شلون قدرتوا تنظمون وقتكم بعد الولادة؟؟

أحلى ملح..
أنا من النوع اللي ما يأيد الشغالات..
لكن في شغالات بنظام الساعات

تساعدك بشغل البيت والترتيب وانتي تشرفين عليها
هذا وايد أحسن..

وعلى قولتش ان اذا نام الطفل الوحدة تبي بعد ترتاح وشغل البيت يتراكم

ما دري والله شلون أمهاتنا قضوا حياتهم كل سنة حمل وولادة وشغل بيت وزوج!!
والبيت مثل الفلة من النظافة

أتمنى أقدر أكون مثلهم والله..

احلى ملح الخدامة لازم تكون ثقة وكبيرة في السن .. هذي الشروط اللي انا مخليتها لو فكرت اجيب خدامة

بنت الاصايل نظام الساعات ما تفيد انا مجربته الحين المشكلة اذا تبين تقومين تسبحين او تصلين وما فيه احد وياج في البيت شلون بتتصرفين؟؟

توني لمن كملت بنتي الشهر العاشر وبتمشي با لشهر 11
اشوف وقتي ينتظم بعد طلعت الروح..احاول احطها بالوولكر
وتشوفني اشتغل..ورايي ورايي..
بس احيانا اخصص لها وقت العب وياها فيه..حتى لو تركت بعض الشغل
وانا شقتي صغيرونه ما يبيلها شغل واجد..انا طبعي ما احب الشقق الكبيرة ابد
تكسر ظهر بدون فايدة..يعني كمن ساعه ويخلص الشغل..
وعن الشغالات لو يضل البيت معفوس ما فكرت اجيب شغاله ابد ما احب
واوقات السباحه لمن تنام او اتركها في سريرها تلعب واسبح ووقت الصلاة
اتركها جنبي واخليها تشوفني وانا اصلي عشان تتعود ..احيانا ابوها يتركها
جنبه لانه يصلي بصوت عالي صارت الحين تلتفت لمن يكررر الصلاة امامها
احسها حفظت ما شاء الله..يعني الواحد يستغل الاوقات لصالحة
بدل ما يتذمر على الفاضي!!!!!!!!!!

عجبتني أفكارش ريحانتي..

مشكلتنا عجولين، نبي كل شيء بسرعة!
أنا مثلش ما أحب الشغالات..
على قولتش الشقة تقول ارحموني لكن ما يعجبني إلا تنظيفي..

تسلمييين ختيه أم شجاع على هالاستفسار

ابصراحة استفدت من ردود الخوات واااايد

لأني حالياً في نهاية الشهر الثامن

وبإذن الله تعالى من أولد

بحاول أنظم وقتي بحيث أوازن بين البيبي وريلي والبيت

تسلمييين ختيه أم شجاع على هالاستفسار

ابصراحة استفدت من ردود الخوات واااايد

لأني حالياً في نهاية الشهر الثامن

وبإذن الله تعالى من أولد

بحاول أنظم وقتي بحيث أوازن بين البيبي وريلي والبيت

ريحانتي حلو موضوع ان نخلي البيبي يمنا يشوفنا لما نصلي انا عني اطبقها، احيانا نجودة تخليني اواصل صلاة واحيانا لا

بنت الاصايل المشكلة اللي ما تقدر تشوف بيتها معفوس وهي مو قادرة تعدله شتسوي؟؟

Romanove نصيحتي لج اقري وايد في قسم الطفل والتربية حتى تاخذين معلومات من الحين وما تنصدمين بعدين، والله يكون بعونج ونشوفج ويانا من ضمن الامهات وطفلج بحضنج