول عادي مو مندول اكسترا....

اللي تجي علبته بيضه او حمرااا...

يا ريت شربت بندول عادي .. شربت بندول إكسترا .. و البندول إللي علبته صفراء .. المخصوص حق الانفلونزا .. و أنا خايفة وااايد ..

هلا حبيبتي

ان شاء الله مافيج وفي الجنين الا كل الخير يارب

استشيري دكتورتج ..

ان شاء الله ما فيكى شئ و استشيرى الدكتورة احسن ان شاء الله تطمنى

خلاص الحبوب خذتيها و انتهى موضوعها يعني ما بيدج شي

أهم شي توكلين أمرج لرب العـالمين أهو اللي يقدر يحفظج و يحفظ جنينج لا تحـاتين و لا تفكرين لأنه هالشي يضر بالبيبي أنـا مريت بأمور أشد من حبة بندول كنت آخذ مضاد حيوي عن طريق الوريد لأنه عندي التهاب فالكليه و ما كنت أدري إني حـــامل و بعد ما عرفت إني حامل حمدت الله و توكلت عليه لأنه هو اللي يقدر يحفظ البيبي و هوه اللي عطاني اياه و ان خذاه مني ما أقدر أقول لا

ابتسمي و توكلي و إن شاء الله أمورج كلها بتمر على خير ^__^

كلنا أتوقع أخذنا ادوية اثاء الحمل وبإذن الله تعالى ما فيه ضرر بس حاولي تبتعدين عن
اي مسكنات او ادوية فترة الحمل والله يوفقك

لا تحاتين كلنا مسوين ها الحركات ..

ان شاء الله ما عليج شر .. البندول مالنا مفر منه .. هو الشي الوحيد للي يوصفولنا ياه فتره الحمل اذا صادتنا انفلونزا ..

انا كنت ماخذه مضادات الدنيا ونا ما كنت ادري اني حامل .. ربج الحافظ

[GLOW="FF33FF"]الله يجزاكم خير طمنتوني لاني ماكله بنادول وانا حامل......[/GLOW]

انشالله ماعليك شر ياقلبي

ان شاء الله مافيه الا الصحه والعافية

لا تخافي حبيبتي .. حبيبتي عندي بنت عمي ما كانت تعرف انها حامل وراحت الدكتور عطاها علاجات حق الكلي وكانت تاخذهم وكانت تروح النادي النسائي وتلعب طايرة ... ولما عرفت انها حامل خافت ليحصل لجنين شي والحمد لله ولدت والبنوتة وبخير والان عمرها 10 شهور وتطورها ممتاز ما شاء الله ...

الاسقاط يتم في حالة اذا اخذتي كميات كبيرة من البندول ... فقط وليس بحبة او حبتين في اليوم لمدة يومين او 3 ايام ..

ان شاء الله ما فيكى شئ و استشيرى الدكتورة احسن ان شاء الله تطمنى