ولدي تعذب من الامساك بليييييييييييييييز

اختي كم عمر ابنكي

ما يشوف شر ولدش

عطيه عصير برتقال وان شاء الله يمشي بطنه واذا ما مشى اشتري ليه تحاميل من الصيدلية وبينفعونش عدل

كم عمر الولد اول شيء؟


والامساك عموماً يا من قلة السوائل،

او قلة الاكل تلعب دور كبير..

اذا كان اصغر من سنه عطيه عصير برتقال وتفاح واذا كان اكبر من سنه عطيه على الريج زيت زيتون وايد زين وماعليه شر

ما كانك تتكلمي الا عن معاناه ولدي مع العلم ان ما فيه شي نفع معاه
لاادويه ولا تحاميل ولا شي
لكن بقولك على الي سويته مع ولدي وراااح الامساك مره وحده
اول شي غيري الحليب خاصه اذا تستعملين سميلاك لانه ثقيل وما يناسب كل الاطفال
ابتعدي عن التفاح الجوافه السريلاك الرز
واعطيه عصير البرتقال والكوسه شوربه خضار
جربيها وان شاء الله يروح عنه ويرتاح
مايشوف شر

اهلا وسهلا جزاكم الله بالخير انا ابني عمره 8شهور
اختي هديل فعلا انا استعمل سيميلاك لكن هو حليبه من ولادته وصعبه اغيره وتوه بدا الامساك معاه
وبرضو اعطيه رز لكن بدل السيريلاك اعطيه بسكويت فارليز
مشكورة حياتي وبحاول اقطع عنه الرز وزي مانصحوني العرايس بعطيه برتقال
جزاكم الله خير وياليت البقيه يفيدونا اذا عندهم خيارات ثانيه

ما ادري اذا تعرفون الرشاد (حبة الحمراء ...الرشوفة) تنقعينها في ماي لمده نص ساعه وبعدين حرا تصير الحبوب عليها طبقه لزجه صفيها من الماي وحطي معاها سكر نبات وعطيه ....الكميه فنجان قهوة وان شاءالله تنحل اذا مانفع مرة فاليوم عطيه مرتين

الله يعينك اختي وما يشوف شر ان شاء الله

انا بنتي صار له امساك بعدين سويت لها عصير برتقال وحطيت فيه سكر واااااااااايد ونفع معاها بس نصف ساعه تقريبا وصار تمام

عصير البرتقال واايد زين مع السكر مجرب احنا واايد نستخدم هااي الطريقه

عصير البرتقال وعصير العنب والكمثرى من تجربتي يسهلون البطن وحاولي تسوين ماي دافي مايل للسخونه شوي وخليه فيه مسدي بطنه وماعليه شر

اختى سيميلاك يجيب امساك كنت استخدمة لبنتى و الدكتورة قالت لى لازم تشرب ماى بين الرضعات علشان ما يصيبها امساك منة و لو رافض الماى انقعى لى فيها تمر او اعطية اعشاب بين الرضعات او غيرى الحليب

حبيبات قلبي والله يااااااااااااااافديتكم وعسى ربي يحفظلكم عيالكم من كل شر انشالله
ماصرتوا الشيخات ربي يريحكم زي ماريحتوني

جربي له حليب بليميل للامساك جدا راتع
عشان ترتاحين اسئلي الدكتور او الصيدلي افضل

العنب سواء عصير او تهرسيه ... التمر منقوعه ملين ... عصير البرتقال المخفف .....الفواكه عموم تلين البطن .... شربيها ماي بكميات كبيرة .... بنتي عانت من الامساك بس غيرت اللبن من بروميل لصحة والحمدلله صارت زينة

تمر مهروس ويا عصير برتقال والنتيجة فتاكة من ساعتها

ربي يشافيه طمنينا عليه

غاليتي اهتمي كثيرا بمسألة السوائل , وحب الرشاد نفس ما قالت وحده من الأخوات أساسا لها فوائد عديدة وكثيرة , عطيه عصير بكثرة حتى ترين أن الاسهال راح

هلا اختي
مايشوف شر ولدك
في اليانسون او الكراويه واحد منها للاسهال والثاني للامساك اسالي وشوفي

انا الدكتور طلب مني اني اعطي ولدي

ملعقه عصير البرتقال

وقال اعملي له شاي نعناع وكمون

ممتاز ويمشي البطن

اتركي عنج الوصفات اختي مع احترامي للكل..
وارجعي اخذي ولدج لدكتور اخصائي ثاني..
انا اختي لصغيره كانت عندها نفس المشكله..
ولان امي تمت تسأل فانه وعلانه.. اختي صادها تقوس بالركبتين بسبب الامساك..
وبعدين طلع الموضوع نقص حديد عند الطفل يسبب الامساك..
خل ياخذون عليه فحوصات دم ويتأكدون

شكرا لج