ملف كامل باسعار ونظام الأفراح فى فنادق مصر

Jumanaa;6275923:
مبارك ياجميل
بس انتى صدمتينى معقوله شهر10 كمان مفيهوش اماكن
ربنا يستر


حبيبتى هو مستوى الدار نفسه عادى لكن اعرف ان قاعة الدهبيه كبيره وشيك
الاسعار حاضر هحاول اجيبهالك

moamana82;6276058:
جومانا ردى على يا جوجو
يعنى هما بياجروا حديقة الفيلا من غير ديكورات و لا بديكورات و لا ايه بالضبط؟

sarah 7abebat yman;6145170:
يا بنات انا ان شاء الله هاعمل خطوبتى في البيت بس كنت بفكر نخرج نتعشي انا و خطيبي بعدها ياريت لو تعرفوا اماكن حلوة و تكون اسعارها و الاكل بتاعها كويس و متنوع تقولولى اكيد لان ان شاء الله خطوبتى على نص شهر 6
و ليا استفسار عندك يا سيرين كنتى بتقولى انك و خطيبك خرجتم اتعيشيتوا بعد الخطوبة في نايل كريستال ياريت لو تقوليلي مكانه و نظامه كان ايه و اسعار مابين كام و كام

flower20009;6303473:

مطاعم السفن الثابته:

1. سفينة السرايا ....
وتقع على كورنيش النيل في الزمالك ... تحتوي على عدة مطاعم في الدوv الاول والثاني
المكان راقي جداً والمنيمم 150 جنية للفرد ويجب الحجز مسبقا بالذهاب شخصياً للحجز مسبقاً .... والافضل من كده تتصلوا بيهم قبلها وتستفسرو عن كل ما يخطر في بالكوا من اسئله
2. سفينة الباشا ......
وتقع على كورنيش النيل في الزمالك بردو ا وقريبة من سفينة السرايا
ونفس طريقة السرايا يتم الحجز بالتلفون والمينمم جارج 150 جنية وتبدأ الحفلات من الساعة 12 وحتى 4 صباحاً .. كما تحتوي الباشا على 12 مطعماً متنوعا منه اللبناني والايطالي .......

3. النايل سيتي Nile City
وهي سفينة عائمة وثابتة على النيل ايضا وتحتوي على عدة مطاعم منها ستديو مصر و شيلييز وبعد فيه مطعم ناسيته .... والمكان راقي أيضا وفي مستوى الباشا والسرايا.
4. فرايديز ......
وهي عبارة عن سفينة ثابتة على النيل وايضا فيها مجموعة من المطاعم مثل مطعم للاكلات البحرية ومطعم فرايديز ... عجبني ديكور فرايديز. والاسعار على حسب طلبك. وهي قريبة من مجمع الفيرست مول
5. سفينة جراند حياة
وهي سفينة متحركة تابعة لفندق جراند حياة وفيها بوفية مفتوح غداء وعشاء ومواعيد الغداء الساعة 2 ظهراً و 5 عصراً ومدة الجولة ساعتين الاسعار 211 جنية للعشاء و 125 جنية للغداء .

6. الاماكن الراقية أيضاً هابي دولفين وتقع على كورنيش النيل في المنيل.شارع الملك عبدالعزيز قعداته نيلية حالمة والله وعندهم بحيرة فيها بط وبجع وعندهم يخت يطلع كل ساعة ياخذك بجولة في النيل لمدة ساعة وسعر الفرد 5 جنية .
وعندهم مينمم ج 32 جنية للفرد .
يفضل الحجز المسبق أو الذهاب مبكرا أي في تمام الساعة 11 ليلا حتى تحجز لك مكان.


7. سفينة النيل مكسيم وهي سفينة متحركة تابعة لفندق الماريوت والمينمم194 جنية >>>



8. السفينة الفرعونية ......
والسعر 198 جنية ...ا طلب وليس بوفية مفتوح والمينمم 198 جنية

9.النيل الازرق ......
وهي سفينة ثابتة ايضا وقريبة من نايل سيتي و كبري قصر النيل وفيها مطاعم متنوعة ايضا.
10. فرح بوت وقريبة منفرايديز ...
11. نايل كرستال
12سفينة sun set وهي أغلى وحدة فيهم 350 جنية على ما افتكر
13. سفينة البيت بيتك
14. امبريال
15. سفينة سكاربية وهي سفينة تابعة لفندق السوفيتيل اللي في المعادي ولكن المرسىمقابل فندق سميراميس وسعرهم معقول 145 جنية للعشاء ( بوفية مفتوح )

crazy ananas;6308697:
السلام عليكم ورحمه الله وبركاته

جزاكم الله كل خير واسعد لحظات حياتكم

بصو بئا انتو اخر امل ليا

انا احتمال ان شاء الله اتجوز فى شهر 8 ولو ملحقتش عشان الشقه ان شاء الله هنتجوز على العيد

واحنا مش هنعمل فرح احنا هنكتب الكتاب فى الجامع وهنخرج فى اى حته

عندى امل بئا فيكم تقوليلى ايه الاماكن اللى ينفع احجز فيها نسهر فيها وياسلام لو فيها ممكن نعمل زفه صغيره

اصل نفسى فى الزفه قوى ومش مهم اى حاجه تانيه :)

هستنى ردكم لو حد عنده معلومه ياريت مايبخلش

وماتنسوش من نفس كرب مرء فالدنيا فرج الله كربه فالاخره

crazy ananas;6308697:
السلام عليكم ورحمه الله وبركاته

جزاكم الله كل خير واسعد لحظات حياتكم

بصو بئا انتو اخر امل ليا

انا احتمال ان شاء الله اتجوز فى شهر 8 ولو ملحقتش عشان الشقه ان شاء الله هنتجوز على العيد

واحنا مش هنعمل فرح احنا هنكتب الكتاب فى الجامع وهنخرج فى اى حته

عندى امل بئا فيكم تقوليلى ايه الاماكن اللى ينفع احجز فيها نسهر فيها وياسلام لو فيها ممكن نعمل زفه صغيره

اصل نفسى فى الزفه قوى ومش مهم اى حاجه تانيه :)

هستنى ردكم لو حد عنده معلومه ياريت مايبخلش

وماتنسوش من نفس كرب مرء فالدنيا فرج الله كربه فالاخره

صوت العيون;6285468:
يا جومان ولا رديتى اوكى متشكرة اوى

سلام

meroo012;6321374:
بصووو يا بنات انا روحت سألت فى النايل كريستال حلوة اوى اوى اوى والفرد فيها ب 130 و 150 و 170 الاختلاف بس فى اصناف الاكل + فى باكدج كاملة ب 6500 فيها ( بند + شربات وشاى او قهوة + تصوير فيديو + صورة زفاف +كوشه )