ملف كامل باسعار ونظام الأفراح فى فنادق مصر

roshymemo;6773555:
ايه رايكوا اللي عندوا فكرة جديدة شافها في فرح يقولها وكلنا نستفيد بيهاوانتوا عارفين كده مفاجات الافراح واللي بتخليه فرح مميز
وانا عن نفسي هبدا انا مرة في فرح ابن خالتي كان عامل الكوشة بتاعته قفص كبيييييييييييييير وفيه عصافير سكر اوي وكانت الحقيقة في الجولف سيتي وكان اوبن ايريا وماشاء الله كان جمييييل اوي

الله الله الله......... بجد جنان فكره القفص والعصافير دى تحفه ............:87457:.ياريت لو تقولى معلومات اكتر وتبعتى صور لو ممكن ومين اللى عملها صممها يعنى ونفذها واتكلفت كام وياريت تبعتيلى تليفوناته علشان بجد عايزه اصممها فى فرحى على اكتوبر انشاء الله

عاصفة الايام;6780006:
مؤمنه ................مرسيى يا جميل لمشاركتك لو تعرفى حد كويس ومضمون ياريت تقوليلى:21_140:
وبالنسبه للقيلل ايوى انا اعرف واحده هى اللى قالتللى على الفيلا اللى انشاء الله هاعمل فيها هى فى الشروق وبجد تحفه وجنان هى تعرف فيلل فى اماكن تانيه بس انا قولتلها عايزه حاجه شيك علشان الكل عندى معترض على فكره الاوبن ايريا فانا قولتلها عايزه حاجه تحدى............؟؟
رشحتلى دى علشان جديده..........وبصراحه هى تحفه وكمان كل الاوض فيها والحمامات مفتوحه معادا اوضتيين...........قصدى يعنى ممكن تستخدميهم...........يعنى تروحى انتى واهللك المقربين من الصبح اللى عايز ينام ينام واللى عايز يجهز نفسه وياخد شور وانت طبعا والكوافيره من الوقت اللى تحبيه وفيها بتاع 5 حمامات واقعدات من جوه الفيلا بصراحه عجبتنى قوى..........
وايجارها فى اليوم 3000 ده اول كلام منها لسه منغير فصال ولا حاجه اصل انا قلتلها عايزه الباكيدج على بعضها يعنى فى حدود 20.000 لل300فرد
بس برضو قلت انا ممكن اللى عايزاه الغيه منها واجيبه انا من بره.........العيب الوحيد انها تعتبر فى مكان بعيد شويه وحوليا صحراء مش عمار كتير ........بس انا قلت اتغلب على المشكله دى بانى اجيب باصين واخلى واحد عند بيتنا وواحد عند بيت العريس وممكن وقتها نحط عليه بوستر بصورتى انا والعريس:dd: زى ما روشى بتقول...........بجد حاتبقى تحفه........!!!!

الفكره هايله ياقمر وانا بردو كنت ناويه اعملها فى فرحى ياريت تبعتى لى رقم الاورجنيزار اللى جابت لك الفيلا وياترى قالتلك السعر اللى انتى حطاه ده يعمل فرح كويس؟؟ اصل انا رحت لويدنج بلانر تانى وقلت له على السعرده وقالى مش كفايه

وعايزه اسألك بقى بما انك روحتى الشروق ايه رأيك فيها عامة؟؟؟؟؟؟؟؟؟؟؟؟؟ راقيه ولا مش قد كده

سيبكم من الاورجانيزر بيزودوا فى ايجار الفيلا عشان عمولتهم خدوا انتم العنوان و روحوا اسالوا على الفيلا و احجزوها و لو هنروح جماعة كاننا عروستان او 3 فى ايام مختلفة بيدوا تخفيض و ممكن لو افراحنا قريبة نحجزها منهم كل واحدة يوممان او تلاتة لان الاسعار ساعتها هتختلف

صوت العيون;6775362:



10- دار الامداد والتموين

1- قاعة الفردوس من 150 - 300 فرد
2- قاعة التوت من 100 - 180 فرد
3- تراس الصفا من 100 - 180 فرد
4- مسرح الحمام من 80 - 100 فرد
5- حمام السباحة من 250 - 500 فرد
6- قاعة الفيروز 5 جنيه للفرد
سعر الفرح يبدأ من حوالي 6 الاف جنيه لعدد 100 فرد وامكانيات الدار والقاعات متوسطة


11- دار الحرب الالكترونيه

1- قاعة اللوتس من 70 - 100 فرد
2- قاعة كليوباترا من 120 - 230 فرد
3- قاعة عايده من 150 - 220 فرد
امكانيات القاعات جيده وسعر الفرح يبدأ من حوالي 6 الاف جنيه لعدد 100 فرد


تابع .....

على فكرة حمام السباحة فى دار الامداد والتموين اتلغى لان السينما صيفى فصوتها بيطلع على البسين.

بالنسبة لدار الحرب الالكترونية بيعملوا شو حلو وافكار جديدة،يعنى لبسوا العريس اسبيانيولى بالجيتار والعروسة بلاص:D بس هى ننفع خطوبة لكن فرح الصراحة لذيذة بس مش واو يعنى.

وعلى فكرة بتوع الحرب الالكترونية بيخفضوا ويفاصلوا اكتر من الامداد،حاجة كمان بئى،عندهم نظام حلو انك مش بتعرفى مين اللى ماسك القاعة غير الساعة 7 لكن فى الامداد بتبقى عارفة فتضطرى انك تظبتيهم تظبيط أأأأأأأأأأأأأأأأأأأأأأد كده.

اى اسعار جديده تنزلوهالى

وجزاكم الله خير

Jumanaa;6780325:
الفكره هايله ياقمر وانا بردو كنت ناويه اعملها فى فرحى ياريت تبعتى لى رقم الاورجنيزار اللى جابت لك الفيلا وياترى قالتلك السعر اللى انتى حطاه ده يعمل فرح كويس؟؟ اصل انا رحت لويدنج بلانر تانى وقلت له على السعرده وقالى مش كفايه

وعايزه اسألك بقى بما انك روحتى الشروق ايه رأيك فيها عامة؟؟؟؟؟؟؟؟؟؟؟؟؟ راقيه ولا مش قد كده

بصى يا بسبوسه انا المفروض حاكلمها على يوم السبت علشان تكون كلمت الراجل بتاع البوفيه تبعها وبتقول ان باكيدج 20الف كويسه ممكن تعملى فرح كويس وشيك ل300 فرد وبوفيه محترم لحوم ودجاج رومى وحلويات ومشاريب.......... يعن لما حا كلمها حاكتبلكم بالتفصيل بس انا كنت عايزه منكم الافكار قبل ما اكلمها علشان لو نسيت حاجه او تناستها اقولها عليها

moamana82;6780793:
سيبكم من الاورجانيزر بيزودوا فى ايجار الفيلا عشان عمولتهم خدوا انتم العنوان و روحوا اسالوا على الفيلا و احجزوها و لو هنروح جماعة كاننا عروستان او 3 فى ايام مختلفة بيدوا تخفيض و ممكن لو افراحنا قريبة نحجزها منهم كل واحدة يوممان او تلاتة لان الاسعار ساعتها هتختلف

تحفه يا قمر انا انشاء الله فرحى من نص لاخر 10 يالا بقينا تلاته ممكن خصم كويس بس اكدو الفكره من جانبكم مش لازم فى نفس الشهر يعنى لو حد 10وحد 12وحد 1 او 2 كويس فريبين من بعض بس ياريت نقرر ونستقر على المبداء

ليه محدش عاوز يساعدنى و يقولى على موضوع كتب الكتاب ده انا زعلانه منكم اوووووووووووى

بحبك يا حمودى;6787620:
ليه محدش عاوز يساعدنى و يقولى على موضوع كتب الكتاب ده انا زعلانه منكم اوووووووووووى

لا يا قمر مش تزعلى بس هو ايه موضوع كتب الكتاب علشان نقدر نساعدك:wink:

: :ايه يا قمرات محدش كمل على البنود ااخمسه اللى انا كتباهم................:(
يعنى مثلا فى شوو ايه ممكن اعمله يكون اسلامى
او ايه اللى ممكن يضيف جو البهجه على الفرح مش عايزه الناس تبقى قاعده مكتومه وزهقانه ومش عايزه بردو مخالفات شرعيه ................حد يساعدنى الله يكرمكم
وكمان ياترى الزفه تبقى عامله ازاى...........؟؟
وبعدين يا روشى..........؟؟ مش تنزلى صور كوشه قفص العاصفير وتقوليلى اتكلفت كام ومين اللى عاملها
يا جماعه عايزه افكاررررررررررر عايزاكم Active اكتر من كده :sm240:

كده يا بنات محدش رد عليا ولا ساعدنى
والله الموضوع ده عاملى قلق انا اصلى بقالى اربع سنين مخطوبه ومش عايزه فى الاخر يطلع الفرح مش منظم
او اى كلام......................:sm229:

عاصفة الأيام..

حبيبتى لو انتى بتتعاملى مع wedding planner هو بيكون عارف كل حاجة وعنده أفكار جديدة لأنه فى السوق وعارف ايه الجديد وايه القديم. وكمان هو أكيد بيطلع على الحاجات الأجنبية. اتكلمى معاه وشوفى الأفكار اللى هيقولهالك ايه.

انا عن نفسى مش هقدر أفيدك أكتر من كده. كل الأفراح اللى حضرتها بتبقى فى قاعات وتنظيم الفرح بيكون حسب المكان نفسه.

وبصى على اللينك ده http://www.3roos.com/forums/t310974.html

شوفى ياجميل اهم حاجه فى الفرح الديكوريشن وده تقدرى تتحكمى فيه حسب المكان
ممكن تعملى شكل جديد للتورته يكون جديد ومميز وبما ان الحفله على البيسين ممكن تعملى فى البيسين بط صغير مش اللى بيتاكل لا بط ابيض زينه مش عارفه اسمه ايه او ترمى فيه ورد وبالونات

ولو افتكرت حاجه تانيه هقولك

جومانا قصدك على البجع صح؟ شكله بيبقى تحفة

pippo;6807532:
جومانا قصدك على البجع صح؟ شكله بيبقى تحفة

هههههههههههههههههه يافضيحتى
اه بجع معلش غلطه مطبعيه:o

اسكندرنيه;6483859:
بجد عملتي فيها امتا انا كان خطوبتي هناك في شهر 12 الي فات وفعلا كانت وهم بجد الحمد لله النس كلها كانت بتتكلم وكان لذيذ موت وصادف اني كنت في العيد فعملولي الترابيزات كلها بيبي لايت كانت منوره القاعه كانت وهم واحلا حاجه الصراحه البوفيه كان تحفه بجد والاكل كان اكتر من رائع رحوا يا بنات القاعه وعلى فكره مميزه عن غيرها بالكوشه الي عباره عن شلال مياه بيبقا حلو اوي يله عقبال الفرح يارب ما يكون حلو كدا واحلا يارب لي لوكل البنات ياااااارب

'F' انا كمان كنت عاملة فى فيتونيا بالداون تاون بس انا كنت عاملة شهر 3 اللى فات وبرضة كانو عاملين البيبى لايت على الترابيزات وكنت عاملة اوبن بوفية بس القاعة شيك اوىىىىىىىىىى بس انا عاوزة اجدد فى الفرح واعمل فى قاعة تانية مش عارفة اية يكون فى نفس المستوى حد يعرف حاجة عن هيلتون جرين بلازا ياريت اللى يعرف يرد عليا على الخاص

السلام عليكم
ازيكوا ياصبايا
انا جايبه لكوا النهارده اخبار جديده واسعار جديده لأماكن جديده فى جديده هههههههههههه

المهم نبدأ
للى بيحبوا البواخر النيليه
نايل كريستال خمس نجوم
عنهم البوفيه 3 انواع
عشاء توباز 130 شامل الخدمه والضريبه
عشاء أونكس 150 شامل الخدمه والضريبه
عشاء كريستال 170 شامل الخدمه والضريبه
+ البروجرام ب 6500 جنيه شامل الكوشه والزفه وتصوير فيديو وفوتو ودى جى

وفى قاعتين فى المركب وممكن اوبن اريا فى الجاردن

ازيك جومانا عاملة ايه؟؟
انا عندي استفسار اول حاجة يعني ال 6500 جنيه دي شاملة كل حاجة بما فيها تأجير المركب؟؟
و المركب تتسع لكام شخص؟
و المركب بتتحرك في النيل واللا واقفة في مكانها؟
شكرا تعبتك معايا

اولا صباح الخير عليكوا كلكوا

ثانيا انا اسفة لو اتاخرت في الرد بس كنت بدور على حاجات على النت

دي افكار برده تنفع في الافراح وكلها جديدة الله يخليكم ماحدش ينسى انه يدعيلي بدوام المودة والرحمة بيني وبين وخطيبي وعلتينا [GRADE="00008B FF6347 008000 4B0082"]امااااااااااااااااااااانة[/GRADE]
1. ممكن تحطي على دعوات الفرح صورتك انت وجوزك وانتوا صغيرين تخبلوا كده لو راحت الدعوات دي لاقاربكم اكيد هيتبسطوا بيها اوي لانكم كنتوا كوكي اوي وبيبي

2. ممكن تعملوا عرض داتا شو وتعرضوا صوركم من وانتوا صغيرين لغاية ماتكبروا وصوركم في المصيف في ناس بقى بتعرض الصور دي والعريس والعروسة مايكونوش دخلوا القاعة واول ماتخلص الصور يقوموا مقطعين الورقة اللي البيضاء الكبيرة دي اللي بيتعرض عليها الداتا شو فاهمني؟

3.ممكن في تقطيع التورتةبعد التقطيع تطيروا حمامتين دي بتبقى سكر اوي

4.ممكن تعملوا سي دي عليها صورتك وصورة زوجك وتوزعوها ويكون فيها نصائح للمقبلين على الزواج وبيان اهمية الزواج وكده

5.دي فكرة حلوة وبسيطة للي يحب يعمل فرحوا اوبن ايريا اول ماتدخلوا يعني اول ظهور ليكوا تكونوا مجهزين بلالين وتنزل عليكوا بتبقى روعة

6. انا دي شوفتها في قناة مسايا في فرح المغنية هدى كانوا محضرين بلالين منفوخة هيليام وطيروها وطبعا طارت لفوووووووق وطانت بالليل فطبعا روووووووعة

7. ممكن برده لو في باسماؤكم اغنية زي حمادة بتاعت جواهر تقولي للدي جي يشغلها لزوجك مفاجاءة ليه


8.في فرح حضرتوا قبل كده كانوا حاطين على ترابيزات الفرح بدل بوكيه الورد كانوا حاطين اطباق مكسرات وكانت فكرة جديدة وظريفة

9.انا مع الاسف مع حبي وتشجيعي الكامل للفرح الاسلامي بس المختلط لكن ماحلفنيش الحظ اني احضر فرح منظم كويس بس في ناس بيعملوا مسابقات واسئلة ترفيهية ودينية وليها جوايز زي كتاب وحاجات رمزية بس دي بتعمل تفاعل اوي مع المعزيم من اقاربك واقاربوا

10.ودي برده فكرة جديدة زي عرض الداتا شو كده بس بدل الصور ممكن تقولي لحد يرسمكوا
زي اسكتش وتحكوا فيه بصوتكوا ازاي اتعرفتوا ببعض



الافكار دي كلها في حاجات منها شوفتها وفي حاجات منقولة من النت ولو افتكرت حاجات تانية اكيد هقولها [BLINK]بحبكم في الله[/BLINK]

11. ممكن في كتب الكتاب تطرزي المنديل بتاعك بنفسك بس اوعي الماذون يسبقك وياخده هههههههههههههههه

12.ممكن تحطي بوستر كبييييييييير على باب القاعة تخالي المعزيم يمضوا عليه

13. اوكتاب الجيست بوك ده اروع كمان

14. بما ان فكرة ماسك الشموع ورا العروس فاكرينها ؟
ان بنات خالات العروسة يمسكوا الشمع للعروسة دي مش موجودة خالص
فممكن تخللي حد من البنات الصغيرين يلبسوا فستان ابيض زي بتاع العروسة وكمان ولد صغير لابس بدلة ممكن تخلي البنت تمسك سبت وترمي ورود والولد ماسك مصحف صغير

15. ممكن تتفقي انتي وبنات خالاتك وكل البنات اللي عليهم الدور انهم يتجوزا يلبسوا فساتين بلون معين يعني لون واحد بس كل واحدة والاستايل اللي يعجبها ودي في الصور جمييييلة اوي

16.لما تلبسي الشبكة بقى ممكن بدل علبة الشبكة تعملي مخدة وتحطي عليها كل طقم الشبكة وهي ليها اربطة ممكن تربطيها بيها احسن تقع كده ولا كده

[GLOW="9900FF"]وهحاول انزل صور ان شاء الله وماحدش ينسى يدعيلي[/GLOW]

17. اه كنت هنسى طبعا وانتو بتنقلوا الب من اليمين للشمال وانت بتنقليها ابقى اتكي اوي عليها وانتي بتحطيها يعني نزليها لاخر الصباع وهو كمان يعمل كده

18. ياريت طول مانتوا اعدين في الفرح تفكريهم انهم يدعولكم الي جي يفكرهم اننا ندعي للعريس والعروسة بارك الله لكما وبارك عليكما وجمع بينكما في الخير

19. كاسات الشربات ممكن تزينيها بنفسك وتحطي عليها حرفك وحرف زوجك ودانتيل بنفس لون الفستان

20.لو هترمي الجيرب ارميه لاصحابك واقاربك وبعدين خلي جوزك يعملها لاصحابه من باب الهزار
هههههههههههههههه

بس خلاويييييييييييص اللي عندوا حاجة تانية ياريت يقولها