أخر دوره جاتلك شهر 12 أدخلى

المولعانية ليش تبين الاوحام احمدي ربج على جذي ترا الاوحام مب سهل

مب شرط كل وحدة اتمر في الاوحام في ناس يكون اوحامهم جدا خفيف وما اتحس فيه ابد

وعلى فكرة يبدا الاوحام في سادس اسبوع من تاريخ اول يوم دورة اي بمعنى يكون بعد اربعين يوم بالضبط للطفل

انا شكلي اتوحم من الحين على الرغم اني ما دخلت بهالاسبوع بس شكلي جذي بيكون اوحامي ما احب الحلويات ولا القهوة ولا الماي على الرغم اني ما استغنى عن الماي قبل

واحب النوم والمشكلة ان ماخذني الزكام وامدوخني اكثر والله يكون بالعون

هلا حبيبتي ((الحرف العنيد)) ابصراحه توني حسبتها عقب 3 ايام على ما اعتقد بكمل الاسبوع السادس

لاني حسبتها غلط ... ما عرف خاطري اجرب ههههههههههه..


الله يشفيج يارب ...ويثبت حملج...

امين لنا كلنا

وانا بكمل الاسبوع السادس بيكون يوم الاحد ان شاء الله علشان جذي بيكون عندي تصوير

وانتي شو شو قالت لج الدكتورة متى عطتج موعد للتصوير

على جذي الي صادني البارحه اوحام
لاني دخلت الاسبوع السادس

من شوي صديقتي تقول لي اهم شي العطور الي تحبينها لا تستخدمينها في الحمل عشان ماتتوحمين عليها وتكرهينها

امممممممممممم في سؤال محرج ماادري اسأل من بس الصراحه بتشجع وبسألكم

الجماع في هالفتره يكون عادي والا في ضرر على البيبي؟؟
لان في ناس خوفوني وقالوا لي ان الجماع مرات يسبب نزيف ومن يوم مادريت اني حامل وزوجي خايف يقرب مني عشان مايأذي البيبي

هلا الحرف العنيد انا عندي موعد تاريخ 2-2 عشان النبض يعني قريب واااايد...

ام سويره شي طبيعي الريال بيخاف يقرب من الحامل خاصة بالشهور الثلاث الاولى لانه مرحلة تكون الجنين ولين متعدي الشهور عقبها اظني عادي...

لانه لا حظت على ريلي وااايد يخاف يقرب عقبها فهمت.. انه ما يبقي يضر البيبي ...

صح يكون في ضرر على البيبي

بس يعني ما يكون بنفس اول يعني يكون على الاقل كل ثلاث ايام وبطريقة هادية ما اتاثر على اليهال

وسبحان الله اصلا حتى الرغبة اتقل صح ولا

مرحبا بنات انا اخر دوره جت لي في 30|11
والوحام تعبني جدآآآآآآآآآآآآآآآآآآ وظهر في الاسبوع الرابع
ولسه مكمل معايا الله يعين وتمر الايام بسرعه واخلص منه
ومبروك بنات على الحمل وان شاء الله نكمل مع بعض

شكرا المولعانيه على التوضيح يعني الشي الي قاعد يصير طبيعي

حرف عنيد

اي صح الرغبه تقل وايد واحسها هالايام منعدمه

المولعانية انا عندي موعد 3-2 يعني بعدج بيوم

وبخبرج شو يصير معاي مع الدكتورة

خواتي هل الدكتورة قالت لكم تستعملون دواء معين

انا حاليا استخدم ديفاستون وقالت لي راح استخدمه لمدة ثلاث اشهر

بس لما رحت لدكتورة طب عام علشان الزكام قالت لي انتي تاخذين فيتامينات ويهج وايد مصفر ومحتاجة وبصراحة لحد الحين ما خذت بس انا اعلم نفسي على اني اكون امواضبة اني شرب عصاير وحليب واكل فواكه

وبشوف الدكتورة شو بتخبرني على يوم الاحد ان شاء الله

انا عطوني فوليك وهو عشان فقر الدم

لاني اول مارحت كان دمي نازل وقالت لي الدكتوره استخدمه لمدة شهر بس

rona -mo7a
مشكوره عالمعــلومـــات الحـــلوه و إن شاء الله ربي يتمم حملنــا جميــع على خيـــر

المولعانية أنـــا و أنتي في بداية الشهـر الثــاني الفرق بيني و بينج إني سابقتنج بيــوم .. و للحيــن ما حسينـا بالوحـــام.. أنا يوم رحت عند الدكتوره قالت لي عـــادي ... لأنه الوحــام يفرق من حمل لحـــمل .. ومن حرمـه لثـانيه.. أنـا وحده من هليه أبدا ما تحس إنهـا حـامل و ما شاء الله كل عيالها ايون بصحه و عـافيه ...

حرف العنيـد .. وحــامج يذكرني بوحــامي الأول كنت ما احب السكريــات و الكــوفي .. الله يتمم لج على خير إن شاء الله و على فكره السكريات و الكـافيين ما ينفعن الحــامل يعني أحسن يوم قللتي منهم .. بس هالله هالله بالمــاي عـشان مااييج التهـاب بالكليه لازم الوحده تحـاول تشرب مــاي و سوائل قد ما تقدر... و أما عن الأدويه أهم شي تـاخذين فولك أســـد .. أصلا المفروض كل وحده تخطط إنها تحمل إنهـا تاخذ فولك أسد بشهر قبل ما تحمـــل لأنه يقي من التشوهـات اللي تصيب الجنين

أنا أخر دوره عندي كانت 24 -12-2007
والحين أنا حامل

ام عبادي مشكورة على ردج وتفاعلج معانا

بس ما خبرتينا هل انتي حامل ولا

انا صح ما احب الماي بس اغصب نفسي اشربه لو اتصدقين قبل ما افارقه يعني لو مسكت غرشة مستحيل اتم عندي

بس الحين والله من الصبح لين اخر الظهر وانا يالله نص الغرشة شو اسوي يمكن بعد الزكام اماثر علي

هيه أنـا حـامل في بداية الشهـر الثـــاني
أمـا عن الوحــام عن تجربه من تدخلين الشهر الرابع بترتــاحين .. طبعا هالشي يفرق من وحده للثــانيه .. بس أنا في حملي الأول عــانيت في أول ثلاث شهــور .. أما الشهر الرابع و الخامس و الســادس كــانوا خفاف عليه

الله يتمم لكم على خير وتولدون بالسلامة ..انا اخر دورة جات لي 20/12ولحد الحين ما شرفت الحلوة سويت التحليل وطلع خط واحد والله كريم يرزق الجميع المهم تحملو بروحكم يالحوامل والله يسهل عليكم

مرحبا ...بنات.. مادري شناديكمـ!.. عرايس حمل!... لان انا اقولهم .. نادوني عروسه حامل!... مع ان قريب ان شالله باكمل سنه على زواجي..

انا بعد معاكم.. اكتشفت اني حامل هالشهر... الحين في الاسبوع السادس..


اممم.. بخصوص الوحام.. الحمدالله ما احس بلوعه الجبد... من صباح الله خير وهالامور.. حتى اليوم كنت عند الدكتورة وقلت لها طبيعي اللي فيني؟.. قالت لي عادي.. الواحم يختلف من وحده لثانيه.. صج في لوعه خفيفه .. تجي وتروح... بس قد ما اقدر احاول اني اتنفس بطيء.^^^ هذي نصيحه زوجي فديته... وما اتم افكر فيها.. احاول اتصرف عادي...

بس صرت ما اتقبل العطور وايد... احس نها ثقيله....

وووووبس!.. اي اليوم كنت عند الدكتوره .. وسويت الترا ساوند.. سمعت دقات قلب البيبي.. فديته.. صار له نبض.. لانه من اول ما تدخلين باللاسبوع السادس.. على نهايته يبدا النبض..

والله يثبت حملكم كلكم .. وتقومون بالسلامه ان شاللله...

تدرون بنـات أنـا شو أحـاتي أنــا أحــاتي الوزن
المشكــله إني في حملي الأول زدت 8 كيلو .. يعني كنت أول فترة الحمل 59 و صرت 67 .. و مع الرضاعه لمده شهرين نزلت 63 .. بس بعد ما توفى الغـالي ما أدري رجع وزني مثل ما أول ما ربيت يعـــني 67 .. وخلال هالست شهور أحــاول انزله و ما ينزل مع إن الكل كان يقولي إن هالوزن أحلى عليه .... بس الحين خــايفه

لأني حـــامل .. و أكيد مينيموم لازم أزيد 12 كيلو .. حاليا أنا في الشهر الثــاني ووزني ثابت 67 .. بنــات انتوا تفكرون مثلي في الوزن و لا عــادي عندكم

هم بعد أبا اسأل عادي نستخدم من الحين الكريمــات اللي تقضي على السليلوت و لا مب زين خلال فترة الحمـل

مراحب بنات ومبروك عليكم الحمل وربي يتمم على خير ويطعم كل محروم

انا اخر دورة الي في 27/12/2007 ولليوم ما اجتني خايفة وقلقانه اني ما اكون حامل ادعو الي انه يكون حمل يا رب

وانضم معكم في الموضوع

ربي لا تذرني فردا وانت خير تاوارثين

استغفر الله العظيم واتوب اليه

اختي لايجوز فتح تجمع جديد لانه already فيه تجمع لشهور الاولى
والاخت فوانيس ماقصرت وضعت لكل لشهور الحمل تجمع

اتمنى من الخوات انهم يساعدونا في تنظيم الركن
وتكرار المواضيع بهذي الصوره يشوه من ترتيب الركن

واتفضلي زوري هالموضوع الخاص بتجمع الشهور الاولي ونظمي لخواتج
http://www.3roos.com/forums/t304606.html

ورجاء من بعض البنات في مواضيع التجمات الابتعاد عن الدردشه وعدم الخروج عن صلب الموضوع

ولي حابه ادردش فيه موضوع لدردشه في قسم السوالف


ويغلق الموضوع