الي خذوا منشطات هذا الشهر تعالوا نتجمع

مرحبا شخباركم خواتي وبالنسبه لجهاز التبويض نتايجه مو دقيقه يعني لاتعتمدين عليه والتبويض له علامات يعني عوار اسفل البطن وافراز شفاف مخاطي// وانا اشوف التبويض بالسونار احسن واضمن ثاني يوم الدوره و12 بعد الدوره/

بنــت النــور;5118017:
السلام عليكم ..

اختي جواهر مشكورة وان شاء الله هالشهر اخد الجهاز واشوف ..

مرمر حبيبتي انا سويت سونار باليوم العاشر وقالت لي الدكتورة من يوم 12 الى 14 التبويض بس انا حسيت بإلم التبويض باليوم 16 والدوره جاتني بعد 32 يوم يعني يفترض التبويض غير الايام اللي حددتها الدكتوره وانا ارجح عدم حدوث الحمل هذا الشهر لهذا السبب ما كانت الايام صح اللي عطتني اياها الدكتوره.
بس حبيت اسألك شنو ماركة الجهاز اللي استخدمتيه يمكن يكون نوعيه مو مضمونه؟ بصراحه خوفتوني اعتمد على الجهاز..!!

ما اذكر اسم الماركه لان هذي السالفه من زماااااااااااااااااااان ....جربي حظج و شوفي

مرحبا بنات..
انا تعبت من الابر وكل يوم اروح للدكتورة وبهدله روحة ومشاوير وألم يعني الله لا يضيعلنا تعبنا
يعني خلاص انا ما عاد افكر في هذه الطرق لا الشهر القادم ولا بعده ومتوكلة على الله والطرق الطبيعية وناوية ادور على العلاجات البديلة باذن الشافي المعافي.. لاني في هذه الفترة من كثر ما تعقدت من هالأشياء صار بامكاني اعمل بحث كامل عن هالاشياء!!!
يااا رب ربي هب لنا من الصالحين

سوري اسفة على اللي كتبته استغفر الله احيانا الشيطان يخلي الواحد ييأس...
لا ان شاء الله استقوي بالرحمن واستمر...
بنات تمر عليكم مثل هيك لحظات؟!!!

انا ناوية اغير اسلوب حياتي، وسمعت ان الرياضة تحسن الخصوبة لانها تحسن الدورة الدموية خاصة الرياضة اللي تحرك النصف السفلي من الجسم! طيب عادي العب على الاوربتراك وانا بتعالج وبحاول؟ ام ممكن يأذي؟ والى متى ممكن الوحدة تلعب عليه؟

مرحبا شخباركم وينكم محد بين شدعوه؟؟ نبي تشجيع من بعض وبالنسبه حق السؤال عن جهاز الرياضه اورب تراك انا بعد ودي استفسر منو جربت تلعب رياضه وهي تعالج تدرون الوزن زايد مع النفسيه والله يعين

هلا خواتي ضحاوي و Palms

فعلا الرياضه مفيدة مع استعمال المنشطات لانها تساعد على الاستجابه للدواء بشكل فعال

حتى الدكتوره خبرتني اول ما عطتني الكلوميد قالت لي حاولي تسوين رياضه حتى لو رياضه خفيفه وخلي وجباتك خفيفه لا تكثرين خلال ايام التبويض بالذات عشان يصير حمل

وموفقات ان شاء الله

وانا متفائله خير هذا الشهر لانه بشرونا ثنتين من خواتنا المتأخرات بحملهم وانا شاء الله كلنا وحده وراء الثانيه كل يوم خبر حلو قولوا امييييييييييييييييييين يارب

اختي بنت النور

ان شاء الله يارب تحملين هالشهر وتبشرينا

اكثري من الدعااااء والله كريم

سلام عليكم كلكم و اخباركم بنات شو مسوين ...و عن الرياضه اسالوا الدكتورات قبل و عن اي نوع من الرياضه احسن ...

صار وياياه شي غريب ما ادري اذا صار لحد قبل ....نزلت الدوره قبل لا اخلص حبوب البرجسترون مب المفروض انها ما تنزل لين بعد ما اخلص الحبوب ؟؟؟

مرمر
كيفك؟ انا اللي فهمته من دكتورتي ان حبوب البروجسترون ما تأخر الدورة وبالعلامة قالتلي استمري عليها وما توقفي الا اذا جاءت الدورة -لا قدر الله- !!

Palms;5125524:
مرحبا بنات..
انا تعبت من الابر وكل يوم اروح للدكتورة وبهدله روحة ومشاوير وألم يعني الله لا يضيعلنا تعبنا
يعني خلاص انا ما عاد افكر في هذه الطرق لا الشهر القادم ولا بعده ومتوكلة على الله والطرق الطبيعية وناوية ادور على العلاجات البديلة باذن الشافي المعافي.. لاني في هذه الفترة من كثر ما تعقدت من هالأشياء صار بامكاني اعمل بحث كامل عن هالاشياء!!!
يااا رب ربي هب لنا من الصالحين

شوفي كلنا لما تقرب موعد الدوره نثور و نتملل و نقول خلاص كفايه ما بنكمل...و العتب على الهرمونات مب علينا ....لكن بعدها بكم يوم نهدا ...حتى انا لما قريت كلامج اول مره كان فيني نفس الشعور ان خلاص مليت و ما بتعالج و مب مهم ..لكن الحينه خلاص هدت اعصابي الحمدالله ...و الفضل للسوق لاني رحت السوق و طلعت كل الي في خاطري و رجعت فرحاااااااااانه و ما عندي صبر ابدا مره ثانيه العلاج....فيعني هونيها و تهون و اي مره اتيج هذي الحاله عادي ادخلي و فضفضي بالموضوع اذا هذا يريحج و يهدي اعصابج ....و نحن بالنهايه هني علشان نهون على بعض و نصبر انفسنا ....و ربي ييسر لج و يرزقج بالذريه الصالحه

Palms;5139353:
مرمر
كيفك؟ انا اللي فهمته من دكتورتي ان حبوب البروجسترون ما تأخر الدورة وبالعلامة قالتلي استمري عليها وما توقفي الا اذا جاءت الدورة -لا قدر الله- !!

صح امس رحت للدكتوره و قالت لي نفس الشي

السلام عليكم
بنات وينكم؟ ما في اخبار حلوة؟
مين بدأت هذا الشهر من أول وجديد؟

هذا الشهر للاسف عملت اشعة على المهبل وكان اكبر حجم البويضة 8 فى يوم 14 وان شاء اللة خير . حاخذ كلوميد وابر من الشهر الجاى . وان شاء اللة احمل بدونها .

Palms;5159879:
السلام عليكم
بنات وينكم؟ ما في اخبار حلوة؟
مين بدأت هذا الشهر من أول وجديد؟

انا من الي بدوا من اول و يديد ...و من بديت المنشط و انا انسى اخذ الحبه بوقتها و ما اتذكر لين بعد ساعتين و لا ثلاث ...الله يعين و ان شاء الله ما ياثر على شغل المنشطات ...و على اخر الاسبوع عندي سونار يشوفون شو صار بالبويضه و ان شاء الله خير


و ربي ييسر و يرزق الكل بالذريه الصالحه يا رب

ليش يا مرمر تفرق اذا ما انتظمنا باخذهم؟؟؟!! انا كمان كل يوم آخذهم بوقت مختلف!!!

Palms;5166612:
ليش يا مرمر تفرق اذا ما انتظمنا باخذهم؟؟؟!! انا كمان كل يوم آخذهم بوقت مختلف!!!

ما اعرف عن نوع الحبوب الي تاخذينها ....لكن الي انا اخذها مكتوب على العلبه لازم اخذها كل يوم بنفس الوقت ...اتوقع يعتمد على نوع الحبوب اسالي الدكتوره على نوع حبوبج و اذا لازم تاخذينهم بنفس الوقت كل يوم و لا ما يفرق

انا هذا ثاني شهر لي مع الابر, اول شىء بديت بالكلوميد لمدة خمس ايام و بعدها اخذت ابرتين جونال ف و ابرة تفجيرية و طلع عندي اربع بويضات بحجم جيد و اليوم عملت التلقيح الصناعي, على فكرة عملية بسيطة جدا و ما تاخذ دقائق و ما في الم ادعولي تنجح من اول مرة و ما احتاج اخذ الابر مرة ثانية

و بالنسبة لمواعيد الحبوب لازم تاخذوها بنفس الموعد يعني اذا كانت حبتين تاخذيها الساعة 8 الصبح و الساعة 8 المساء. و انا حتى ما انسى اعمل تنبيه عالموبايل حتى اخذه بنفس الموعد بالضبط

new member
ربي يتمم لج على خير و ينجح التلقيح و تبشرينا بحملج ان شاء الله

و على الحبوب صدقج يبانا نحط منبه علشان الحبوب و الحين خلاص راحت علي لان اليوم اخذت اخر حبه ..


و ربي يوفق الجميع .

صباح الخير بنات شلونكم شخباركم ونشاء الله االامور تمام ونسمع اخبار حلوه

موعد الدورة قرب

من يقرب موعدها دووم احس بعوار في الظهر من يومين وانا تعبانه منه الحمدلله على كل حال

وان شاء الله ما شوفها الا بعد 9 شهور يارب

بنات دعواتكم لي

اليوم انا انضم معاكم لان اليوم كان عندي موعد بالمستشفى ووصفولي

ابر منشطه ابدي من اليوم

يارب ان شاء الله ما يضيع تعبنا و نحمل هالشهر