انقذونى (زوجى وبنات ابليس)

اسمحيلي عزيزتي ريم يوسف اقولك

الله يقطع الحب

احب واحدوهو يخونني ويمارس معهم الزنا

والله لاكرهه ولااعيش عنده ذليله

لو وريته العين الحمراء او خوفتيه بالله ماكان هذااحالك

اسمحيلي لاتدوسي على مشاعرك

وعزي نفسك تجديها ولاترخصيها لواحد مايخاف الله

المرة اذا تطلقت ماهي نهاية العالم

وياما حريم تطلقوا وبعدهم عايشين

وربي عوضهم سنين الحرمان اللي عاشوها

انا مااحرضك عالطلاق

لكن حطي حدللي قاعد يصير

مو يروح مع بنات الحرام وتسامحينه

والله لو كان حبه مقطع قلبي

مااسامحه

الله يهديك وينور بصيرتك

الله يفرج همى وهم كل المسلمات يا رب ودعولى ربى يهدية ويرجع لطريق المستقيم

ربى يهدية ويرجع لطريق المستقيم


اااااااااااااااااااااااااااااااااااامين

هلا الغاليه...

اسمحيلي بس انتي من البدايه عودتيه...

انج ممكن تستحملين عشان خاطر عيونه...

و انتي تظنين انه بيقدر هذه التضحيه...

و بيقول فعلا زوجتي تحبني...للاسف تفكيرهم غير عنا...

هو اكيد بيستمر في الغلط...لانج دايما تسامحين...

لا و اعترفتيله بعد... لما سالج انتي بتستحمليني...

قلتي له اكيــــــــــد!!!!!!

هذا ما يثبت حبج...هذا يثبت العكس...

كانج تقولين له انا اقدمك على صحن من ذهب للبنات...

و اخر شئ تراني موجوده عشان اسامحك!!!!!

عرفتي انه تفكيرهم غير...

بسألج...شو لاحظتي البنات اللي وياه؟؟؟

يعني شو يربط ما بينهم؟؟؟ شو اللي جذبه فيهم؟؟؟

ريلج شو اطباعه عامة...وخاصه؟؟؟

على الاقل ادرسي شخصيته عشان تعرفين تتعاملين معاه...

هل هو وحيد اهله؟؟؟ هل هو مدلع من الكل؟؟؟

يعني تكلمي عنه...و اذا ماحبيتي تكتبين على العام...

طرشي على الخاص...

صلى أستخاره حبيبتى
و أدعى ربنا يقدملك الخير
اللهم فك كربك

استخيري واتطلقي ترا اللي زييه ما ينصلح مهمات اعتذر وقاللك الله يعينك حتى لو رجعتي لله انتبهي لا تحملي

[GLOW="FF6699"]لا حول ولا قوة الا بالله
ما عاد حدا خاف الله
أين رجال هذه الأيام من قول رسول الله عليه الصلاة والسلام رفقا بالقوارير
أختي مالك غيرالدعاء لربك كل فرض صلي ركعتين قضاء حاجة
أكثري من الاستغفار وحسبي الله ونعم الوكيل
وداومي على سورة البقرة والله أنها تفيد اذا فيه عين أو أحد عامله سحر
والله يختر لك الخير ويفرج همك[/GLOW]

تبين الصراااحه ومن دووووووووووووووووون زعل


انتي مجنوووووووووووووووووووووووووونه لو جلستي معااه لو يوم

اشتبين فيه الكلام الي تقولينه موحب هذا جنووون

ولا بعد ناويه تروحين تتعالجين علشان الحمل

انتي صااااحيه ؟؟؟َ!!

مااقول الا ان ربي يهديك ويفتح لك ابوواب رحمته

حبيبتي ريم سمحيلي ردي بيكون قاسي شوي لو كنتي جدامي صفعتج عشان تصحين وين عقلج وين دينج وين الغيره رميتيهم بالزباله؟؟؟؟؟وعشان من واحد لامهتم فيج ولا بمشاعرج والله لاتركه اولا زاني وراح ينقلج الامراض ولو حملتي منه عيالج بيمرضونوربي وربج قال ولا ترمو انفسكم في التهلكه فكري بعقل وقوي قلبج لا تصيرين ياهل احبه واحبه حبته القراده!!قرري وبسرعهاللي خلقه خلق غيره والنسيان نعمه وبتنسينهواللي باعج بيعيه صدقيني لو فيه خير كان تغير بس العوي عوي وبوطبيع ما ييوز عن طبعه وصح الطلاق ابغض الحلال وما هو بحل ولاكن هو الافضل في حالتج والله يعوضج اخير منه واحسن واللي يستاهل هالحب كله منج فكري يا ختي وقرري دوسي على قلبج وراح تعيشين بسلام واسفه مره ثانيه والله يسهل امورج

تسلمين لىة اخت اسيل على الرد ومعاج حق فى الكلام والله يصبرنى

يعطيكم الف عافية على الرد خواتى ام شيوخ وعذب القوافى والله يهدية انشاء الله ويرجع لى انشاء الله

ام اف تى ار وسمراء السودان مشكورين خواتى على ردودكم وانشاء الله راح اصلى صلاة الاستخارة وربى اقوة منهم

فتافيت وسماء النسيان وسواحلى مشكورين خواتى وانا ماعندى شئ اقولة غير انا الله وانا اليه راجعون وحسبيا الله ونعم الوكيل

مرحبا اختي ريم ولا شكر على واجب بس من ردج علينا كانج راضيه ومستسلمه وكلامنا ما منه فايده يعني ما خبرتينا ايش بتسوين وايش قررتي؟؟ما تبين الطلاق وفهمنا زين تحركي تكلمي معاه فهميه وعطيه مجال خلنا نقول شهر اعتدل كان بها ما اعتدل ما يبيلها تفكير تلمين الباقي من كرامتج وتردين لاهلج اصلا ما في مجال انه يختار بين الحلال والحرام وكلشي واضح...وياريت تخبرينا شو يصير معاج وما تدرين بين يوم وليله يعقل وسبحانه قادر على كل شيئ

حبيبتي الحب مو كل شي

بكره اذا راح الحب وبينكم عيال شبتسوين؟؟؟؟

بكره اذا لاقدر الله جابج بمرض شبتسوين؟؟؟

حبيبتي قعدي مع نفسج وفكري (بعقلـــــــــج) وبس

موكفايه انج مغتربه علشانه؟؟؟ هذي مو المعاملة الي انتي تستحقينها

وربي يكون في عونج

مشكوة اخى ام احسن على ردج لى ويعطج الف عافية
اختى سواحلى انا مو مستسلمة بس تقولين الصدمة الى انا فيها مو مخليتنى شلون افكر بس انا انشاء الله نهاية الشهر راح ارجع مع هلى هناك وباذن الله راح اتخذ قرارى جدام هلى وهلة وراح اشوف معاة حل بس اتمنا منكم الدعاء لى بان ربى يهدية انشاء الله وربى قادر على كل شئ

ريم اللي اقولك اياه حبي نفسك

بكره اذا مرضتي وش بتسوين ؟؟؟

من بيناظر فيك لا هو ولا غيره

الحين بعد هالشي الكبير اللي يسويه وش اللي يهزك

تدرين وشو!!

ولا شي

لانك حطيتي كرامتك على جنب وحطيتي مصلحتك على جنب

وش فيه ينحب

اخلاصه والا دينه والا التزامه بالزواج والا تعامله الحلو ولا الاحساس بالامان

اتحدا انك ضامنه حياتك معاه للابد ممكن يتخلى عنك بسهوله

اللي يسوي كذا زوجته رخيصه عنده

ولا شي

معناتها هذا مو حب
هذا اعتياد وجود بحياتك

لو جاك واحد طيب دين مخلص يخاف الله فيك هذا اللي حبيه

وتذكري العلاقات المحرمه وش تجيب

بالله كيف تتحملينه وهو كان مع غيرك بالحرام

خافي من اللله على نفسك وخافي من الامراض

افتكي او بالاصح انفري بجلدك منه

والله العظيم انتي طيبه ومايستاهلك ولا يستاهل اخلاصك


والله يفرج همك ياكريم

اختي الكريمة

اهنيكي على صبرك والله ما شاء الله

بنات ابليس متنشرين في هذا الوقت وما اعتقد انه حدا سلم منهم

لذالك اختي الكريمة

لا تخلي بيتك يهدم بسبب بنات شارع

الله يسعدك واصبري

حبيبتي لاتضعفي قدامه وتخلي الحب يضعفك حاولي تبني له انك قادره تستغني عنه ثقلي عليه شوي وعسى يحس بقيمتك والله يهديه ان شاء الله

الجوهره 2000;5098092:
الله المستعان

وربي يعينك على هالمصيبه بصراحه

وانا تبين شوري هذا فرقاه عيد وتجيب المطر

لكن ما اقدر اقول لك الا حاجه وحده بس

عليك بصلاة الاستخاره مع كل فريضه تصلينها

وبعد كم من يوم بتلاقين نفسك ربي مسيرك للي فيه صالحك

واكثري من الدعاء في كل وقت ان كان لك في رجعتك خير ان الله يجيبه

وان كان فيها شر ان الله يبعد بينك وبينه وينزع محبته من قلبك

واسمحي لي اذا قلت لك هذا بالذات مايستاهلك

واذا هذي اخلاقه انالومكانك ما استحمل اعيش معه يوم واحد

وانا اشوفك متهاونه بهالموضوع يابنتي راعي هالخرابيط ماوراه الا المرض (الايدز )

وتحري عقوبة رب العالمين فيه عاجل او آجل

واذاهو جعل رب العزة والجلال اهون الناظرين اليه وشعاد تهمينه انتي وانت من عبيد الله

فلا تتحسفين عليه ابد وربك رايد لك خير يوم انه ردك لاهلك سالمه قبل لايردك مصابه لاقدر الله

وصدقين هذا اللي مخليه ردك لاهلك لانه مايقدر يستغني عن هالمصايب

وانتي مالك ذنب تروحين ضحيه بسبب واحد بايعها ومايخاف ربه

وربي يفرج لك كريتك ويدليك لطريق الصواب ..

ولي رجعه باذن الله

السلام عليكم ورحمه الله وبركاته ..
اول شي انا معاها بكل كلمه ...
ثاني شي اختي مع احترامي لكل الخليجين بس حلات الثوب رقعته منه وفيه ...
انتي تزوجتي بعيد عن اهلج لاسند ولا ظهر لو يدوس ببطنج محد يدري عنج ..
اختي اسمعي كلام البنات والحب ما بيفيدج لين طحتي مريضه
تحياتي لج
ام جنى