مشكلتي زادت تعقيد تعالو نوروني يا بنات عروس

مشكورة اختي

انا احاول قد ماقدر بس ماروم عليه والله

مادري كيف هالانسان صدق صدق لو ابا ابين اني قويه يقول لي لاتستقوين مب راكب عليج

انا شخصيتي مب ضعيفه بس هو لاغنها كأن الحرمه بالنسبه له مخلوق بس يطيع الاوامر

ربنا معاكي اختي والله يختار لك الخير

هذا شو يبا بالضبط يكسر مياديفج
مالج راي مالج شورعنده
ما ينفع جذي
ما عليج منه .. اصري ع موقفج يعني خلي هالتغير في شخصيتج مب يوم و لا يومين خلاص تغيير دايم
و اثبتي وجودج و اثبتي نفسج عنده
صح انه هو ريلج و انتي ما بتسوين شي الا بشوره بس الحياه الزوجيه مب مثل ما هو تصورنها

احلا م الخيال

مشكورة اختي على ردج

بنوتة اماراتي

ترى هاي المشكله مكسر مياديفي وانا هالشي مضايقني وايد

بس انا معاهده نفسي اني احاول اتغير عشان هو يتغير بعد لان سكوتي مثل ماقالن الخوات يزيد المشكله ويخليها تكبر

مشكورة اختي على ردج الله يسعدج

الله اييسر امورج ان شاء الله
زين انج تحاولين و خلي عندج صبـــــــــر لانج بحاجه له
اميين يا رب و يسعدج

آمين مشكورة الغاليه والله يسمح لج دروبج

يارب يسهل امورج ويسخره لج

آمين مشكورة اختي الله يسعدج

الغالية الله يكون بعونج

بس بقول لج

ولدج على ما ربيتيه

وريلج على ما عودتيه

يعني خل ياخذ منج موقف هاوشيه ولا تسكتين عشان ما يكررها
واذا كان شاريج ويبيج

خبريه انج ما تحبين هذا الجانب اللي فيه وهو الشك والغيرة

واذا قال لج انتي مرته وهو حر يتصرف فيج

قولي له زمن الاستعباد راح وادثر

وقولي له اذا كان دافن راسه في زمن غابر وعايش بالقرون الاولى خبريه انج بنت هذا الوقت

والا يبي يدور له بنت عمرها 90 لأنها تناسب عقليته المندثرة


صدقيني والله لا تسكتين لا عن صغيرة ولا كبيرة

والا راح تشقين طول عمرج

الحين انتي خايفة من كلمة مطلقة

باجر بيصير عندج عيال منه وممكن الحالة اللي فيه تزيد وتتعقد

ارسمي خطوط من الحين

خلي اهلج كلهم على اطلاع بالموضوع عشان يوقفون معاج مو ضدج

لاتقولين مابغى الطلاق عشان الطلاق فيه كلام وقيل وقال
لالالا انتي ماتبغين الطلاااق عشان انتي تحبي زوجك مررررررررررررررره
لاتقولي انا اكرهه آسفه انا ماصدق لكن خذي هذي النصيحه
(فكري بعقلك مو بعاطفتك ترى بتضيعين)

حبيبتي الله يسر امرج .... ووووووين اهلج انتي ماترمسين خواتج الكبار ... امج او واحد من اخوانج ؟؟؟!!

لو لاقدر الله استوت مشكلة اكبر بيتفاجأووون بيقولون ليش ماخبرتنا من قبل ؟؟؟؟ بعدين شو الاحسن تتطلقين الحين وانتي بنت ولا عقب ؟؟!!

حاولي وياه اذا مانفعت الحلول لازم تخبرين اهلج......... لانه الريال مب طبيعي شكله مريض

[GRADE="8B0000 FF0000 FF7F50"]باين عليه يحبج ويغار عليج بس تصرفته مبالغ فيها انتي ماعليج الا تصلي وتطلبي من الله انه يتغيره للافضل وحاولي تتفاهمين وياه وخبريه على الطباع الي ماتحبينها فيه بس بطريقة يحاول يتقبلها [/GRADE]

يارب يسهل امورج ويسخره لج

مرايم السعوديه

مشكورة اختي على كلامج وانا قد رمسته قبل وقلت له زمننا غير وكل شي تغير

بس شو يقول يونه انا دمي حار! يعني لو قلت وتكلمت وعطيته اسباب تام يطلع لي الف عذر وعذر بعدها موليه اسكت لاني تعبت وانا افهمه

ساعات احس انه مايستوعب كلامي، هو مشكلته يتنرفز بسرعه وعلى اتفه شي يسوي مشكله عوده

الله يكون في عوني وعون الجميع

شاكره لج مرورج وتواجدج في الموضوع عزيزتي


مرقه

ختيه انا صح حبيت زوجي واحبه لي احين بس والله سالفة الطلاق خايفه منها عشان الرمسه انا ماريد الناس تنقد علي بشي! اطلق وانا بنت شو بيقولون عني!
صعبه والله صعبه!
انا فكرت بعقلي وتبهدلت
مشكورة ختيه على مرورج الله يسعدج

مفتاح قلب;5131792:
حبيبتي الله يسر امرج .... ووووووين اهلج انتي ماترمسين خواتج الكبار ... امج او واحد من اخوانج ؟؟؟!!

لو لاقدر الله استوت مشكلة اكبر بيتفاجأووون بيقولون ليش ماخبرتنا من قبل ؟؟؟؟ بعدين شو الاحسن تتطلقين الحين وانتي بنت ولا عقب ؟؟!!

حاولي وياه اذا مانفعت الحلول لازم تخبرين اهلج......... لانه الريال مب طبيعي شكله مريض

ختيه انا ماعندي خوات انا بنت وحيده بين شباب!
والصراحه استحي ارمس خوانيه الشباب في هالواضيع
وامايه احس صعبه افتح معاها مثل هالمواضيع لانها دوم تقول لي في البدايه كل شي صعب اذكر مره رحت لها اصيح اقول لها مابا العرس قالت لي ماعليه اول شي بيكون صعب عليج عقب بتتعودين

انا ماعندي الا ربيعتي وبنات عميه اشكيلهن ويقولن لي خلاص الفاس طاح في الراس! شي بديتيه كمليه للنهايه!
مشكوره ختيه والله ايسرلج امورج

كركوبه

يحبني صح ماختلفنا بس هو وايد مبالغ والله انا حاولت بكل الطرق بس احينه انا ناويه على شي ان شاء الله بشوف شو بيصير
مشكورة ختيه الله يسعدج

مريم ن

آمين الغاليه
مشكورة الله يسعدج

أموله الدلوعه;5134311:

كلامها عين العقل
ثانيا ياقلبي شو اهون
انج تطلقين وانتي بنت ولا انج تطلقين عقب بسم الله عليج
خبري اهلج او احد مقربلج مثل امج اواختج العوده او اخوج
وحاولي تحلين المشكله الحين بدل انها تكبر لعقب

وانصحج نصيحه
لو علاقتج ويا اخوانج قويه فسولفي ويا اقرب واحد لج وخبريه بالسالفه
لان نظرة الشاب للموضوع تختلف لنظرة البنت
واكيد بقولج رايه
وقوليله على اسلوب تصرفج ويا ريلج قبل وشلون ناويه تتصرفين الحين وخذي رايه
لان هو شب وادرى شلون بتكون ردة ريلج
عشان تتجنبين المشاكل

انصحج تفكرين عدل وما تورطين عمرج
وخلج بعيده عن العاطفه وعن الآمال اللي ممكن تضرج

والله يوفقج


اعرف قصة انسانه مقربه لي مع شخص مثل خطيبك
وبالاخير نجحت بتغيره

بس منو يضمنلج انج تعرسين وبالاخير ما يتغير



الله يصبرج

ختيه للأسف انا ماعندي خوات انا بنت وحيده بين شباب!
والصراحه استحي افاتح خوانيه الشباب في مثل هالمواضيع مع خوانيه وايد مقربين مني خصوصا اللي اصغر عني بسنه بحكم تقارب السن بس بعد استحي اتكلم في هالأمور يوم يسألوني شخبار النسيب وياج اقولهم بخير!
عشان جيه انا لجأت لكن عشان اخذ مشورتكن لان كل اللي سألتهم قالو لي نفس الرمسه اني اتحمل وخلاص ارضى بنصيبي ((ويمـــــــكن)) عقب يتغير
الله يعلم منو يدري
ادري كلامكن عين العقل والله اذا ابا الطلاق احينه احسن بوايد من عقب بس انا مابا اطلق :(
الف شكر لج ختيه الله يسعدج

coffeerose;5135929:
شوفي حبيبتي ولاتزعلي من كلامي
لو فضلتي تستحي من اخوانك ومن كلام الناس عنك كمطلقة هذا
ماراح يفيدك ابدا وراح تفضلي طول حياتك متعذبة
اللي يسويه زوجك مو حب وغيره هذا شك اش اللي يلحقك بالمجمع
وبعدين انت الان ببيت اهلك لما تروحي بيته
ماراح يخليكي تطلعي نهائيا وبيضل يشك الشكاك بيفضل شكاك طول عمره
وبعدين اش تركبيه وماتركبيه وتمشي كلامك عليه
من فهموا هذا الكلام الزواج مو كدة
والصراحة اقولك زوجك ماراح يتغير للاسف وبع الزواج بيزيد
لاتستعجلي ابدا بالزواج ولو زاد الموضوع عن حده لاتخافي من طلب الطلاق
ربي يعلم اني ما احرضك والله على الطلاق بس انت الان على البر
افضل ماتطلقي بعدين وتكوني حامل ولا معاكي عيال

ختيه انا ماستحي من خوانيه بالعكس علاقتنه وايد حلوه مع بعض بس في هالامور صج استحي اتكلم معاهم مادري احس فشله!

الي قاهرني وباط جبدي هو شو شايف عليه عشان يشك!
انا والله ماسوي شي حليلي كافه خيري شري مايخصني بحد
وصدقج الشكاك بيتم طول عمره شكاك
والله ماعرف شو اقولج ختيه بس مجرد افكر اني بكون مطلقه والله اتروع
مشكورة ختيه على ردج وربي يجزيج كل خير

بصي ياقمر كل الناس بتقول بعد الجواز الكلام دة كله بيقل

استحملي ولما تبقي في بيته هيقل ان شاء الله كل دة

ربنا يوفقك ياقمر