صديقتي وريلي

حرم الشيخ;5065782:
اختي الحين الحين
تتصلين فيهااا تقولين لهااا
سمعي يابنت النااس
انتي صديقتي مو صديقت ريلي
واتمنى اني ماشوف رقمج في جوال ريلي
انا اغار وماحب هالشئ يصير مره ثانيه
واذا تحبين تكون ربع خليناا نحترم صدقتناا
واذا بتزعل وايد احسن
بس خلي عينج عليهااا
؟؟!!
وقولي حق ريلج
لو سمحت يابو.. لاترد عليهاا لانك تقلل من حاتراامي لوسمحت
وبس
هاي لو اناا كنت مكاااانج
اذا خايفه على زعلهم
ليش هم ماحطو لج اعتبار حق احساسج؟؟
لو مره؟؟

انا مع راي الاخت

عزيزتي عندي الحل قولي لريلج هذا التصرف يضايقني وانا ماعدت اعتبرها صديقه لجرائتها وقولي اذا تحبني صدق لاترد على اتصالها ابد وقولي لها من باب المزح علشان ماتتعادا لج قولي لها زوجي يتضايق من اتصالاتج له وينحرج ويقول ليش ماتدق عليج وهي رفيجتج وبصراحه احرجني وهي يمكن تستحي وتهون
والله يسخره لج ويوفق بينكم

سررررررررررررررررررررررررررريع اختي اتصلي عليها وهزئيها ووقفيها عند حدها هاااااااااااااااااااااي لو صديقتك من صدق ماتسوي فيتش شذي انتبهي على ريلك بدايتها مززززززززززززززززززززح وبعدين تقلب جد اذا شااااااااافتك ضعيفه وساكته وااااااااااااااااااااااي منهم خرابات البيوت العمرانه

حبيبتي لو خجلانه تكلمييينها اوكي كلمي ريلج
وقولي له ان كلااامه مع صديقتج يضااايقج وايد وانه هالتصرف يجرحك بعد
لو رد عليها وكلمها خلااااص ماراح تثقين فيه مره ثانيه وطلبي منه انه مايرد عليهااا ابد
وهي بتحاول وهو يطنش مايرد لين تتفشل ...

يمكن لو كلمتيها تعاااند وتكلمه غصب من وراج اعرف حركات البناات وخاصه لو دش راسها
فانتي احسن شي كلمي ريلج وجبريه انه مايرد عليها والا بيكون لج تصرف ثاني ...


لا تسكتين عن حقج...

بصراحه اختي الغاليه انه مستغربه من سكوتج للحين! يعني لازم تقطعين علاقتج فيها بس قبل ماتبدين باي خطوه فهميها وقولي لها انه كلامها مع زوجج وتلفوناتها له حررااام وثاني شي عيب وفهميها تلزم احدودها وما اتقط روحها على ريايل الناس

:16:

alghareeba77;5065713:
بنات بليز ساعوني مشكلتي صديقتي تغازل ريلي............عندي صديقه اعرفها من قبل مااتزوج وان احين لي 3 سنين متزوجه وهي بعدها الله ماكتب لها فكانت على اتصال بى وريلي من النوع الي واااااااااااايد اجتماعي يحب وايد يسولف ويغازل البنات اونه عاد يتغشمر.... فيسولف ويها احيانا واستوت معجبه فيه حده ودوم تقول لي الله يرزقني بريل شراته وابو الشباب يستانس عاد.. المهم الحبيبه استوت دوم تتصل بس مو علشاني علشانه وانا مب حابه ابين لا له ولا الها القهر الي فيني .... ولا لما عرفت رقمه صارت بس تتصل عليه وقت الدوام ولا حتى تدق عليه وهو اونه عاد وفي من يرد البيت يخبرني وان مو قصده شى هي تتصل وهو يرد وانا بامووووووووووووووت من القهر بس مابين له شى ؟؟؟؟اوني واثقه من عمريوالبنت هدي ماتستحي يوميا اتصالات
بنات بليييييييز ساعزني شو اسوي اطنش والا لازم حل؟؟؟؟؟

الحل جدا بسيط ....

ما دام و الحمد لله يخبرش بأنها تتصل يعني عيني عليه بارده مو راضي بتصرفاتها و بالتالي ما يخليش على عمى بأنها تتصل اليه لكن صديقتش قليلة حية و مخليتنش على عمى بأنها تتصل الى زوجش و تحملي ياما بنات خطفوا أزواج صديقاتهن :16:
و الحل أما أنه يغير رقمة الى رقم جديد و يخبر بس المقربين اليه بهالرقم أو أنش تتبادلين وياه بتلفوناتكم و لما تتصل تردين عليها و تقولين اليها كل اليي في قلبش و خلها تطلع من حياتكم

اعرف وحدة من الصديقات زوجها نفس زوجك انتي تتكلمين كلاانها هية المهم لمى تضايقت وزعلت قالت لصديقتها الي هية معتبرة انها صديقتها والله العظيم صارت تتصل وتقوله امااااااااانه لاتعلم زوجتك هية صديقتي واخاف انها تزعل مني ووووو ومن هالكلام الرجال استانس وصارت على هالمنوال اليييين ربي كشف زوجها لانه ادمن صوتها ولمى صارحته زوجته ليش الين الحين تكلمها قالها اتصل اهزءها الحثين واقسم بالله انهم طلعو كذابين صارو يتفقون انها تتصل ويرد قدام زوجته ويرفع السماعة عشان تسمع زوجته يهزءها ووو


والله الحين مطلقة وعندها عيال واتزوج وحدة ثانية وبرضو تكلمة ادماااااااااااااااان

والشيطان شاطر واوامر الله بالحلال والحرام بينه والله المستعان

أخــتي حطي حق هذا الموضوع حد وحددود

ما شاء الله عليج اختي ...

لا وساكته عنها .. وغير هذا انتي خجووولة !!!!! الخجل في شو بينفعج عقب ؟؟ تبين تروحين عرسهم وعقب

خجلج بينفعج .. يا بابا انتي عل البر وقفيها عند حدها ولا رمسي حد من اهلها واصلا اللي من هل النوع ما ينعطى ويه تخطط من تحت لي تحت وعادي يومين ولا ثلاث يسمعون صوت بعض وكل واحد يعجب بشخصية الثاني وما يقدر يستغني عن الثاني وانتي قولي ساعتها انا خجوله .... تحركي اشوي

المسج ما بيسوي شي بالعكس بتقول حق ريلج وعادي ايي البيت وينجلب عليج ويطلعج انتي الغالطانه فكري اشوي واشتري بيتج وريلج واذا انتي مستغنية عنهم خلاص اسكتي وارضي باللي اتسويه اربيعتج بس عقب لا تندمين عل اللي بيصير اوكي

معااااااا الاخت حرم الشيخ100%

اختي وليه ماتبينين غيرتك؟؟؟؟؟؟؟؟؟؟؟؟؟

اصلا الطبيعي ان الحرمة تغير على زوجها..ليه انتي غير عن الحريم؟؟؟

اصلا لو ماغرتي زوجك بيشوف هالشي نقص فيك وانك عديمة احساس يعني ماراح يقول ساكتة علشان كرامتها الا بيقول بااااااااردة وماتحس أو مغفلة..لأن كل شي له حد ..وانتي سكوتك مو معقول الا انك مغفلة او متبلدة ماتغيرين وهذا اللي بيفسره زوجك من سكوتك وصديقتك بعد وهذا اللي بيخليهم يتمادون..

يمكن انا قاسية معاك لكن لمصلحتك

لا صج وليش هامه نفسج جان خليتي السالفة تكبر وتدش البنت في باله ويتزوجها بعدين فكري في الموضوع


الصراحة الغلط كله منج أنتي اللي كبرتي ريلج في عينها وكبرتيها في عين ريلج

والحل بيدج وأنا بقول لج اش راح اسوي لو أنا مكانج

انتظرها تتصل وبكلمها وبقول لها ترى بيتي يتعذرج وصداقتج أنا عايفتها والسبب أنتي أخبر به مني

وإن حاججتج ليش وما ليش الجواب حاضر عندج وإلا بتقولين أستحي أقول؟؟؟

ويودي ريلج وتفاهمي معاه على هالموضوع وقولي له أن هالسالفة طارت وتشمخت ومو يايزه لي كلش وحتى أنها ما ترضي رب العالمين يعني ترضى السالفة اللي صارت لك تصير لي مع صديقك، وأنا ساكته كل هالفتره عشان أشوف أنته اش راح تتصرف معاها لكن للأسف ما كنت أتوقع أنك بتتعامل مع الموضوع بهذي الطريقة.

وشوفي رده شنو راح يكون، أن حط عليج اللوم، فياويلج من اللي في باله

وأن تأسف لج الحمد لله ناوي يتغير الريال

الله المستعان على جوابه

خاويني واخاويك واخذ رجلك واخليك



ان شاء الله إذا واجهتيها تبتعد عن ريلج ...وإذا ما واجهتيها وخليتيها على كيفها تاخذه منج
خليج جذيه مثل المدمغات ....عنبو تاخذ ريلج وانتي ساكته خلي حياج ينفعج يوم
انتي تستحين وخجوله ...ازعليه عليه وبيني له انه هالشي ما يعيبج
حبيبتي اهوا اليوم عرف انه هالشي عادي عندج ..وهو يوم يخبرج انها اتصلت يبا يشوفج تغارين ولا
لاء وانتي خبر خير.....اليوم ويا ربيعتج ...حتى لو ماخذها باجر ويا غيرها لو قص عليه الشيطان ..

تحركي اشوف...بلا دلع بلا خجل...غاري زعلي كسري الدنيا كسري غرفتج ...<<<حرام لا تسوين جيه
مخسرين عليهن بيزات..

قطاف;5069981:
لا صج وليش هامه نفسج جان خليتي السالفة تكبر وتدش البنت في باله ويتزوجها بعدين فكري في الموضوع


الصراحة الغلط كله منج أنتي اللي كبرتي ريلج في عينها وكبرتيها في عين ريلج

والحل بيدج وأنا بقول لج اش راح اسوي لو أنا مكانج

انتظرها تتصل وبكلمها وبقول لها ترى بيتي يتعذرج وصداقتج أنا عايفتها والسبب أنتي أخبر به مني

وإن حاججتج ليش وما ليش الجواب حاضر عندج وإلا بتقولين أستحي أقول؟؟؟

ويودي ريلج وتفاهمي معاه على هالموضوع وقولي له أن هالسالفة طارت وتشمخت ومو يايزه لي كلش وحتى أنها ما ترضي رب العالمين يعني ترضى السالفة اللي صارت لك تصير لي مع صديقك، وأنا ساكته كل هالفتره عشان أشوف أنته اش راح تتصرف معاها لكن للأسف ما كنت أتوقع أنك بتتعامل مع الموضوع بهذي الطريقة.

وشوفي رده شنو راح يكون، أن حط عليج اللوم، فياويلج من اللي في باله

وأن تأسف لج الحمد لله ناوي يتغير الريال

الله المستعان على جوابه

ماقصرو البنات معاج ,, والاخت قطاف .. قالت لج هالشي ... وشكلها عينها قويه وزوجك عطاها مجال .. ممكن تتفادين هالمشكله بمصارحه زوجك ... وتغيير رقمه . وحصره في عدم معرفتها فيه ..

اظن البنات قالو لج الحياء مطلوب أكيييييييييد
لكن تجي وحده وانا اعتبرها صديقتي وتكلم زوجي والله ما أسكت واخسر
صداقتي معاها عشان زوجي والرجل يحب الزوجه اللى تغار عليه واكيد هم
يتكلمون عليج يقولون انج ما تغارين ما تفرق عندج بدليل تروحين تقولين لزوجك
ان صديقتك تبي تتزوج واحد مثله هني الزوج يحس باهميته وانه مرغوب من الجنس الناعم
وتكبر براسه الفكره ويبي يسولف معاها مادام هي ماراعت حدود الصداقه اذ ما تقدرين تكلمينها
بيني ليه بالبدايه انج متضايقه وحاولي تهدين اعصابج وتتكلمين بدون خوف وان هذا حقج
وهذا زوجك ومن حقك تخافين على علاقتكم الزوجيه بعدين لوحس باهتمامها ممكن يروح ليها
ويتركج لالالالالالالالالالالالالالالالالالالالالا تقبلين بالمهانه وتعتبرين هذا خجل
هذا حق من حقوقك والله يهدي سرك ويوفقك وخبرينا بالنتايج ولاتزعلين من كلام البنات
يبون مصلحتج والله يكون بعونك

مرحبا حبيبتي موضوعج ذكرني باامثال الكل يعرفها

خاويني و أخاويج واخذ ريلج وأخليج والمثل الثاني من خل نفسه سبوس العبت به الدجاج :21_209:

اسمعي انا شفت ردود البنات واخاف البنت لين كلمتيها وقلتي لها تعصب ويصير الموضوع عناد

انتي اول شي أبتددي بريلج كرهيه شوي شوي فيها طبعا مب تروحين مره وحده وتقولين له فيها وفيها لا

مثلا سوي نفسج تكلمين وحده من ربعج جدامه وطبعا تفنني في كلمه (( لا قولي الصج ،،، صج جذي سوت ،،، والله ما تستحي ،،،، افضحت الريال ،،، يااختي هي هاي طبايعها (( واذا هي حلوه قولي )) يااختي حلا على الفاضي ومن هالحركات طبعا ريلج بيسألج شسالفه وحتى لو ما سأل انتي قولي له وانا افضل تذكرين موضوع فيه فلوس وخربي صورتها بس طبعا من غير ما توضحين له


وهي الحبيبه تعاملي معاها بأسلوب ثاني شوي اسفهيها نغزيها حسسيها انها بدت تخسرج ولو فتحت معاج الموضوع لا تستحين منها قولي لها ان ريلج من قبل قالج وهو شوي متضايق من اتصلاتها


ومعليه حبيبتي انت بتكذبين واجد بس صدقني الضرورات تبيح المحظورات :yes:


وعلى فكره اخذي ريلج وسافروا يومين واذا عندج عيال خليهم عند هلج ولا هله وطيري عقله في هاليومين واذا مارضى حجزي فندق وسوي له مفاجاه وطبعا هالله هالله بالحركات ؟؟؟؟؟؟؟ يعني بالعربي طيري عقله وسوي له كل شي يحبه او يبيه او يتخيله علشان يبتدي يفكر فيج ويتذكر هالشي


وبالتوفيق

أشلون بس تسمحين لها تتصل بزوجك أنتي لازم تقطعين علاقتك فيها لانه الندم ما ينفع بعدين هاذي شكلها ناويه على زوجك حتى لو أنتي واثقة من نفسك أنتي ما تدرين شنو يصير بينهم بعدين

مغروره بس مجبوره;5066026:
انتي الحين اش حقه اتكابرين وتسوين نفسج مو مهتمه لي متى يعني لين ينخرب بيتج وتطور العلاقه ويتزوجها؟؟

وبعدين خلي كرامتج تنفعج ؟
لا حبيبتي المفروض اتوقفينهم عند حدهم بعدين لاكثرت الاتصالات بينهم وربي ماراح يقدر يستغنى عنها

والله هالايام حتى اقرب الناس لج ما تاتمنينه بالذات الربع ذول الله يستر منهم فالاحسن الواحد يخلي علاقته مع ربعه خارج اطار الحياه الزوجيه

ورفيجتج ذي دقي عليها وقولي لها انج تدرين بالسالفه وعطيها كلام زي السم خليها تصحى وتعرف انج مو سهله اهي الحين عبالها انج نايمه ماتدرين باللي قاعد ايصير وقولي لها ان ريلج يقول لج بكل شي عشان تعرف ان ريلج اهني اقص عليها

وصراحه الله يعينج
ويا ليتتتتتتتتتت اكون فدتج

والله عين العقل ..

انا وياااااج مغروره في كل كلمه قلتهاااا ..راويهاا العين الحمرى هالاشكاال ما تيى الا بهالاسلووب ..

والله يكوون في عونج ..

السلام عليكم و رحمة الله تعالى و بركاته،

حبيبتي قلبي معاج .. أعرف البنات كلوج بكلامهم بس إنتي عارفة زين إن من قهرهم من هالبنية إللي تقابل طيبتج و أخلاقج بقلة أدبها ...

أنا بقول لج شي يناسب شخصيتج و لأن أنا عندي كل شي ممكن نقوله بس نعرف نختار الإسلوب و الوقت المناسب .. و بعد ترى الموضوع يحتاج منج حكمة إنتي إذا رحتي لزوجج و إنتي معصبة و تصرخين باجر ما بيصارحج بكل شي

من رأيي إن تقولين لزوجك إنك حسيتي في الفترة الأخيرة من هذه البنت إن كلامها معاج مو عدل كأنها ما تحترمج و مو حاطة لج أي إعتبار (و أنا ما أطلب منج تكذبين لا سمح الله بس تصرفاتها مع زوجج تدل على هالكلام إللي أقول لج قوليه) و قولي له ما أحس إنها تتعامل معاي كصديقة كأنها قاعدة تهيني و ما أحس إني مرتاحة في علاقتنا معاها

إذا سألج عن موقف محدد صار خلاج تحسين بهالشي قولي له "في مواقف وايد متجمعة على مدار الأيام الماضية بس ما في شي محدد أقدر أقول لك عنه " و قولي له بعد "كلامها معاي مو عدل و وايد من تصرفاتها مخلية قلبي منقبض منها" و طلبي منه إنه ما يستفسر منها عن أي شي و لا يحاول يصلح بينكم

و بعدين لا تردين على إتصالاتها و لا تكلمينها و إشغلي نفسك مع زوجك بأمور أخرى من تسوق أو زيارات أهل أو قضاء مشاوير أو أي شيئ و إبتعدوا عنها و بتضعف العلاقة

و بعدها في أقرب مناسبة قولي له أنا يا حبيبي واثقة من حبك و إخلاصك لي بس هالنوعية من البنات كيدهن عظيم إنت ما تعرف شنو غرضها من وراء إتصالاتها الزايدة لك .. هي لو تحتمني و تحبني و لو تعرف معنى الإخلاص ما راحت تتصنع المواقف عشان تكلمك و إنت غافل عنها ولا تدري و تجاملها على إنها صديقتي .. و إنت إذا صج تعزني و تحبني لا ترد على مكالماتها و (و أحسن لو تسون خدمة الموبايل إللي قالت لج عنها إحدى الأخوات) .. و قولي له ترى إنت قلبك طيب و تتصرف من طيبك بس ترى هي ما تستاهل هذا الطيب

أتصور بمثل هالكلام ممكن تكسبين زوجك إلى جانبك

أما هذه البنت إذا فكرت و سألتك بطريقة مباشرة عن سبب تهربك منها .. إهني عاد هبي فيها .. قولي لها أنا ما بغيت أحرجك .. بس إنتي تشوفينها عدلة و تصرف صديقة تحبني و تخاف علي إنج تكلمين زوجي مباشرة بسبب و بدون سبب .. هني عاد عرفيها حدودها و بيكون كل الحق معاج

لا تخافين منها إنتي مو محتاجتها لأنها فعلاً لو صديقة من النوع إللي ما يتعوض (على قولتهم أخت دنيا) كان ما سوت ولا تصرف من هالتصرفات إللي إنتي متأذية منها

و لا تخافين ما بتظلمينها إن شاء الله لأن فعلاً تصرفاتها بمثل إللي وصفتيه ما أعتقد إنها تتناسب مع الخلق الإسلامي و بالتالي بالعامي خلها تولي .. عيشي حياتج حبيبتي و حافظي على بيتج

و على فكرة أنا ما أعرف إذا عندج أولاد أو لا بس عموماً الوحدة من تتزوج و من بعدها يصير عندها أولاد بإذن الله لازم تتعلم تصير قوية .. غصبي على روحج و لا الدنيا بتاكلج و بتضرين نفسج و أولادك و زوجك

تمنياتي لك بالتوفيق و إن شاء الله تبشرينا عن ما قريب

البنت هذي ماتستحي..

ولاتسمينها صديقتك لانها ماتستاهل الصداقة هذي..


واتركيها احسن لك وادبيها بالطريقة اللي تشوفينها مناسبة..

وان شاء الله زوجك يرجع لك احسن من اول..

الله يوفقك خيتواا..

وادعي الله ترى الدعاء زين خاصة الثلث الاخير من الليل..

ونسيت اقولك شي مهم علمي زوجك ان هالشي اللي يسوية حرام ولا هو من عاداتنا وتقالدينا..