رااايكم بدخول الزوج غرفة الولادة .

أنا عن نفسي أرفض رفضا ً باتا ً دخول الزوج غرفة الولادة لأنة الصراحة موقف محرج جدا ً جدا ً جدا ً ويبقى الموقف في مخيلتة طول العمر ...

مرحبا زهوورررررررر

انا حبيت اضيف لج هاي الرابط

لان الموضوع مطروح ف يالمنتدى وفيه رائ جميع الحوامل تقريبا

اتمنى يفيدج يارب

http://www.3roos.com/forums/t294359.html

بالتوفيق

انا ارفض بعد .. احسه موقف مقرف ومو وقته يجي عندي ..


انتوا عارفين ان دكتور الولاده مايولد زوجته ؟؟؟

يخلي دكتور ثاني

ارفض دخول الزوج لغرفة الولادة هووو صحيح حلوو يأخذ البيبي اول ما يخرج ويشوفو

بس الصعوبه في الولادة ولماا يشوف الزوجة بوضع الولاده صعبه جدا ومثل ما تفضلوو البنات ما تروح عن باله

عواااااااااااافي

*

*

أنا أوافق على انه زوجي يدخل معاي ويعيش ويشوف المعاناة اللي بعيشها فديته على ولادتي بفطامي دخل معاي اما على هالولاده شكله مابيكون موجود وانا زعلانه انشالله يردلي من السفر بالسلامه يارب ويحظر ولادتي

انا خاطري يدخل عشان يعرف اشكثر اتعذب

بس اعتقد اني ماراح اولد لاني بستحي اعصر قداه خخخخخخخخخخخ

وممكن انه ينقرف ومن هالسوالف واطيح من عينه

والله رايي صعب في هالامر

انا عن نفسي من أكبر المؤيدين لدخول الزوج غرفة الولاده لا ويدخل قبلي بعد لووووووووووووووووول

والله خل يعرفون اشكثر الوحده تتعذب ترى مو هينه الولاده
بولادتي الاولى دخل وياي و ظليت في غرفة الولادة 10 ساعات تقريبا و كان معاي الحمدلله بس خليته واقف عند راسي يعني ما يشوف شي

و ان شاء الله هالمرة بعد الله يسهل و يدخل معاي بعد

الحمدالله انا في ولاداتي الثلاث كان زوجي معاي الحلو في الموضوع انه يساندج تحسيين يتالم وياج اذا طولت ولادتي يسير يمشيني بره المستشفي تحسيين بالتقارب والحب اللي عنده كله يطلعه في هذا اليوم ...
بس حزت الولادة يطلع بره يطلعوونه اللي وياي ولا امي ولاامه... ولما يطلع البيبي على طول يدخل يشوووووووفه لحظات وايد حلوه تكوووووووووون...
ذكرتوني صارلي اربع سنوات ما حملت ......................

مرحبا صبايا


انا بصراحة داخلة فضول ابي اشوف رايكم ..

انا اول حمل لي .. وتوني واصلة الثالث..

بس انا وااااااااااااااااااااااايد خوافة .. وممكن ادخل كل العيلة معاي مو بس زوجي..

ماادري شو رايكم؟؟

اخاف يقرف مني ومن اللي حيشوفه,, بس بنفس الوقت حابة انه يكون معاي ويشاركني هاللحظة.. ويعرف بالمعاناة وتعب الولادة,, عشان يعرف انو العيال مايجون بالساهل,, ماادري انتو شو رايكم؟؟ والله الموضوع كان في بالي ... وافكر فيه دووووم,. خاصة اني اخاف كثييير وماعندي قلب حق هيك اشياء ...

وربنا يسهل على الكل .. ويسهل علي ولادتي يارب

ما احب ابد الا في البدايه بس لكن وقت خروج الطفل لاااا فشييله

اوافق وبشدة

مشكوريــــــــــــــــــــــــــــن على المشاركة

ويعطيكم الف عافية

عن تجربتي الشخصية .. انا ولدت بنتي سارة ب 26\4\2007 وكنت مترددة بخصوص دخول زوجي معي للولادة لكن هو كان حابب ومتشجعع... والصراحة كانت تجربة رائعة جدا طول الوقت كانت ايدي بإيده .. وساعدني جدا ، وبصراحة وجوده خفف على كتيير وريحني ، واكيد حس بمعاناتي بالولادة .. وهادا بخليه يساعدك اكتر في رعايتك ورعاية المولود.. وانا الحمد لله حاليا في الشهر السادس وان شاء الله الله يسهل ولادتي وهو ناوي ان شاء الله يحضر الولادة التانية...
لكن انت ادرى بزوجك ... والافضل انه يكون هو نفسه راغب في الحضور

عن تجربتي الشخصية .. انا ولدت بنتي سارة ب 26\4\2007 وكنت مترددة بخصوص دخول زوجي معي للولادة
لكن هو كان حابب ومتشجعع... والصراحة كانت تجربة رائعة جدا:15: طول الوقت كانت ايدي بإيده .. وساعدني جدا ،
وبصراحة وجوده خفف على كتيير وريحني ، واكيد حس بمعاناتي بالولادة .. وهادا بخليه يساعدك اكتر في رعايتك ورعاية المولود..
وانا الحمد لله حاليا في الشهر السادس وان شاء الله الله يسهل ولادتي وهو ناوي ان شاء الله
يحضر الولادة التانية...
لكن انت ادرى بزوجك ... والافضل انه يكون هو نفسه راغب في الحضور
اختكم.. نورة

هذا اول حمل لي وان شاءالله الله يسهل علي واولد بالسلامه .........بإذن الله بيدخل معي زوجي لغرفة الولاده اهو بنفسه عنده رغبه ........خله يحس ويشوف ان الولاده والتربيه شي مو سهل وقلبه يكون رحيم اكثر .............