women exam(اختبار نسائي)

حبيبتي ماعندي فكره
بس ان شاء الله باقي البنات يفيدونك

حبيبتي الالم في الفترة الاولى وبعدين يخف تدريجيا

وكل البنات يتألمون مدة وبعدين خلاص

مافهمت ايش تقصدين بالاختبار النسائي؟؟؟


هل قصدك الفحص الداخلي عند الدكتورة؟؟؟

اذا هذا قصدك ...الم بسيط جدا وبالمقابل تعرفين ايش فيك


لاتخافين ياقلبي عادي كلنا نمر بهاالشي

ومن الاساس انتي تشتكين من ماذا ؟؟
يعني الم اثناء الجماع ؟؟؟

عموماً الكشف النسائي مش مؤلم لدرجه عدم التحمل

ارجو التوضيح اكثر

اختي الفحص النسائي قصدك اشعه عن طريق المهبل؟؟ اذا هادا قصدك فهو غير مؤلم اطلاقا .. واذا قصدك ما يصير جماع فما اله علاقه بالفحص المهبلي .. اما اذا بتسألي عن الحمل فممكن تزوري الطبييه وهي بتخبرك ايش الفحوصات اللي بتلزمك عشان تعرفي سبب التأخير ..موفقه بس مو مفهوم كلامك ..

:sm229:

ما فهمت شتبين تعرفين بالضبط ؟؟؟

:sm229:

اخواتي العزيزات مشكورين جدا على سرعه ردودكم ... معليش اسمحوا لي يمكن الكلام مو واضح للبعض لاني فعلا محرجه من الموضوع.. مشكلتي انه صار لي تقريبا سنه من تزوجت وللحين ما يصير جماع.. حاولنا كذا مره بس الالام فظيعه ما اتحمل.. لمحت لوحده اعرفها (يعني كأنها مشكله صديقتي) وقالت ان لازم البنت تسوي فحص نسائي(كشف سريري على منطقة المهبل ) لان احتمال الخلل من البنت.. أنا قريت عنه وشفت انه لازم الدكتورة تشوف المنطقه وما ادري شتسوي فيها وانا بصراحه استحي ما اقدر ( بس زوجي يقول لي سوي الكشف عشان نعرف السبب لان صار لنا سنتين متزوجين ومو متزوجين... انا الحين ودي في نصيحتكم .. يعني عندكم فكره عن الاسباب اللي ما تخلي الجماع يصير حتى بعد سنه زواج؟ هل صحيح ما اقدر اعرف السبب والعلاج الا بالفحص السريري؟ هل الفحص مؤلم؟؟؟ تنصحوني اسوي الفحص؟

مره ثانيه اشكركم بقوه .. وبانتظار نصائحكم

اختي توكلي على الله وسوي الفحص .... وصدقيني ما بتحسين فيه ابدا انا سويته بس يوم كان عندي التهابات وابدا ما عورني شوفي لمصلحتج لا تقولين استحي وما اقدر .... توكلي على الله وان شاء الله تعرفين السبب ...

واما عن الجماع والله يا بنت الناس قبل لا تبدون الجماع اقري دعاء الجماع وتوكلوا على الله لازم بيعور حتى لمدة سنة لانه المنطقة ضيقة وايد وتخيلي يدش فيها جسم غريب اكيد بتتوسع مع مرور الوقت ..... وبقولج شي عندنا الحريم يقولون حق الحريم اللي يولدن طبيعي (حرمة) واللي بعملية يقولون عنها بعدها وكأنها (بنت) لانه رحمها ما فتح نفس اللي طبيعي ....

توكلي على الله وجربي الجماع في البداية وتعوذوا من ابليس يعور تحملي وربي انه تحملنا الالم وعقبها بتشوفين من نفسج تبغين هالشي مو ريلج يطلبه منج ....

الله يحفظج ويوفقج يارب ويسهل عليج وبعدها تحملين يارب ....

اممم
شوفي حبيبتي ألم الجماع اما يكون بسبب نفسيتج ... وهذا يستدعي الشجاعه منج حتى تتغلبي على الموضوع .. وانظري الى الموضوع على انه اظهار مدى حبك
او اما يكون في علة في جسمج لكذا لازم تروحي الى الدكتورة تكشف عليج
هو صحيح في البداية الوحدة تنحرج ... لكن ماباليد حيلة كلنا لازم يوم من الايام بنتكشف على الدكتورة
تشجعي وتوكلي على ربك
والكشف مايألم ابدا ... انت اهم شي رخي اعصابج

حبيبتي اولا احب اقولك ان كلنا بداية زواجنا مرينا بهذي المرحله وشي طبيعي يألم بس تتحملي مره ومرتين وثلاث واشوي اشوي راح يكون الامر طبيعي وعادي لا تخافين وتفكرين في الموضوع على انه شي كبير اخذي الامر برومانسيه وسلمي نفسك لزوجك حتى لو تألمتي حاولي تخفين على زوجك وخل يكون الجماع في ايام متقاربه يعني مو يصير يوم والمره اللي بعدها بعد شهر لان تباعد الفترات يخلي المنطقه كلما توسعت ترجع تتضايق ويرجع الالم من الاول

وبالنسبة للكشف جدا عادي ما يعور ولا يألم ولا تستحين من الدكتورة لانها عاديه متعوده على هالشغله الف حرمه وبنت داخله عليها وكاشفه عليها وكلها ثواني الكشف وبتخبرك اذا في اي شي

توكلي على الله ولا تخوفي نفسج

موفقه وطمنينا عليج الله ييسر امرج ويرزقج الذرية الصالحة ويرزقنا يارب

اخواتي مو عارفه شقول لكم صراحه ريحتوني واااااايد وان شالله راح اسوي بنصيحتكم.. انا راح احاول وسويت موعد مع الدكتوره.. الله يعين على الاحراج:o .. مشكورين بقووووووووووه:wink:

اختي اعتقد المشكلة الاكبر عندكم النفسية مو طبيعي انج لين الحين عذراء لانه مر عليكم وقت طويل جدددا و التاخير يرسخ فكرة الالم في راسج و تعتقدون انكم ما تقدرون .كان لازم الاستشارة تكون في وقت ابكر ..بس الحين تحكمي في العامل النفسي لاني شبه متاكدة انه اكبر جزء من المشكلة نفسي ..يعني عقلج تبرمج من فترة على وجود الالم الغير محتمل ..سموا بالله و حاولي الاسترخاء التااااااااااام مع عدم التفكير او تقليص العضلات لانه هذا بالفعل يسبب الالم !! بعدين يبالج الفحص للتاكد من عدم وجود مشاكل لاسمح الله ..او اختبار اغلب الناس سووه اول الزواج و منهم انا هو فحص قناة المهبل و عنق الرحم لاستبعاد وجود جروح او التهابات طبعا من اول اتصال جنسي لانه هالشي يسبب مشاكل لو الطريقة كانت غير صحيحة ..هذا موضوع مفصل عن الفحص و الله يسهل لكم باذنه ان شاءالله ..

http://www.3roos.com/forums/t297953.html

توكلي على الله حبيبتي و لا تحاتي كثير....لأ شكلك مرة خجولة و هذا الشئ يأثر عليك أثناء الجماع لازم تفكري بالموضوع بجدية أكثر و تتحملي مرة و ثنتين و حاولي تستخدم (الكريمات الملينة) من الصيدلية لتسهيل العملية و بالنسبة للفحص ما يخوف أبد خليك هادئة و لا تشدي على أعصابك و إن شاء الله ما فيه إلا الخير

والله مافهمت شي

عزيزتي لا تخافين النفسيه وايد تاثر خاصه في ها الموضوع .. خليج ريلاكس و لا تفكرين في شي وان شاء الله خير ..

و انصحج اتزورين الدكتوره عشان تطمنين اكثر وما فيج الا العافيه ..

طمنينا عليج ..

الله يكون في عونك :rolleyes:

ربنا معاك الله يريحك

أختي تفاحة حمراء يمكن ما فيه لا ألم ولا غيره بس المشكلة نفسية ، يعني يمكن
عندك عقدة وخوف من الجماع في حد ذاته من اول مرة حصل فيها هذا الشيء
بس بالتدريج وتعويد نفسك على الهدوء والاسترخاء تمشي الامور طبيعي
وعلى فكرة زوجك كمان لازم يكون متعاون وهاديء وصبور

شمس حياته: صحيح انك دكتوره(مثل ما قالت الاخت في الرابط)ويمكن المشكله نفسيه والله ما ادري وصراحة الرابط ريحني جدا وقرب الموضوع لذهني اكثر وحسيت بأهميه الفحص... شكرا جدا جدا

خيال ملاك: زوجي مو ذابحه الا الخجل.. وان شالله بعد نصايحكم الحلوة راح احاول .. شكرا جدا جدا

into-o-ana : ان شالله وانا سويت موعد مع الدكتوره .. شكرا جدا جدا

ريمه 2007-chahira : شكرا جدا على المرور

التوت البري: يمكن المشكله نفسيه .. ان شالله راح اخذ نصايكم بالهدوء.. شكرا جدا جدا