قبل لا تدخلين اعرفي انج اذا دخلتي لازم تكتبين مشروعج والا لا تدخلين....

ما شاء الله عليكم

تقريبن قريت 80% من الردوود

الله يقدّرنا و نسوي الي في خاطرنا

و يرزقنا من حيث لا نحتسب

عاد أنا.. بخبّركم الي في خاطريه =)

أول ما بديت افكّر بهواياتي.. و حبّيت اطوّرها.. بديت بسالفة محل تغليف الهدايا..

و كانت تفاصيل المشروع واااااااااضحه بالنسبه لي.. خصوصا لتغليف هدايا الأطفال.. و المواليد الجدد..

بعدين.. بديت بالكروشيه.. و طلعت في بالي فكره ثانيه.. بس للأسف الكروشيه ياخض وقت وااااااااااااااااااااايد
و ظهريه وايد تم يعورني بسبب اليلسه الطوييييييييييله على الشغل =)

و على نهاية الجامعه.. بديت افكّر اني اطوّر كتاباتي للقصص.. و أنشر اعمالي.. << بس كانت بالانقليزي.. و هالشي محتاج لغه سليمه 100%
و غير من جيه.. الأهل ما بيوافقون انّي انشر باسمي.. =) او ع الأقل الأحرف الاوليّه من الأسم ههههه ولا شي ماطاعوا..

و بعدين.. و أخر مشروع في بالي و يالسه اتعلّم عليه :lol:
الخياطه.. من انا صغيره احب الخياطه.. و ناويه اسوي لي مشروع للخياطه

للحين اتقنت اساسيات الخياطه.. بس محتايه الوقت.. خاطريه انا الي اخيّط.. الناس يقولون هاتي لج خيّاطات

بس انا احب يكون شغلي بايدي.. شو الفايده ايّيب لي حد يشتغل بدالي؟ @_@
ناويه اتخصّص في خياطة ملابس البنات في عمر سنه و سنتين فقط =)


و عندي معرفه لصناعة الاساور و الاكسسوارات.. يعني ممكن كل لبس اسويه اجهّز له اكسسوار بسيط يمشي معاه

و بالمناسبه .. ههههههه بسبب عشقي للأطفال.. رجعت بفــكرة الكتابه.. خاطريه اكتب قصص للأطفال.. بالعربي طبعا..
و انشرها.. ^_^ تكون من كتاباتي و رسوماتي =)

ع الأقل تكون مجموعه قصصيّه للأطفال (من وحي تراث الإمارات طبعا) في كتاب واحد او كتيّب

و بسبب معرفتيه بالايفون.. و شغلاته و برمجته .. اكثر من مره قالوا لي.. افتحي محل لبرمجة الأيفون هههههههههه

بس استبعدت هالشي @_@
و اجهّز ايفونات و ايبودات الي اعرفهن ببلاش ههههه من زود الطيبه الي فيني ;)

عاد انا حاله خاصه كلما اجمع راس مال بسوي صالون تجميل اتحبط ولا احد يشجعني ولا اقدر اسوي الصالون بروحي وتروح الفلوس ولا استفيد شي مع ان طموحاتي كثيرة وشاغلة بالي بس افتقر للاصرار للاسف بس انا مؤمنه ان الله يكتب للانسان قدره والحمدلله على كل حال

ومشكورة على الموضوع الرائع