الحمل والظغط

اهلين اختي روزان

انتبهي لضغطك على طول ولا تاكلي اشياء مالحه ولا تعصبي وحاولي ترتاحي كثير

بنت خالتي كان يرتفع ضغطها من فتره لفتره واتنفخت مررررررررررررررررررره وصارت ضخمه بشكل غريب

ولما وصلت السابع نزلت بنتها ياحرام لانه ارتفع معها الضغط وهي ماتدري والحمد لله هي صحتها كويسه

بس في وحده أنزلت طفلها باالرابع وصار معها نزيف شديد بالرحم بسبب الضغط وكادو يستأصلون رحمها بس الله ستر الدكتور صار يحط مكعبات ثلج داخلها عشان يوقف النزيف


مابي اخوفك بس لازم تداري نفسك


تحياتي

حبيبتي لتعبين نفسج ولتجهدين روحج وتكومين بالف سلامة وجيبين ان شاء الله تعالى احلى اخ لسيسي

ارتفاع الضغط يسبب موت الجنين واضرار صحية ع الام

الله يقومك بالسلامة

لا حبيبتي لا تخافي ... انا جاني ضغط من الشهر الخامس وتابعت معي الدكتورة واعطتني علاج "حبة كل يوم "... والابتعاد عن الاملاح والتعصيب ,, والحمد لله ضغطي طبيعي الي يوم ولدت .. ويوم الولادة كانت خايفة على كثير وكانت كل شوي تقيس لي الضغط والحمد لله كان طبيعي طول وقت الولادة والحمد لله ما حصلت لي اي تعقيدات ... وولدت بالسلامة حتى ابني بخير وما حصل له شي ,,صحيح اني اتورمت كثير .. بس التورم يزول بعد اسبوعين من الولادة ..
انتي لا تقلقي مع اخذ العلاج والابتعاد عن الاشياء المضرة ما بايحصل لك شي ,,,

بس كوني قيسي الضغط كل اسبوعين ... اذا لاحظتي ارتفاع اذا لازم تروحي للدكتورة تبدلك العلاج بواحد اقوي ,,

تسلمون يا بنات الف شكر
باجر موعجي مع الطبيبه ونشوف ايش تكول
الله كريم

ان شاءالله خير

هلا أختي أن عكسش ضغطي وايد نازل زأحس بدوخة ودورة بسبب هبوط الضغط ويقولون لي أكل أملاح وايد تعبت من هبوط الضغط لان يصير عندي بشكل يوميا تقريبا وخاصا حاليا بشهور الاخيرية

انا اعاني من الضغط واخذ له علاج الترنومين ومع الحمل اغيره لعلاج ثاني اخف للحامل لان الاول خطر على الجنين والعلاج هو الدومنت والحين منتظمه عليه ونصحني طبيبي بالتوقف عنه ولما احس انه ضغطي ارتفع اشرب كركاديه روعه .. الضغط مع الحمل بعمر اكبر من العشرينات او بالمنتصف من العشرينات علاجه الكركاديه البارد مو الحار الحار للي عندها هبوط والبارد للمرتفع وهو عرضي ويزول بحيل الله ... ماتشوفين شر ولا تخافين ولاتحاتين مادامك مباشره مع طبيبك ومنظم لك كل شي اطمئني , وهم الغذاء ضروري يااختي اقلها الغذاء الصحي لليفيدك مايضرك خاصه بهالفترة , مرة ثانيه ماتشوفين الشر ان شاالله لاانت ولا اي وحده ياربي اميين