ابغي اعرف سر الاماراتيات الي خبلوبي ..مين تعلمني

مافي شي أحلى من الريحة الحلوه والطيب

أنا كل يوم كل يوم كل يوم لازم شي أساسي أسوي دخون وأتعطر

بس طبعاً في البيت مش لما أطلع

أو أذا زرت أحد من أهلنا

أو إذا رحت زيارة لأحد أو عرس

استخدم عود كمبودي من أجمل

وبخور اسمه جميرا من محل ياس للعطور ريحته رهييييييييييبه

فيه بعد عود مبخر جاهز في علب يبيعونه في أجمل للعطور بعد ريحته تخبل وتثبت في الشيل والعبايات

بعد شو بعد شوه؟؟؟


بعد عطر عود الشمس و مخلط الشمس ريحتهم رهيبة رهيبة رهيبة
وسعره 160 درهم بس تكفيج 3 رشات تشيل الغرفة شيل
ولما تمرين الكل يلاحظ (أهلج اللي في البيت طبعاً لا ترشين قبل لا تطلعين برا البيت)
ورشي منه قبل لا تنامين ،،،،، يا سلام أحلام رومانسية

ان شاء الله إذا تذكرت شي بعد بقول

والأغلب استخدم الدخون المعمول في البيوت اللي ينباع في القرية والمعارض

اتمنى اني اكون افدتكم

هلا حبيبتي وهلا بكل من طرا أهل الإمارات
وجان استانس ، ما في سر ولا شي القصة وما فيها ان اغلب الدخون والعطور عندنا تكون مصنوعة في البيت يعني عندنا حريم ما شاء الله الدخون والعود المعطر اللي يسونه رووووووووووعة واسعارهم مناسبة ومثل ما قالت الأخت نحن ما نخلي شي ما نعطره وندخنه يعني العباة والشيلة والشعر والملابس وبعدين نحن لم نتدخن مو بس مرة وحدة يعني تبين تطلعين باجر بليل قبل ما انام أدخن عباتي وملابسي وبالباجر بعد مرة ثانية بدخنهم وطبعا برش عليهممن هالخلطات الغاوية والعطور الفرنسية وإذا بغيت أطلع مرة ثاني بعد برجع أدخن ملابسي علشان الريحة أظل معاي فترة أطول

ربي ايوفقكم

تسلمون والله كلكم ذوق

اذا كان عندكم طرق نعمل فيها البخور قولو لنا

مشكورييييين يا عرايس استفدنا منكم واااااايد بارك الله فيكم

والله جان إستانس خجلتونا يا جماعة

المهم شوفي مثل ما قالوا البنات اول الدخون بعدين العطر العربي او الفرنسي بس المعظم عربي

تدخنين وإنتي تدخنين رشي العطر على عباتج طبعا وإنتي لابستنها وعلى ثيابج عن نفسي أنا واعوذ بالله من كلمة أنا مدرسة فآخذ راحتي في العطور والدخون
المهم في البداية بتحسين إنها قوية بس مع الوقت تخف وتطلع جنااااان المهم وفي بعد شيء

وها بعضهم ومادري كل البنات اللي اعرفهم يسوون ها الحركة خصوصا في الصيف لو مت تبا تتعطر تحط دهن عود على جسمها عقب ما تاخذ دش وتلبس ثيابها وتكتفي بعطر خفيف وهي طالعة تعالي آخر الدوام طبعا الواحد يعرق أوكي بس آخر الدوام تطلع ريحت دهن العود يااااااااااااويل حالي تحطيم ريحة دهن عود بس باااردة ورقيقة لأنها من الصباح وفوقها الثياب فتخف ومع الوقت ولو " الاخت نشمية الخبيرة " ولا أقول بلاها نطلع برع الموضوع

صباااح الخير حبيباتي:15:

ممكن بنااات الامارات تدلوني على وحدة تبيع دخون بس يكون شي غاااوي ولو تكون الحرمة في ابوظبي أو دبي يكون احسن لاني بصراحة حابة اني افتح لي بوتيك وسامعة عن دخون الامارات فحابه اني اشتري لي كمية حق المحل


ومشكوررررين

حسب نوع الدخون او العود..

في انواع من الدخون والعود ريحتها مب حلوه...

عسب جي اختاري الريحه الحلوه الي تعيبج وتتدخني وتعطري انا اتعطر بعطر فرنسي عسب الريحه تكون خفيفه على الدخون ما اتعطر بعطر عربي...

والعود احاول استخدم وياه عمبر عسب الريحه تستوي جنان هاي الطريقه ريلي معلمني...

نفس ما قالولج الخوات وما عندي شي أزيده

تسلمون يابنات الأمارات وموبس ريحتكم طيبه حتى قلوبكم طيبه وعليكم بألف عافيه ونبي المزيد من الأخت شمسه المهيري الله يعطيها الصحه والعافيه

السلام عليكم ورحمة الله

عزيزتى خالف تعرف

بصراحه لكل بلد لها ذوق فى كيفية عمل الدخون

وفى الامارات التميز الوحيد فى الدخون استخدام الانواع الممتازه فة عمل الدخون ومنها

عود الخشب الاصلى

دهن العود الاصلى

والخلطات العربيه الممتازه

ويتم تخمير البخور مده معينه لكى يتشرب خشب العود العطور

وهذا السر الضائع عن الجميع

ثانيا اذا حابه بخور يوجد عندى بخور صناعة منزليه ويجن ويهبل وراح تركضين ورا ريحتج ههههههههههههههه
اتغشمر
البخور المتميز جدا بخور بيت الفراشه

البخور الهادى والمركز بخور ام الامارات

البخور الفواح بخور مدلل

والبخور المتميز بخور دانة الدنيا

والبخور الغاوى بخزر غلا زايد

فوق كل هذا يوجد عندى عطور مركبه تركيب خاص لكل نوع من انواع البخور

اختكم فى الله papion

انا اقووووووووول جي ..

ههههههههههههههههههههههههههههههههههه المدرسات في المدرسة و يوم أزور حد .. والا وانا طالعه مركز شي جي .. ألاقيهم يزحفون وراي واللي في المدرسة الله لا يراويكم .. شو شو يقولون عني .. انتي راحتج فايحة وين ما تسيرين وتخلين ريحتج في المكان اللي طلعتي منه .. واتم الريحة طول اليوم ما تخوز ..


السر حبيبــتي لا تخبريـن حد ههههههههههههههههههههههههههههه ...

انا طبعا أستخدم عطور أجمل + الرصاصي .. وطبعا .. احب العطور اللي ريحتها باردة وخفيفة .. وحتى الدخون .. الريحة الباردة والخفيفه حلوه واتم عالقه ما تروح ..

بس انا ما توقعت بسبت خلطتي السرية .. اتكون ريحتي فايحه .. وخصه في الاماكن العامه لان حرام في رياييل ..


الخلطه السرية ..

طبعا أبلل جسمي بالماي .. واتنشف .. والماي شرط يكون ( دافئ ) ..
بعدين أسير حجرتي واقفل الباب علي >>>> عشان خواتي ما يكتشفون السر .. خخخخخخخ

و آخذ المسك الأصفر أو الأبيض حسب الرغبة .. وأمسح على رقبتي بشكل دوائر .. و تحت الابط بس بشكل خفيف .. وبين النهدين .. ( الصدر ) ...

بعدين البس اللي ابغيه .. وآخذ عطري أو دخوني .. أول شي أدّخن .. طبعا مو أحط المدخت تحتي لالالالا ..

أعلق الملابس اللي ابغيها واخلي المدخن تحتها فترة .. وعقب ألبس وآخذ الدخون امرره عليّ ..

عقب آخذ عطري .. واقرب ما أروح بعييييييييييييييييييد ( غباء أصلا .. اللي تتعطر من بعيد اون الريحة تثبت >< )الريحة اتطير بسرعه في الهوا لان العطر مكون من جزيئات متطايرة .. لما ترشينها قريب منج تكوون بشكل قطرات سائل .. فتبقى ثابته على الملابس ..

وجي أكون خلصت .. وكشخت وجاااااااهزة للطلعه .. هههههههههههههههههههههههههههههههه


<<<<<<<<<<<<<<<<<<<<<<<<<<<<<<<<<<<<<<< اذا تبين ادوخين ريلج جربيها وادعوا لي ^_*

ياليييييييييييييييييييييييييييييييييييييييييييييييييييييييييييت اقدر اعرف اسمائها بضبط

نفس ماقالن خواتي كفن ووفن ..

فديت اهل الامارات والله عاد معاي وحده بالكليه اماراتيه عسوله شحلاتها و انا شخصيا اعشق كل الخليجين كلنا لنا عادات وحده و نتشابه في الزي الوطن و قديما كنا دوله وحده يسمونها الخليج العربي

مشكورات اخواتي العزيزات على المعلومات الروعة

بس انا جرب كل إلي قلتوه وبعد ريحة الدخون ما تثبت واحس انها عاديه ما عدا اني اشتري من النوع الغالي والراقي

لو وحدة عندها فكرة ليش تفيدنا

الله يعطيكم العافية

ررررررررررروعة ربي ايوفقج

شكرا على الموضوع الرائع

شمسه حبيبتي ترى احنا في انتظارج

لا تتاخرين علينا

مع حبي

حتى بالسعوديه نعطر بيوتنا وندخنها يوميا موشرط بيجي ضيوف انا يوميا اعطر بيتي والكبت
وغرفة نومي

مااحس البيت نظيف الا لمن أدخنهـ