ابغي افاجىء زوجي كيف؟

شوفي الغالي

كل وحدة اتحب التغير واتحب اتفاجى ريلها بشي

انا كل اسبوع احب اغير في الافراش وترتيب البيت

يعني لا تهتمين فقط في تغيرج انتي لا ممكن اتغيرين اشياء وايدة

يعني اذا كنتوا متعلمين تتعشون في البيت ما يمنع انج اتعزمينه على مكان رومانسي حسب انتوا شو اتحبون

اذا بيتج في بعض التحف والاكسسوارات ما يمنمع انج اتغيرنها باليديد او حتى في تغير الترتيب

سوي له مثل حفلة بسيطة بدون مناسبة ودلعيه فيه

قولي له انا بخاطري ادلعك واسوي لك جلسة مساج

يعني شغلات وايد ترا الريال ما يهتم وايد وايد في قمصان النوم مرات يشوفها عادية حتى لو كانت يديدة بس يحب يكون فيه حركات وشغلات

هلا حبيبتي .. أنا مع الأخت .. سوي له مساج أو تنظيف بشره او عشا مميز أوطلعه مميزه تروحون المطعم تتعشون وبعدها ترحون السينما أو سوي سينما في البيت أو غيري الغرفة من المفرش والإكسسوارات خليها غير عن كل مره ...

عندش افكار البنات في المنتدى ما شاء الله عليهم وبالصور

انا عن نفسي استفدت واجد منهم وطبقت طريقه عروسه مغتربه عن زوجها ام بدر مع بعض التغيرات

قبل يومين كان زوجي بيطلع وقبل ما يطلع وقفته عندالباب وعطيته بطاقه(e) ودبدوب صغير:o على شكل ميداليه حطيتهم في جيبه وهو مغمض وقلت له اذا طلعت شوفهم الحركه هذه بس حسستني ان فرح مرررررررررره فما بالش بالي مكتوب داخل (a)


كنت كاتبه في الكرت انه كرت عزيمه على (حمام -مساج-عشا-ليله رومانسيه)طبعا بطريقه حلوه

وحددت وقت الحضور وكان قدامي ساعتين ونص (o)

جهزت فيها الحمام من شموع وسله فيها عدة تنظيف الاقدام وشاور جل وتحتها ورد مجفف (w)(f)

طبعا قبل لا يدخل البيت طفيت انوار الحمام الله يعزكم وخليت الشموع اللي تهبل مره والبانيو عبيته ماي دافي ورغوه وملح الكاميليا اللي يشيل التعب
(i)
والغرفه نسقتها بشكل حلو ومرتب وجهزت سله ثانيه حق المساج وجنبها شموع وطبعا بعد الشاور وتنظيف القدم طلع للغرفه وسويته المساج وكنت وقتها لابسه لبس الممرضه :wink:

شفت البسمه ما فارقته والله وطول الوقت يتشكرني ويبوس الايادي اللي سوت له هذا كله :D

وبعد ما استرخى قلت له انت اذا رحت وطلبت من المطعم كم ياخذ ويجيب لك الطلب

قالي حدود ثلث ساعه (o)

وفي ثلث ساعه جهزت الطاوله و ولعت الشموع وحطيت كل شي بشكل مرتب وجبنه بعدين عشان يتعشى(c)(^) وفرشت المنديل على رجله يعني عاملته كانه في منتجع :15:

( سبا - مساج-عشا -وليله من احلى اليالي )

تقدري تقتبسي اللي سويته كله حلال عليش

بس الله يعينش كان وقتي مرررررررررره ضيق وسويت 3 اطباق بالاضافه الى غسل الصحون وتجهيز نفسي وتجهيز الحمام وقاع الطعام

تقدرين اتسويله جلسه بدي كير .. انا شاريه جهاز التدليك

السكراب والكريمات من بدي شوب .. والادوات متوفره في كل مكان.. وفكره المساج بعد وايد نايس ..

سوي كامبينج بالبيت وباربكيو

فكرة صاحبة السمو الملكي وايد حلوة

اسمحى لى ياصاحبهـ السمو الملكى باخذ فكرتك .. لان عيد ميلاد زوجى قريب .. وبسويها لهـ...

ماشاء الله عليكم .. يابنات ..

فكرة صاحبة السمو الملكي وايد حلوة

عيونك الحلوه يسعدني انها عجبتش

اسمحى لى ياصاحبهـ السمو الملكى باخذ فكرتك .. لان عيد ميلاد زوجى قريب .. وبسويها لهـ...

ماشاء الله عليكم .. يابنات ..

حلالش يالغلا واي مساعده انا حاضره

اي والله ماشاء الله افكار حلوه وايييد
تقدرين تحجزين لج يوم بفندق كتغير اذا كان في مناسبه تحزين طاوله بالمطعم الي بالفندق او تزهبين كيكه او الهديه عند الجرسون
طبعا اول مايدخل البيت مايلاقيج تبعثيل له مسج حياك بعنوان الفندق او رقم الغرفه
او عقب تسوين نفس طريقه ام بدر الغاليه تزهبين الشور او الباث او تكونين مزينه الغرفه مع الحمام عزكم الله
او عقب تنزلون العشى بعد ماياكل يجي الجرسون يجيب الكيكه او عقبها الهديه
يعني فكره بسيطه