ساعدوني في جهاز وايرلس Belkin

وعليكم السلام ورحمة الله

اختي معاج حق موديم اتصالات صراحه خرطي :)


شوفي هالرابط فيه شرح لموديم نفس النوع اللي عندج على ما اظن اتمنى يفيدج

http://go.3roos.com/UpbnK6awBPp

لو كان عندك اي اتصال سابق لازم تحذفيه
يمكن في تعارض بالاتصالات
ولو مامشي الحال

من رأيي انك تحذفي كرت الشبكة وتعرفيه من أول وجديد
وتعملي ريست للمودم وتحطي الاعدادت من اول وجديد


بس ماقلتيلي.. بس الوايرليس ماعبيشتغل ولا كمان الثابت؟؟
بعدين انتي حاطه تشفير وكلمة سر للوايرليس؟؟

عزيزتي على البال للأسف ما تشتغل الوصله..

عزيزتي عروس.. في بيت اهل زوجي عندهم وايرلس .. ويشتغل عندي عادي .. وبالاضافه عندي الشامل ..

يعني مش مأثر حتى في الجامعة عندي وايرلس ..

وحطينا كلمة سر وباسورد.. يعني كل الي كان مطلوب منا سويناه .. ويبين انه شغال لكن ما يفتح صفحات نت ولا شي كأنه مافي نت اصلاً

هذا الشرح

مدري هو نفس اعدادات الموديم عندج ولا

( الشرح كله منقول من موضوع في منتدى الامارات للتداول لصاحب الموضوع SOC )


شرح اعدادات جهاز
Belkin's Wireless G Plus MIMO
اول شئ بعد شبك الجهاز مع الكمبيوتر
نفتح الاكسبلورا
ونكتب العنوان التالي
192.168.2.1
ونضغط انتر







جميع الحقوق محفوظة


شرح اعدادات linksys







جميع الحقوق محفوظة

فديييييتج على البال لو استوا والله مادري كيف اشكرج ..

اول شي من الاعدادات نفسها عندنا وسوينها

بس الي تحت كله زيادة ما سويناه لأنه ماكان مرفق مع مع الكتلوج بجرب وبخبرج ان شالله

يزاج الله خير

العفو وعسى يشتغل ان شالله


ما جربتي بالاكسبلورر تخليه يتعرف بشكل تلقائي على الاتصال؟

بالاكسبلورر تروحي على ادوات tools

خيارات الانترنت intenet options

روحي قسم الاتصال مثل اللي بالصورة

فديتج على البال تعبتج وياي والله

بس بعده مب راضي :(

تدرين شي .. يعني اول خطوات سواهن لي .. لما ايي ابا ادخل العنوان الثاني للاعدادات الثانية ما يفتح لي اصلاً ..

القهر انه يبين انه في اتصال لكن ما يشبك مع شي ..

خليني اوصف لج اكثر ..

احنا شبكنا الوايرلس على كمبيوتر البيت الثابت وهو اصلاً مافيه وايرلس .. بس ركبنا الواير المرفق ويا الجهاز ..

واللابتوبات كلها تبين انه في جهاز وايرلس حتى كمبيوتر البيت يبين انه فيه اتصال ..

بس النحاسة مب راضي ولا اعرف وين اسير ولا وين ايي .. :(

بالاو ل انتي حذفتي اعدادات موديم اتصالات القديم speed stream

يمكن بعده موجود شيكي

اكيد في سي دي ايي مع الموديم هل ثبتي تعريفات الوايرات

طيب جربي الاتصال العادي مب الوايرلس اللي هو بالواير اللي ايي مع الموديم وجربي ادخلي النت

او

احتمال المشكلة من اعدادات الاكسبلورر

جربي روحي على ادوات... خيارات الانترنت





او تروحي على

لوحة التحكم

اتصالات شبكة الاتصال




جربي تتصلي على الاتصالات وهم اول شي يسالوا اي موديم عندج وشي طبيعي الناس تشتري موديم ثاني غير اللي ايي من عندهم وان شالله بيساعدونج


وانا بفتر بالنت ان لقيت شي عنه ان شالله بتابع وياج

فديتج على البال والله البارحة انا واخوي عيزنا من كثر ما نحاول هلكنا والله

المشكله انه الارسال قوي ويلقط على اكثر من كمبيوتر .. بس سبحان الله مادري شو المشكله

سويت الي قلتي عنه مافي فايدة ..

اتصلنا بالاتصالات الشي الوحيد الي يقدر يسويه قال انا بشيك لكم على اللاين.. وشيك وقال مافيه شي ..

يمكن من المودم نفسه .. واليوم برجعه لكارفور .. بس مادري شو بشتري نوع غيره..

ولما اسوي عرض شبكات الاتصال ما يطلع لي ولا شي ..

لكن لما اسوي بحث عشان اسوي اتصال يطلع لي .. عجيب غريب لعوزني هههههه

والسي دي مافيه اي شي يخص التثبيت .. مرفقين كتلوج لما ندخل على الموقع الي حطيتيه نفسه

الي فيه ارقام بس .. ومن هناك نضبط الاعدادات :(

والله تعبت وياه

اختي خبريني شو صار وياج

لاني اشتريت نفس المويدم belkin n وبعد محاولات قدرت اظبطه المصيبة انه جهازي الوايرلس بالكمبيوتر مجرد اشغله يقفل الجهاز يعطيني شاشة زرقا واختي اشتغل عندها عادي مقهووووووووره :)

بس اشبك بالواير الحين والاتصال تمام

فديتج سامحيني بطيت عليج ما نتبهت للرد اللا الحين ..

الغاليه اتصلت باتصالات ويوا عشان يشيكون .. طبعاً كنت رديت الجهاز على كارفور وشريت شي ثاني ..

المهم انهم ماعرفوا المشكله .. وكان الريال يايب وياه جهاز وايرلس اسمه دي لنك.. وشريته منه بعد ما ضبطه لي وافتكيت من عفسه كارفور واجهزتهم