الزوج بالاستراحه

في رايي لازم الريال يطلع لو ساعه يوميا عند ربعه او ديوانيه او ميلس .. يعني المهم ساعه من يومه لمزاجه و خارج البيت ... لكن ما يهمل واجباته كمسؤول و زوج و اب .. حتى في هاي الساعه للي يطلع فيها ...

الزوجه تلعب دور اساسي في وجود زوجها عندها ..


تحياتي ..

ملاكك صادقة بكلامك والله لايبلانا
عموما الحل بيد الزوجة كان من اول مرة مارضت بالوضع لأن البيت مو فندق ياكل وينام واذا طلب انها تدبر امورها لأنه مو فاضي حضرته تخلي كل شي لحد مايرجع لأن الرجال اذا تعود على المرة الي تدبر عمرها رفع ايده من كل شي
وياليت الوحدة اذا تقدملها عريس من هالنوع ترفض (عارفة مو من زود الرجال )بس تريح راسها ولو انه في شباب من يتزوج يقاطع كل شي لأنه يوم نوى الزواج وهو ناوي الراحة والأستقرار والعكس كمان موجود المهم الله يعين شر لابددددددددددددمنه

تسلمين على هالموضوع والأحلى أنج فتحتيه للنقاش

بس خلونا نحلل شخصية الزوج أو الأزواج عامة
متملل
زهقان من البيت
العيال مو مخلينه يرتاح
مشاكل العمل
الزوجة مو مقصره في البيت (يعني مو محتاجين منه غير المصروف)
مو حاس بالمسئولية
حاس أنه تسرع في الزواج ويبغي يكمل الحياة اللي ما عاشها أو اللي كان يعيشها

كل هذي الأمور تؤدي إلى إهمال الزوج لبيته وعائلته، ويلاقي الملاذ في الخروج من البيت، ويبدي يعيش حياة العزوبية مره ثانية طلعات وسهرات وينسى أن له زوجه وأولاد.

طيب نجي الحين للزوجة (طبعا خلنا نتكلم عن الزوجه اللي مو مقصره مع زوجها)
تقعد الزوجة مع نفسها وتفكر وش فيه هالريال مو قاعد بالبيت ومو طايقني ولا طايق عياله كأنهم عيالي بس
أنا مو مقصره معاه أكله وجاهز وثيابه مغسوله ومكوية وبيته نظيف ومرتب ولين جووه ضيوف قمت بهم وهله على عيني وعلى راسي، وبعدين تطالع روحها في المراية وتقول: وأنا وش زيني ما فيني شي أخلاق وتربية ومن عايله ومتعلمه ونظيفة وأنيقة وكل أتعدل له، بعدين تسرح بفكرها بعيد ...... طيب ليش هو ما يقعد بالبيت وش السبب ليكون عافني، ليكون يفكر يتزوج علي..... والف سؤال وسؤال يلف ببال هالزوجة.



أما بالنسبه لي فأنا أشوف أن الزوجه هي الملامه، تعرفون يا بنات ليش رب العالمين قال: "إن كيدكن عظيم" سورة يوسف 28

لأن المرأة بطبيعتها ذكية وعاقلة وإذا حطت جدامها هدف فلازم توصل له

خلوا يا حريم قلوب أزواجكم هي الهدف اللي لازم توصلينه وتقعدين فيه بلا منازع
اشلون؟؟؟

أقولكم أشلون بس قبل بسألكم سؤال؟؟؟
هل في يوم من الأيام قعدتي وفتحتي حوار مع زوجج غير مشاكل البيت والأولاد ؟؟؟

هل في يوم من الأيام سويتي لزوجج مفاجئة حلوه وسويتي حركات رومانسية ودلع؟؟؟

هل في يوم من الأيام حسستي زوجج أنه راعي البيت وأن كلمته هي اللي تمشي؟؟؟

هل في يوم من الأيام قلتي له أحبك لأنك سويت هالشي؟ بل هل في يوم من الأيام تكلمتي معاه برومانسية وحب بدون حيا؟؟؟

عزيزتي الزوجة جاوبي على هذي الأسئلة وبتعرفين الجواب من نفسج

موضوع رائع والنوعية دي من الرجال فعلا منتشرة جدا
ربنا يهدي ازواجنا جميعا