انا في هم وحيره ابغى حل ؟؟ادخلو وساعدوني رجاء!!!

السلام عليكم...........
صراحه انا اول مره أكتب في المنتدى اتمنى تساعدوني_
مشكلتي مع وحده قريبه لي ومن يوم كنا صغار وإحنا صديقات بشكل ماتتخيلون!اهي تزوجت قبلي بثلاث سنوات تقريبا"
بعدها انخطبت انا _في فترة خطوبتي صار بيني وبينها مشكله هجرنا بعض_في نفس الوقت انا تملكت ولا خبرتها ولاعزمتها لأني كنت زعلانه _بعدها بفتره تراضينا لكن كانت حازه في نفسها اني ماعزمتها!
بعدها تزوجت انالكن ماتحمست معي بزواجي ابدا"
لدرجة صارت ماتعلمني بأسرارها وحتى طلعاتها ماتناديني معها وحتى اجتماعنا صارت ماتجي فيه وصارت تجتمع بغيرنا" مكالمتنا في التلفون قلت_وإذا شفتها نسولف عادي لكن ببرود!
بعدها صرنا مانكلم بعض ابد ورجعنا هجرنا بعض! لمدة سنه......
جت وحده من قريباتي وحاولت تراضينا ورضينا بعد فتره وصلني كلام يقهر اهي قالته عني؟ زعلت قوه وتركتها بدون مواجهه......
بعدها بخمسة اشهر ارسلت رسال إعتذار*وقالت انها بتسافر بعيد لمدة سنه~ودها تزورني تسلم قبل السفر .....
صراحه ضاق صدري حيل وطبعا" بسرعه رضيت
يمكن لأني أحبها وماقدرت انسى صداقتنا"
وكنت انتظر زيارتها لي بفارغ صبري!
لكن أتفاجأ انها سافرت بدون ماتزورني ولا حتى تخبرني بسفرها"
أرسلت لها رسالة عتاب ولاردت؟
دقيت وبررت انها حزينه انها بتسافر ولاقدرت تودع احد"
‏(وغير كذا قالت ان أحنا يبغالنا جلسه عشان نصفي النفوس لأني أحس اني مارضيت مره)
صراحه صدمني ردها لاني انا بالعكس رضيت بسرعه ومسحت كل اللي في قلبي عليها!
وماتوقعت ان بعد رسالة الإعتذار اللي ارسلتها لي يكون باقي بقلبها شي علي؟

انا عارفه اني طولت عليكم لكن حبيت اكتب السالفه بالتفصيل عشان تعيشون الوضع وتردون علي؟هل ارجع لها او لا!!!!!!!!!!!!!
الله يخليكم اتمنى تساعدوني لاني في هم وحيره مايعلم فيها إلا الله**