تعالي شوفي افكاري في تزين العطور (صور)

سرايا الحب;5094421:
السلام عليكم ورحمة الله وبركاته

الله ريحة القسم عطور :cool: اشحالكم يا حلوات واشحال اهلكم و فريجكم (y) ان شاء الله بخير

طبعا كلنا نحب العطور ولا نستغنى عنها



اليوم يابتلكم موضوع غير شكل طبعا افكاري الجهنميه :D_smil1: لاحظت انكم تسؤلون وايد عن العطور والروايح الثابته وغيرها و ميزت العطر قلت بغير اليوم ولا بسأل عن العطر الفلاني والعلاني
قلت احطلكم موضوع والي هو كيف تزينين طاوله التسريحه او كيف تزينين عطورج على الطاولتج الي دوم تتعطرين وتتمكيجين عليها ( ما نستغنى عنها وعن المنظره ) :2_22:

ما بطول عليكم يا حلوات عندي كذا فكره وان شاء الله تنال على اعجابكم ..

بسم الله توكلنا على الله

طاوله التسريحه اكيد عليها سواء عطور او مكياج او مجوهراتج الخاصه بيج



اول فكره هي :
تحطين العطور في صينيه طبعا مزينه بشرشف حلو و ورود على طرف الطاوله و حتى تنفع حق الضيوف بعد ما تضيفينهم تعطرينهم



وهاي صوره ثانيه

الفكره الثانيه يا حلوات
تحطين العطور في طبق او صحن مرتفع شوي من الجوانب مع شرايط زينه او دانتيل ( انتي وحركاتج )




الفكره الثالثه وهي:
تحطين عطورج على التسريحه مع اكسسوارات زينه او مجوهراتج ( اذا ما عندج خدامات) :2_22:




الفكره الرابعه وهي:
تحطين مع عطورج نبتات طبيعيه او صناعيه على حسب رغبتج او اي زينه عندج




ننتقل للفكره الخامسه ولي هي :
تزينين عطورج مع ورود سواء طبيعيه في فازه او تنثرين ورود على الطاوله شي الصراحه رومنسي :87457:


هي الورود وايد تنفع



الفكره التاليه وهي:تغلفين او تلفين عطورج بتور على حسب لون غرفتج مثل الي في الصوره الي تحت الصراحه شي





الفكره السابعه وهي :
تزينين عطورج مع شموع حلوه و اوراق او ورد مجفف عشان الريحه تكتمل



وهاي الشموع تنفع بعد


الفكره الثامنه وهي
لا ترمين او تعقين كراتين عطورج اليديده غلفيها بجلاد حلو وشرايط وصفيها مع العطور على شكل هدايا




الفكره التاسعه وهي
تزينين عطورج مع فراشات او احجار الزينه طبعا متوفره في اي محلات الزينه




و اخر فكره لعشاق الشوكلاته و السويت تحطين علب شوكلاته او اي نوع سويت تحبينه مع عطورج عشان كل ما تتعطرين تاكلين حبه ( عز الله انتفخنا ) :21_133:




واي تعبت :8884:

خواتي الحلوات ان شاء الله الافكار تنال على اعجابكم انا طبقت الطرق كلها مره وحده على طاولة التسريحه يعني خبصه بس والله النتيجه روعه

جهد خاص تعبت وانا احصل الصور بس انتو تستاهلون :15:

لا تنسون ردودكم الحلوه الي تحلي الموضوع :1_3:

اختكم سرايا الحب