الي خذوا منشطات هذا الشهر تعالوا نتجمع

السلام عليكم يالغاليات الله يرزقكن الذريه الصالحه
والحرقان والوعه والم المعده كله من الكلوميد وبعد يسبب صداع وعصبيه واكتئاب وانتفاخ وغثيان وحبوب في الوجه وغيره الله يعينا على هالادويه والله يرزقنا بالذريه الصالحه

بنات شورو علي
هذا اول شهر استخدم الكلوميد افكر اني اطنش متابعه التبويض مع الدكتوره واخليها على البركه الشهر هذا
وش رايكم
يعني لازم اخذ ابر تفجيريه ولا مولازم

مجدولين 11;5655663:
بنات شورو علي
هذا اول شهر استخدم الكلوميد افكر اني اطنش متابعه التبويض مع الدكتوره واخليها على البركه الشهر هذا
وش رايكم
يعني لازم اخذ ابر تفجيريه ولا مولازم

مهم جدا المتابعه مع الدكتوره علشان تتاكد من الادويه و جرعتها انها تناسبك و ان جسمك يستجيب له ... و علشان تعرفين يوم الاباضه بالضبط

و الابر التفجيريه يعطونها عند اللزوم يعني اذا وصل حجم البويضه للحجم المناسب و لكن هرمونات الجسم ما تخلي البويضه تطلع ...فابره تخليها تطلع

لازم متابعه مهم جدا جدا لا تطنشينها

جزاك الله خير مرمر
ان شاء الله بسمع كلامك
واتابع عند الدكتوره

بنات اعراض الكلوميد متى بالضبط في الأيام الي تاخذ فيها الكلوميد او لا...صادتني اعراض غريبة في اليوم 20

اعراض استخدام الكلوميد تستمر طول الشهر مو بس وقت استعمالها والله يعيننا ويرزقنا جميعا امين

وينكم يالحلوات ان شاء الله تكونون كلكم حوامل
انا متاخره عني الدوره يومين توقعون اذا حللت بالتحليل المنزلي تبان النتيجه ومشكوريييييييييييييييين

بنات انا حدي منصدمه انا كتبت رد من قبل اذا قريتوه وقلت لكم انه الدكتوره قالت لي مستحيل احمل هالشهر 3 مرات اسألها وتقول مستحيل يصير حمل وحطمتني بس الصدمه اني امس حللت وطلعت حامل مو مصدقه راح اكتب موضوع اشرح فيه بالتفصيل شنو صار معاي

الف الف مبروك يا عواطف...هي ليش قتلك مستحيل الله يسامحها؟؟؟ مافي شئ مستحيل على رب العالمين

om_hamadhh;5684618:
وينكم يالحلوات ان شاء الله تكونون كلكم حوامل
انا متاخره عني الدوره يومين توقعون اذا حللت بالتحليل المنزلي تبان النتيجه ومشكوريييييييييييييييين

أم حمادة نطري يومين تانيين وحليي بلكي المنشطات أخرت الدورة

اختي الغاليه عواطف الف الف الف مبروك بعدين مايعلم الغيب الا الله
الله يرزقك ويرزق جميع المحرومات
اختي شيراد مشكووووووووووووووووووووووووووووووووووووووووووووووووووره على الرد وان شاء الله باسمع كلامك وانتظر وتسلمين يالغاليه

الشكر لله يا أم حمادة ...ويارب تفرحي بالحمل ياااااااااااااارب
وكل بنات المنتدى....وأنا معاكم طبعاً هههههههه

اليوم لي 4من اخذت الكلوميد الله يعين ولي يوم الاثنين موعد عند الدكتوره

يا بنات الكلوميد يتاخد اليوم الثالث ولا الخامس من الدوره احترت مع الدكاتره

السلام عليكم مشكورين حبايبي والله يبارك فيكم وبقولكم شصار معاي بالضبط انا اخذت المانع فتره سنه ونص وتركت المانع شهر 11 اللي طاف وما سويت شي طول الفتره اللي طافت بس الشهر اللي طاف قررت اني اشوف شنو السبب اني ما حملت رحت لمره عندها خبره بطب الاعشاب بس طلعت مسافره قلت خيره من الله ببتدي آكل كلوميد واشوف واكلت كلوميد خامس يوم الدوره وكنت احط اييدي على بطني و أقرأ سوره آل عمران ومريم وفي اليوم 11 للدوره سويت سونار داخلي للتبويض قالت لي تبويضك ضعيف حيل مستحيل تحملين هالشهر اكبر بويضه 5 مللي وعشان تحملين لازم تكون اكبر من 18 قلت انا اخذت كلوميد قالت ماخذه كلوميد وجذي تبويضك ضعيف حيل لازم نبتدي كورس علاج مكثف قوي وعطتني مجموعه تحاليل اسويها والمفاجأه اني حللت وطلعت حامل واهي تقولي بدال المره ثلاث مرات مستحيل يصير حمل مع اني ما عندي اي مشاكل بالحمل من قبل الله يسامحها ويوفق كل البنات ويبشرونا بحملهم هالشهر.

عووواااطف;5701971:
السلام عليكم مشكورين حبايبي والله يبارك فيكم وبقولكم شصار معاي بالضبط انا اخذت المانع فتره سنه ونص وتركت المانع شهر 11 اللي طاف وما سويت شي طول الفتره اللي طافت بس الشهر اللي طاف قررت اني اشوف شنو السبب اني ما حملت رحت لمره عندها خبره بطب الاعشاب بس طلعت مسافره قلت خيره من الله ببتدي آكل كلوميد واشوف واكلت كلوميد خامس يوم الدوره وكنت احط اييدي على بطني و أقرأ سوره آل عمران ومريم وفي اليوم 11 للدوره سويت سونار داخلي للتبويض قالت لي تبويضك ضعيف حيل مستحيل تحملين هالشهر اكبر بويضه 5 مللي وعشان تحملين لازم تكون اكبر من 18 قلت انا اخذت كلوميد قالت ماخذه كلوميد وجذي تبويضك ضعيف حيل لازم نبتدي كورس علاج مكثف قوي وعطتني مجموعه تحاليل اسويها والمفاجأه اني حللت وطلعت حامل واهي تقولي بدال المره ثلاث مرات مستحيل يصير حمل مع اني ما عندي اي مشاكل بالحمل من قبل الله يسامحها ويوفق كل البنات ويبشرونا بحملهم هالشهر.

عواطف الف الف مبروك والله يتمم حملك على خير يارب


سبحان الله مايعلم بالغايب الى الله

وانا صار لي خمس ايام اليوم خلصت من الحبوب الله يكتب لي ولكم الي في الخير يارب

وموعدي مع الدكتوره الاربعاء

الف مبرووووووووووووووووووووووووووووووووك ياعواطف الله يتتم عليك انشاءالله

مرمر;5652638:
حياج ويانا ام شهد ...و اذا يسبب لج دوخه و غثيان ممكن تسالين الدكتور اذا عادي تاخذن حبوب للغثيان ...

و ربي يوفقج و ييسر لج و يرزقج بالذريه الصالحه ان شاء الله

الله يسمع منج مرمر مشكوره يالغاليه ماقصرتي


الحمد لله خلصت الحبوب وموعدي مع الدكتوره يوم الاربعاء الله يسر يارب

الله يرزقني وكل محرومه يارب ياكريم

انا اخذت كلوميد خمس ايام وابرتين بريجنل ...وحللت أمس دم وطلعت حاااااامل
لا تيأسوا يا بنات من رحمة الله....ياااااااااااااااااارب يتبث حملي ويرزقكم الذرية الصالحة