مشكلتي .....هل من حلول ؟؟؟

أريج البنفسج;5073001:
عندي لك فكره

أريج البنفسج;5073001:

اول ما يجي عندك لا تقولين له بدل ملابسك قولي له روح خذ لك شاور والبس على ما يجهز الأكل وكوني مجهزه له ملابس نظيفه ومعطره وجهزي الحمام وحطي له مجموعة استحمام كامله من بودي شوب بليفتهم عند الباب هديه له وحطي له بطاقه عالهديه واكتبي فيها خذ راحتك بالشاور الغدا بيطول على ما يجهز

المهم اذا عرفتي انه دخل على طول روحي له ودقي الباب واعرضي خدماتك بس طبعا لمن يكون الأكل خلص او قرب يخلص المهم انتبهي لا يحترق

إذا شفتي انه ماأخذ الشاور جل معاه اعطيه وقولي بما اني حامل فأي ريحه احس فيها وماابي ااشم ريحة العرق منك واتضايق منك وهذا الصابون طبيعي اعرف انك ما تحب الصابون لأن فيه مواد كيميائيه فرحت شريت المجموعه هذي لعيونك عشان ماتشيل هم

وقولي له خذ راحتك عالآخر انبسط بالشاور والهديه الغدا بعد بيطول

وروحي وخليه هو وضميره واذا حسيتي انه مابيسوي شي روحي له وافركيه انتي على اساس تدلعينه
واذا سوى كذا وشفتي الريحه حلوه الصقي فيه واحضنيه وسوي اللي يبه وكمان لا تنسين المسواك وحاولي معاه بالمعجون عاد هذي ما اعرف كيف
بس خذي له غسول للفم انا ما كنت استخدمه بس مره رحت للدكتور وكتبي لي على واحد ماحس انه يسوي شي وخلص اخذت واحد ثاني ماركه ثانيه وخذيت بالنعناع يحرق الفم بس تحسين بالنظافه والإنتعاش صح اعطيه يجربه دقيقه وبس وقولي له يحرق الفم بس ينظفه من البكتيريا اللي تخرب الأسنان والتسوسبس طبعا بعد ما ياخذه بفمه


والله يهديه ويارب ينفع معه واذا ما نفع معه ما لك إلا تقولينها له صريحه ماني طايقه ريحتك روح اتروش بالصابون وغسل فمك

تحياتي

فكرة رائعه تسلمين

وينك بشرينا ايش صار جديد معك

قولي له كل ماشم ريحه مو بزينه بررررررررررررررجع وهو يفهمها

اذا واجهتيه وقلتي له مااظن انو راح يزعل لان هو اكيد عاارف نفسه فماافي دااعي للزعل

ممكن ترووحي لبوودي شووي ونااخذين له مجموعه مستحضراات العناايه بالجسم الرجااليه تكوون ماافي مواد كيميائيه وتقووليه انو اللحين ماافي عذر لعدم النظاافه
اما عن الشعر جيبي له كريم نير عشاان يكون سريع .

الله يكوون في عونك

نفس حكاية صديقتي ولله مسكينة تحكيلي لين مااقامت كبدي ودي ارجع احسن شي صرحية وانتي حاولي فية وشجعية وزهبيلة الحمام وحطية بالامر الواقع

مثل ما قالت لج الاخت اريج البنفسج انتي دخلي معاه الحمام ودلعيه ويازعم تسوين له مساج وانتي دلكيه وفركيه بالصابون اللي تحبينه وعن الريحه انتي تقولين حامل صح والحامل تتوحم انتي قولي له انه الحامل تصير حاسة الشم عندها قويه وانه انتي تشمين ريحه خايسه يعني كله من الوحام يمكن يحس ويغسل اسنانه .

Noor1979;5069257:
السلام عليكم ورحمه الله وبركاته ..

حقيقه شر البليه ما يضحك ... انا بدش لج بالحلول ...

اول شي .. اختي في مستحضرات من كلينك .. والبادي شوب .. لا تدخل فيها اي مواد كميائيه ...

وهي مصنوعه من المواد الطبيعيه ... والاعشاب .. وسوي له دعايه وخليه يروح معاج ويسمع كلام الحرمه او الريال .. ان هالمواد طبيعيه مئه بالمئه ...

بالنسبه لشعر العانه اختي .. ( ممكن انتي تقدمين خدماتك .. وانتي الي شيليها له .. )
او استخدمي كريم نير .. وانتي الي سويها له .... بس الحمدالله ان يغسلها بماي ؟!


طيب معجون الاسنان .. عطيه السواك .... بسوي لج حل ....... وبينفعج .. احسن من معجون الاسنان واطيب رائحه ... وعطيه علكه اكسترا ينظف .. الحلج بعد ..


الشي الاخير .. اختي في امور الصراحه واجبه فيه .. انا كنت استحي اول .. بس لمه شفت زوجي يسوي بعض الاشياء مثل يدخل البيت علي وينسى يغسل رجله .... ويبقع الحمام ... او احيانا يدش معرق ويطالع التلفزيون وبعد ما ينشف العرق يروح يتسبح ....

كنت وايد صريحه بالشي هذا معاه .... وبالعكس ما زعل .. ولا انبسط .. بس حس على نفسه ... وخلاص صار يتسبح اول ما يدش .....

وقولي له ... انت تبيني الصق فيك .. يعني ما تدري ان الرسول عليه الصلاه والسلام وصى وقال النظافه من الايمان .. ما تبي مواد كميائيه ياخي استخدم السواك .. ( لو زعل .. ) ما بتصير مشكله عوده بس بالاخير بيفهم ...

صدقيني الصراحه .. اهم شي ...


تحياتي
أم جنى ...

خواتي العزيزات ...........الف مليووووووووووووووووووووون شكر لكل وحدة فيكم تفاعلت مع موضوعي وعطتني نصايح واااااااااااااااااااااااااااااااايد ............

والله كنت قبل ما احمل انطره لين يجي من الدوام وازهب له الحمام واترس البانيو ماااااااي وصابون من الي ريحته تجنن وتخبل عشان ما يكون عنده عذر ما يتسبح ...........وعلى قولت بعض الخوات ادش وياه وافركه من حرتي هههههههههههههه بس يا خواتي انا الحين بطني جدامي ما شاء الله ويالله اتحرك واكثر من خمس مرات بغيت ازلق بالبانيو واهوا ما فيه صابون بعد يكون فيه صابون والله خايفة على عمري ..........اهوا انتهز الفرصة اني ما صرت اسوي له مثل اول وبطل يستحما !!!!!!! وكنت احط له شموووع وجز رومانسي بالحمام بس والله الحين مع الثقل مو قادرة انا اترك المفروض يراعي شوي شعوري وتحسسي تجاه الريحة آآآآآآآآآآآآآآآه بس ..!!!!!!

والله صار لي اسبوع تلوووووع جبدي من كل شي بالبيت وهوا اكثر شي تلووووووووووع جبدي قمت انخش بالحمام عشان ما ابيه يجي صوبي ..!!!!!! بس قلت هذا مو حل هالخش هذا ..........اش سويت ....اسم جا لقاني بالحمام قلت يمكن الفت نظره انه يتسبح وطوللللت شوي قلت عشان يدش الحمام الثاني الله يكرمكم ويتسبح ....المهم نزلت وحطيت بخور وتبخرت وبخرت هدومي المهم ريحتي فل الفل ..........ولا الاقيه قاعد عالكمبيوتر وانا عبالي يتسبح قلت له بدلع قوم خذ لك شور بدل هدومك على ما ازهب العشا ............شنو رد علي ؟؟؟؟ حطي العشا الحين ...!!!! يعني بقوات عين ما ابي اتسبح ..........والله انا مت من القهر ساعتها .........

اليوم من يوم صحيت الصبح وانا خلاص جبدي لاااااااااااااااااااااااااااااااااااااااااااااااايعة على الاخر وموقادرة جد اني اشم ريحته عاااد كنت معصببببببببببة من داخل قلبي دشيت انا تسبحت الاول وحطيت دهن العود وملابس عندي مبخرة بذاك البخور لبستها و قلت له بهدوء ..........الله اش رايك تقوم الحين تاخذ شور حلووو ودافي وتتسبح السبوحة اللي اهيا ويا ريت تحلق لحيتك وغيره وغيره وابتسمت وغمزت بعيني لعل وعسى يعرف قصدي شنو اهوا فاهم بس بيستعبط ...............سوا مثل اليهال انا شفته دش الحمام بغيت ايبب ........ ولا يطلع مثل ما دش بس تسبح بماي ......... !!!!!!!!!!!!!!!!!!!!!!!!!والريحة مثل ما اهي انا اهنيه خلاص ولللللللللللللللللللللللللللللعت بغيت اصيح وانفجر وركضت للحمام لانه لاعت جبدي وبغيت ارجع ساعتها ..........والله تعبت معاه انا لو صحتي تخليني والله لجره جر للحمام وافركه بالليفة فرك اليهد ..........بس ما اقدر انحني كثير هاليومين ...............ويالله اشيل نفسي واتحرك بشويش ...الحمدلله والشكر .....

ابي اليوم صراحة اقوله على بلاطة يحلق كل شي بس ابيكم تساعدوني كيف اقوله هالشي وبطريقة ما تجرح شعوره الله يخليكم ...................وبالنسبة لنير ما يحب هالمواد الكيماوية مثل ما قلت لكم بالصوابين بعد هالمرة كريم ازالة شعر ..!!!!! والله لو شنو ما راح يستخدمه لو انقز السما وارد الارض ..........حتى بموس انا راضية بس المهم يشيل يا جماعة .............سامحوني يمكن لوعت جبودكم بس والله حيرني هالريال وما ادري شسوي معاه ..........عسى الله يهدي ريايلكم وما في وحدة تنحط بهالموقف ان شاء الله ..........

منتظرة ردودكم ...............وبحاول بلطف واذا ما نفع بنفجر واللي يصير يصير ............الله يهداه

انا لسه متجوزتش صراحه عشان افيدك بس ربنا يعينك
المشكله انها فى اغلب الحالات طبع ......... بيتغير ممكن بس مع الوقت
انتى لما يجى من برره وعرقان قوليله ادخل خد شاور بتاعك واستحم
مينفعش تلبس على العرق كده عشان الامراض
كمان المهم فى الصابون يكون ينقى من البكتيريا لانها هى اللى بتسبب روائح مع البكتيريا ... مش بتشوفى اعلان ديتول وغيرها ههههههههه.........
حبيبتى ده جوزك لازم تلفتى نظره عشان محدش يجيب الغلط عليكى انتى لو لاقوا منه اهمال فى نظافته ومظهره مثلا........

اسمحيلي اختي بس ما بتحمل ها الشي و بقوله .. الواحد كم بيتحمل !!!

في محلات اتبيع صوابين طبيعيه تقدرين تاخذين له بكج كامل ..


من شب على شي شاب عليه ..




الله يسهل امورج ..