محتاره .. وما اعرف شو اسوي؟؟!

هلااا خوااتي ...

بصرااحه اسعدتني ردودكم .. وكل رد من ردودكم حسيت فيهنصيحه وان شالله انا بنتظر انه هو يطلب مني اكلمه بس اذا ما طلب انا ما راح اطلب راح اخليه ع راحته ...

مشكورااات ع الردود اللي ان شالله اقدر انفذ بعض الاشياء اللي نصحتوني فيهاا ..

اختكم

عيون ..

الله يوفقك حبيبتي

ويسخر قلبه لك وماتشوف عيونه غيرك بهالدنيا

بس انتي اصبري والصبرمفتاح الفرج وبتنالين اللي يرضيك ان شاء الله

وابشري بالخير

وتأكدي انه بيجي اليوم اللي بتعرفين فيه نتيجة تقبلك لنصايحنا وماخاب من استشار

حبيبتي مثل ماقالوا البنات انتي اصبري شويه هوه ااكدلج راح يطلب يكلمج بس لاتطلبنه انتي الاول ومثل ماقالت احد الاخوات الرجال اشكال مختلفه يمكن لو انتي طلبتي تكلمينه راح يكول عنج اشكد جريئه اصبري وكوني خجوله يختي انا صارلي 10 سنوات متزوجه بس مرات استحي من بعض الاشياء الرجل انا اعرف يحب البنت الخجوله والله يوفقك دنيا واخره

اول شئ مبروووووك حبيبتي

ثاني شئ خواتي ما قصروا كفوا ووفوا

وانا اجوف انج تسوين اللي يريحج

وانتظري شويه خليه اهو اللي يعطيج رقمه ما عشان يقول عقت عمرها عليه .. سامحيني يالغااليه ما اقصد شئ بس يعني اقول انه هذا احتمال مثلا اوك لا تفهمين شئ ثاني حبوبه ^_^

وعجبتني فكره وحده من الخوات انج تعزمينه على اغدى او العشى ويكون عندج فرصه نج تيلسين معاه شويه .. واذا اهم عزموج لا تتردين وسيري على طول ... حتى لو كانت العزيمه بس حرييم .. بعد سيري ومنه تحاولين تسالين عنه .. او لا تسالين يمكن اهله ما يعرفون انه ما عندج رقمه .. مممممم والله عاد هاي النقطه لا تسوينها لا تسالين عنه او سالي عنه لووول والله روحي مب عارفه . اخاف تسوين جيه ويقولون شئ ولا تسوين جذاك وبعد يقولون شئ .... عاد هالنقطه اسئي حد اخبر عني فييه

ومجرد رأي .. افضل انه تحصلين على رقمه عشان شويه تتعرفين عليه وتتعودين عليه لين العرس ... واقصد بتحصلين .. انه اهو اللي يعطيج اياه عاد كيف ... الله اعلم .. وادعي انه الله يسر لج امورج حبووووبه

والسموووحه واتمنى ما تزعلين من شئ قته مني ولا مناك خخخخخخ

والف الف مبرووووووووووووووووك