مشكلتي مع زوجي الفلوس..من يوم ما أخذته وهو مديون بسبب زواجه السابق يعني أنا أحين من سنتين معاه و بعده ما خلص ديونه زواجي كان غير مكلف و أنا ساعدته بمبلغ حتى يتمم الزواج...مليت و أرفت هذي العيشه..أنا أداوم 9 ساعات و و ظيفتي الحاليه توفرلي سكن..بس صراحه مليت من هذي الوظيفه المتعبه و الدوام الطويل و بس صابره عشان السكن إلي زوجي ما يقدر يوفرلي إياه..بس أحين طلعت لي وظيفه ثانيه دوام أقل و راتب أقل و سكن مافي و هذا كله لأن القانون اليديد ينص على أن زوجي يستلم كل علاواة السكن و التذاكر و الأبناء..يت في بالي فكره وهي أن أشتري شقه بدل ما أتفع سنين على شقه بالأجار..بس عشان أشتري الشقه لازم أدفع مبلغ مقدم ويوصل ل200 ألف درهم.بعت سيارتي و دبرت المبلغ مني و مناك..أحين البنك راح يخصم مني 5000 درهم شهريا حق الشقه يعني ما يتم لي إلا 2000 درهم من راتبي و ماعندي سياره يعني لازم اخذ من البنك بعد..قلة حق زوجي أن بما أن هو يستلم بدل السكن و العلاوات و أنا خاصمينهم من معاشي و غير إلي بيندفع لشراء الشقه فقتله أنت أشترلي سياره عن طريج البنك و راح يخصمون منك 1000 شهريا.....أنا بس قلة جي قال ماعندي و قامة القيامه مع العلم أن يصفاله 5000 من راتبه و غير التذاكر إلي تطلعله سنويا بأسمي و أسم بنته 15 ألف يعني قتله أعتبرهم من التذاكر..بس قام و غلط علي و قال أنت همج الفلوس و انتي طماعه و نسى إلي سويتله ومعاناتي 9 ساعات في الدوام متحمله عشان السكن و انا حامل و أتألم..حسسني بظلم و قهر..بديت أكرهه لأن مب قادر يوفرلي أبسط حقوقي..لا أستلم مصروف شهري مثل باجي المتزوجات ولا يقدر يوفرلي سكن ولا يقدر لي تعبي في الوظيفه و كيف أداوم من 8 لين 5 و أي البيت وأنا مرهقه و إذا أهملت في بنتي شوي أحصل سب وانتقادات..غير تعب الليل إلي ما أنامه بسبب بنتي إلي تسهرني و الي من وراها بعد أحصلي كم سبه و شتيمه..
والله مليت من الزواج و كرهته وما ياني القهر و الاحباط ألا عقب الزواج حتى تمنيت إني ما تزوجت أوعلى الأقل ما تزوجت واحد مديون...
ملاحظه: عشان تفهمون حياتي أكثر الروابط التاليه هي مشاكل أنا طرشتها في السابق و المتعلقه بحياتي الزوجيه
http://www.3roos.com/forums/t294261.html
http://www.3roos.com/forums/t280527.html
مشكلة الفلوس بيني و بين زوجي؟؟؟
f
22-01-2008 | 01:58 PM
م
22-01-2008 | 03:29 PM
الله يعينك حبيبتي
استحملي شوي الزواج تضحيات
هذا بيتك و زوجك و بنتك
ومادام ان زوجك مش مقصّر و بيشتغل و مش بيضيع فلوسه يمين و شمال فلازم تتعاونو مع بعض عشان اسرتكم
بس ممكن تناقشي الموضوع بهدوء مع زوجك و تقوليلو انك العمر بيجري فيكم و لازم تخففي من دوامك شوي عشان تربية الاطفال و كدة
وتتناقشو في موضوع السيارة هل هذا وقتها او هو ممكن يوصلك و يجيبك ..بس اهم شي تكونو رايقين عشان تطلعو بنتائج جيدة
الله يوفقك و يفتحها عليكم من وسع يارب
استحملي شوي الزواج تضحيات
هذا بيتك و زوجك و بنتك
ومادام ان زوجك مش مقصّر و بيشتغل و مش بيضيع فلوسه يمين و شمال فلازم تتعاونو مع بعض عشان اسرتكم
بس ممكن تناقشي الموضوع بهدوء مع زوجك و تقوليلو انك العمر بيجري فيكم و لازم تخففي من دوامك شوي عشان تربية الاطفال و كدة
وتتناقشو في موضوع السيارة هل هذا وقتها او هو ممكن يوصلك و يجيبك ..بس اهم شي تكونو رايقين عشان تطلعو بنتائج جيدة
الله يوفقك و يفتحها عليكم من وسع يارب
f
22-01-2008 | 04:02 PM
محد رد علي...و أنا إلي أتريا حد يواسيني
أ
22-01-2008 | 05:07 PM
حبيبتي ياسفني اقولج انه انتي الغلطانه لانج مو ملزومه تشترين بيت هاي مسؤوليه زوجك،، وغير هاي اذا بغيتي تعدلين من دوامك من حقك لان عندك بعد مسؤوليه بيت وكان بامكانج تقولين لزوجك اانا بروح بيت هلي لين تتحسن امورك مو موضوع زعل بس الدنيا غاليه وانا تعبانه لكن انج تساعدينه بالغالي..
طبعا طاح الفاس بالراس،، مالج الا الصبر واخذي سياره توصلج الدوام ليموزين او من عند اهلج،، وانتي قعدي معاه قعده صافيه وقولي له اللي بخاطرج وشلون انتي تعبانه والله يحنن قلبه عليج ان شاء الله..
طبعا طاح الفاس بالراس،، مالج الا الصبر واخذي سياره توصلج الدوام ليموزين او من عند اهلج،، وانتي قعدي معاه قعده صافيه وقولي له اللي بخاطرج وشلون انتي تعبانه والله يحنن قلبه عليج ان شاء الله..
ش
22-01-2008 | 10:33 PM
حبيبتى الله يعينك بس لازم السكن الريال يوفرة
انتى ساعدنى بس مو هالدرجه يمكن استقلها فرصه
انه اتساعدينه واستحمليه لانه الديون تسبب ضغط نفسى
انتى ساعدنى بس مو هالدرجه يمكن استقلها فرصه
انه اتساعدينه واستحمليه لانه الديون تسبب ضغط نفسى
B
22-01-2008 | 11:37 PM
أختي ..اقعدي معاه في وقت يكون هادي وقوليله ..انج تعبانه من الشغل وخلاص ماتقدرين تكملين ..وانج طول السنوات اللى طافت هلكتي نفسج بس عشان تعيشين انتي وهو مرتاحين ..وعشان تساعدينه فى مصاريف البيت..
هذا الكلام بيخليه يعرف انج تعبتي عشانه .. وعشان توفرين معاه حياة أفضل لكم..مش بس هو اللى تعبان..
وإن شاءالله يقدّر تعبج ..
هذا الكلام بيخليه يعرف انج تعبتي عشانه .. وعشان توفرين معاه حياة أفضل لكم..مش بس هو اللى تعبان..
وإن شاءالله يقدّر تعبج ..
م
22-01-2008 | 11:52 PM
الله يسهل امورك ان شاء الله
د
23-01-2008 | 12:06 AM
الله يسهل عليج يارب وان شاء الله كل شي له حل
*
23-01-2008 | 10:09 AM
اسمحيلي اختي زوجك من النوع الاتكالي عليكي لان انتي عودتي من البدايه
السكن لازم يكوون هو الي يوفره .......
لازم تختاااااااااري وقت مناسب عشاااان تتفاهمي معاه
السكن لازم يكوون هو الي يوفره .......
لازم تختاااااااااري وقت مناسب عشاااان تتفاهمي معاه
u
23-01-2008 | 12:25 PM
مرحبا اختي ..
قريت مشكلتج القبليه . وهي تتلخص في معنى واحد هو اتكاليه الزوج.. للعلم لباقي الزائرات والعضوات .. ان الهدف هو ليس تحريض الزوجه ضد زوجها .. بل وضع الامور في نصابها ...
وخطأك الاول انكي سمحتي لنفسك بأنكي تكوني ربه البيت والمعيل للعائله .. وان عرف السبب بطل العجب ... لان زوجك باين عليه خايف على راتبه .. ومو مقدر تضحيتك .. في نوعيه من الرجال يستحقو الضرب على الرأس لكي يستوعبو قيمه المرأه الي معاهم ...
اختي اتمنى سمعتي كلام الاخوات وارجعت دكتور نفسي ... لمشكلتك .. بالنسبه للوظيفه الجديه .. اتمنى تقبليها ... وبعدين انتي مو مجبوره تشترين الشقه .. وان اشتريتي الشقه . اجعليها بأسمك اختي . اهم شي .. في حال قررتي انج تاخذينها .. اختي اخذي اجازه في بيت اهلك ... وخبري زوجك بالتضحيات الي سويتها .. وانك ما تمننينها عليه بس لازم يقد هالشي .. وان اذا ما يبي يشتري السياره خلاص خليه يوفر لج السكن .... لا يتعلل بقرض الزواج السابق ,, والشي الثاني من ما عليه قروض الحين الكل عليه قروض
صح مطلوب من الزوجه انها تقدم تضحيات .. بس مو على حساب نفسه وراحتها . .لدرجه انك ما تتحملين بنتك بالليل ... بالنسبه اقبلي بالوظيفه الجديده .. لو راتبها قليل بس بتوفر لج راحه نفسيه .. لك ولبيتك .. وحاولي من الحين ان تنقلين مسؤولياتك حق زوجك وهالشي يبي له قوه في الشخصيه .. وكلن يعرف مقامه ,, والرجال قوامون على النساسما سمعنا العكس ..
من متى الحرمه هي المسؤوله عن كل . صغيره وكبيره .. صح انتي المفروض تساعدينه بس مو تسوين كل شي عنه ...
اختي حطي حل جذري وسريع .. والزوبعه الي فتعلها زوجك . ماهي الا امر جديد لم يتعود عليه .. ولان ما عنده رد للشي هذا سوا هالزوبعه كتغطيه .. انتي كلميه بهدوء وفهميه .. ان يشارك معاج بمسؤوليه البيت ,, والزميه بمصروف شهري. رضى ولا مارضى .... كحد ادنى من تحمل المسؤوليه.
اختي استمرارج للشي هذا ترى .فيه تنازل عن شخصيته ومسؤولياتج كأمرأه وتتحولي لرجل اتكاليه زوجك مع الوقت راح تحسسك بكراهيته اكثر واكثر .. ومراجعتك حق دكتور للمشاكل الزوجيه او النفسيه ... انصحج فيه ... عشان ممكن يساعدج وايد
اتمنى افدتج اختي
ام جنى والله يسر لك امرك
قريت مشكلتج القبليه . وهي تتلخص في معنى واحد هو اتكاليه الزوج.. للعلم لباقي الزائرات والعضوات .. ان الهدف هو ليس تحريض الزوجه ضد زوجها .. بل وضع الامور في نصابها ...
وخطأك الاول انكي سمحتي لنفسك بأنكي تكوني ربه البيت والمعيل للعائله .. وان عرف السبب بطل العجب ... لان زوجك باين عليه خايف على راتبه .. ومو مقدر تضحيتك .. في نوعيه من الرجال يستحقو الضرب على الرأس لكي يستوعبو قيمه المرأه الي معاهم ...
اختي اتمنى سمعتي كلام الاخوات وارجعت دكتور نفسي ... لمشكلتك .. بالنسبه للوظيفه الجديه .. اتمنى تقبليها ... وبعدين انتي مو مجبوره تشترين الشقه .. وان اشتريتي الشقه . اجعليها بأسمك اختي . اهم شي .. في حال قررتي انج تاخذينها .. اختي اخذي اجازه في بيت اهلك ... وخبري زوجك بالتضحيات الي سويتها .. وانك ما تمننينها عليه بس لازم يقد هالشي .. وان اذا ما يبي يشتري السياره خلاص خليه يوفر لج السكن .... لا يتعلل بقرض الزواج السابق ,, والشي الثاني من ما عليه قروض الحين الكل عليه قروض
صح مطلوب من الزوجه انها تقدم تضحيات .. بس مو على حساب نفسه وراحتها . .لدرجه انك ما تتحملين بنتك بالليل ... بالنسبه اقبلي بالوظيفه الجديده .. لو راتبها قليل بس بتوفر لج راحه نفسيه .. لك ولبيتك .. وحاولي من الحين ان تنقلين مسؤولياتك حق زوجك وهالشي يبي له قوه في الشخصيه .. وكلن يعرف مقامه ,, والرجال قوامون على النساسما سمعنا العكس ..
من متى الحرمه هي المسؤوله عن كل . صغيره وكبيره .. صح انتي المفروض تساعدينه بس مو تسوين كل شي عنه ...
اختي حطي حل جذري وسريع .. والزوبعه الي فتعلها زوجك . ماهي الا امر جديد لم يتعود عليه .. ولان ما عنده رد للشي هذا سوا هالزوبعه كتغطيه .. انتي كلميه بهدوء وفهميه .. ان يشارك معاج بمسؤوليه البيت ,, والزميه بمصروف شهري. رضى ولا مارضى .... كحد ادنى من تحمل المسؤوليه.
اختي استمرارج للشي هذا ترى .فيه تنازل عن شخصيته ومسؤولياتج كأمرأه وتتحولي لرجل اتكاليه زوجك مع الوقت راح تحسسك بكراهيته اكثر واكثر .. ومراجعتك حق دكتور للمشاكل الزوجيه او النفسيه ... انصحج فيه ... عشان ممكن يساعدج وايد
اتمنى افدتج اختي
ام جنى والله يسر لك امرك
ا
23-01-2008 | 01:46 PM
حبيبتي مافي حد بالدنيا مش مديون والفقر والتواضع مش عيب
انتي زوجتي تحملي معاه وهوني الامور وساعد قد ماتقدري
انتي زوجتي تحملي معاه وهوني الامور وساعد قد ماتقدري
h
23-01-2008 | 04:59 PM
الله يعينك ويسهل امورك ان شاء الله