الي خذوا منشطات هذا الشهر تعالوا نتجمع

هلا مرمر والاخوات
لى مكان عندكم بالتجمع ولا لا
انا بدخل على طول بالموضوع
متزوجة من الاعطلة الى فاتت لى ثمنية شهور يعنى
وذا الشهر اول مرة اخد منشطات كان عندى تبويض خمسة وهرمون الحليب ثمنية وعشرين
والحمد الله تابعة التبويض مع الدكتورة الى مصار التبويض عشرين وحتلى ايام الجماع وانتظر الدورة ذا الشهر انشالله ما تجى
وانشالله كلنا نحمل قريب

هلا مليت ان تظار توكلى على ربك امكن يزيد حجم البويضة

يسلموووو مرمر على هالتجمع


وانا مثلكم انا اول شهر لي اخذ كلوميد بس الدكتوره ماعطتني ابره تفجيريه


على قولتها صارت عندي حجم البويضه كبير


وقالت بعد (( في بيض واجد )) لوووووووووول ضحكتني يوم قالت كذا اقولها العالم ازمه بيض عندنا


وانا بطني مترووووووووووس خخخخخ


وعطتني دفستون لمده 10 ايـام والحين انطر الدوره والله كريم


(( ربي لاتذرني فردا وانت خير الوارثين ))

ممكن انضم معكم؟
انا هذا اول شهر اخذ منشطات والدكتورة وصفتلي ابر فورا!!! الصراحة بعد ما قرات ردودكم استغربت ليه ما وصفتلي الحبوب قبل الابر!

يسعدني اني اشارك معاكم في هذا التجمع...وخصوصا بعد الحاله النفسية اللي صابتي يوم جتني الدورة الشهر

الماضي.......طبعا اي وحده تقرا كلامي بتقول لي ماعليه كلنا نمر في هذا الموقف...... لكن اسمحوا لي انا

موقفي كان اصعب لاني فحصت دم وقالوا لي ايجابي يعني حامل وقعدت 5 ايام احسب اني حامل وبعدين فحصت


مرة ثانيه عشان ارتاح قالوا لي سلبي يعني مافي حمل ...والفحص الاولاني كان عندي هرمون الحمل مرتفع

بعدها بيومين نزلت الدورة ..........نفسيتي تعبت الشهر الماضي عسى ربي يعوضني يارب

انا هالشهر شربت كلوميد 3 حبات مع بعض من 3 يوم للدورة لين 8 يوم

واليوم 13 للدورة خذيت ابرة بس كانت جرعتها خفيفة لاني يوم فحصت بالسونار كان عندي بويضه حجمها 20 ملم

تقريبا .......... المهم انا حاليا قاعده انتظر موعد الدورة عشان اشوف النتيجه ولو انه دورتي مو منتظمة


لكن هذا اخر شهر اخذ فيه الكلوميد الدكتورة قالت الشهر الياي بتستعمل معاي الابر


ادعوا لي يابنات دخيييييييييييييييييييييلكم


ربي يرزقني واياكم الذرية الصالحة آآآآآآآآآآآآآآمين

حبيبتي مليت انتظر

الدوره عندج منتظمه الحمدالله بس حجم البويضه صغير

فيمكن الكلوميد بيكبرها ويصير الحمل ان شاء الله

انا الدكتوره كتبت لي كلوميد بس ماخذته خفت

قلت بنتظر هالشهر واشوف...بس خذت هالشهر جلوكوفاج بعد يساعد على نضوج البويضه

توكلي على الله مادام حجم البويضه عندج صغير ...

السلام عليكم

كيف حالكم ياحلوات؟؟؟؟؟

انا جديده في هالنافذه الحلوه اللي جمعت وجوه حلوه وقلوب منتظره واملها بالله كبير

بالنسبه لي انا متزوجه لي 7 شهور وبديت بالعلاج من الشهر الخامس من زواجي كنت ابي انتظم دورتي لانها تلخبطت عقب زواجي وصارت تتاخر وتتعبني بالمررررررره المهم لخبطه الدوره عندي كانت بسبب هرمون الحليب بديت له علاج واخذت الدافستون جتني الدوره مرتين واخذت كلوميد وهذاني قاعده انتظر معاكم الدوره والله كريم

بنات بسألكم الحين اذا صار الصدر يوجع بالمرررره قبل تنزل الدوره هل معناه هرمون الحليب مرتفع؟


سيووووووووووووو

[حبيباتى ( جليسة القمر * جواهر ) شكرا على مروركم الكريم . حبيت اسال انا صار معاى الم ايام التبويض جهة المبيض اليمين نغزات تروح وتجى مع ان التبويض ضعيف عشان كذا مترررررررررددة حيل . كيف التبويض ضعيف وفية الم وافرازات . مع انة اخذ ( فيتامين E) وفولكاسد . وقبل كنت اخذ حبوب زيت السمك وحبوب سكر .

احد مثلى طمنونى .


بس عموما انا انتظر دورتى بعد اسبوع ... وان شاء اللة خير املى فى اللة وليست الادوية الذى بيدة ملكوت كل شى .

اختي مواطنه مادري والله هل سبب الم الصدر هرمون الحليب

اختي مليت انتظر طبيعي هالالام في المبايض قبل الدوره حتى لو حجم البويضه صغير او التبويض ضعيف
الالم هذا طبيعي ويصيد كل البنات قبل الدوره

انتي انتظري هالشهر ولو ماصار حمل توكلي على الله وخذي كلوميد تر ماله اثار سلبيه بس اهم شي تكملين متابعه مع الدكتوره يوم 13 تروحين لها عشان تشوف حجم البويضه وهل تحتاجين ابره او لا

لو مارحتي ممكن تكبر البويضه اكبر من الحجم الازم وتاثر عليج

فلازم تتابعين مع الدكتوره يوم 13 او 12 من الدوره


والله يرزقنا كلنااااااااااااا ونحمل هالشهر

بنات من فيكم عمرها 30 واكثر وللحين ماحملت...يعني تنتظر حملها الاول

انا عمري 30 وخايفه ان العمر له تاثير ...

مليت انتظر;5022772:
["]بسم اللة الرحمن الرحيم
[اخواتــــــــــــــــــــى العزيزات انا اول مرة اكتب فى المنتدى . حبيت الموضوع خاصة انة نفس معناتى اولا هذا اول شهر اخذ منشطات ومو عارفة اخذ او لا لانة خايفة واللة

هذا الشهر حاخذ ( كلوميد ) ومترددة لانة عندى الحمد اللة الدورة منتظمة بس التبويض ضعيف حجم البويضة 13 الشهر اللى فات مانى عارفة اصبر واللة اخذ الكلوميد يمكن طبيعى تكبر لانى لى 7 شهور متزوجة خائفة تتلخبط هرموناتى ...........؟





اللة يعافيكم ردو على اخذ او انتظر ...؟ فية احد مثلى انتظر رد......؟

حرام توج سبع شهور متزوجه ...اصلا يقولون لازم الوحده ما تروح الدكتوره الا بعد سنه زواج ..و البويضه كل شهر صغيره و لا بس الشهر الماضي كانت صغيره ...شوفي ضروفج العائليه و احكمي اذا محتاجه الحين تاخذين العلاج و لا اذا مافي مشكله تنتظرين

جوااهر;5029483:
بنات من فيكم عمرها 30 واكثر وللحين ماحملت...يعني تنتظر حملها الاول

انا عمري 30 وخايفه ان العمر له تاثير ...

اول شي اعرف وايد حملوا و هم عمرهم 30 و حتى اكبر من ال30 و جابوا عيال و الحمد الله ..و شوفي الاجانب اصلا ما يتزوجون و لا ايبون عيال الا لما يصير عمرهم 40 سنه ..... و ثاني شي صح العمر له تاثير..لكن هذا ما يعني انج تياسين ...هذا بس يعني لازم تشدين الحيل بالعلاج و تلتزمين فيه و ما تضيعين وقت ابدا ...و ان شاء الله ربج برزقج بالذريه الصالحه ان شاء الله

جليسةالقمر;5022803:
هلا مرمر والاخوات
لى مكان عندكم بالتجمع ولا لا
انا بدخل على طول بالموضوع
متزوجة من الاعطلة الى فاتت لى ثمنية شهور يعنى
وذا الشهر اول مرة اخد منشطات كان عندى تبويض خمسة وهرمون الحليب ثمنية وعشرين
والحمد الله تابعة التبويض مع الدكتورة الى مصار التبويض عشرين وحتلى ايام الجماع وانتظر الدورة ذا الشهر انشالله ما تجى
وانشالله كلنا نحمل قريب

اول شي هلا بيج بينا .... و ان شاء الله تكونين من اول مغادرين هذا التجمع الي تجمع الحوامل ...ان شاء الله

و كلنا ننتظر الاخبار الحلوه ان شاء الله ...طمنينا

تسلمين اختي مرمر على كلامج الحلو وريحتي بالي من التفكير شوي


الله يرزقنا كلنا هلاشر ونحمل

تفاحه قطر;5023078:
يسلموووو مرمر على هالتجمع
وانا مثلكم انا اول شهر لي اخذ كلوميد بس الدكتوره ماعطتني ابره تفجيريه
على قولتها صارت عندي حجم البويضه كبير
وقالت بعد (( في بيض واجد )) لوووووووووول ضحكتني يوم قالت كذا اقولها العالم ازمه بيض عندنا
وانا بطني مترووووووووووس خخخخخ
وعطتني دفستون لمده 10 ايـام والحين انطر الدوره والله كريم
(( ربي لاتذرني فردا وانت خير الوارثين ))

سؤال ...الدفستون هو دواء هرمون البرجسترون الي بعد ما توقفينه تنزل الدوره و لا دواء شي ثاني ..؟؟؟

و ان شاء الله ربي يكتب لج الحمل هذا الشهر و يتممه على خير ان شاء الله ..طمنينا عليج

Palms;5024573:
ممكن انضم معكم؟
انا هذا اول شهر اخذ منشطات والدكتورة وصفتلي ابر فورا!!! الصراحة بعد ما قرات ردودكم استغربت ليه ما وصفتلي الحبوب قبل الابر!

هلا بيج و يعتمد على الحاله ...اذا شاكه اتصلي فيها و اساليها ليش على الابر على طول ما بدت في الحبوب ؟؟؟

ظِلاًل الأنُوثة;5024799:

مساء الخير
أتمنى ان تقبلوني معاكم بهالتجمع وان شاء الله يكون خير علينا وان شاء الله الشهر الجاي نسمع أخبار حلوة وكل وحده تبشرنا بحمالها

بتكلم عن نفسي
أنا صارلي سنه وشهر من متزوجه وللحين ما صار حمل أخذت منشطات كم شهر
وبعدين ريحت قلت بخلي كل شي طبيعي لين يصير لي سنه
ورجعت خذت منشطات من الشهر اللي فات والشهر هذا كمان لان ما صار حمل
واكتشفت بعد ماجتني الدوره هرمون الحليب مرتفع 30 مع اني تعالجت من من زمان وصار أحسن والحين رجع مره ثانيه
والحين علاجي كلوميد وحبوب لهرمون الحليب و فيتامين
والله كريم
والشهر الجاي اذا جتني لازم أروح أراجع عند الدكتورة احتمال تسوي لي أشعه الصبغه للأطمئنان
(( ربي لاتذرني فردا وانت خير الوارثين ))

هلا بيج اختي ... و الله كريم و ان شاء الله تسمع اخبار حلوه هذا الشهر

مواطنه;5027515:
السلام عليكم
كيف حالكم ياحلوات؟؟؟؟؟
انا جديده في هالنافذه الحلوه اللي جمعت وجوه حلوه وقلوب منتظره واملها بالله كبير
بالنسبه لي انا متزوجه لي 7 شهور وبديت بالعلاج من الشهر الخامس من زواجي كنت ابي انتظم دورتي لانها تلخبطت عقب زواجي وصارت تتاخر وتتعبني بالمررررررره المهم لخبطه الدوره عندي كانت بسبب هرمون الحليب بديت له علاج واخذت الدافستون جتني الدوره مرتين واخذت كلوميد وهذاني قاعده انتظر معاكم الدوره والله كريم
بنات بسألكم الحين اذا صار الصدر يوجع بالمرررره قبل تنزل الدوره هل معناه هرمون الحليب مرتفع؟
سيووووووووووووو

لا مب شرط الم الصدر البطن الظهر كلها عوارض طبيعيه للدوره مالها خص بالهرمونات اذا زايده او لا ...و ان شاء الله اخر انتظارج خير ...و طمنينا عليج

مليت انتظر;5028642:
[حبيباتى ( جليسة القمر * جواهر ) شكرا على مروركم الكريم . حبيت اسال انا صار معاى الم ايام التبويض جهة المبيض اليمين نغزات تروح وتجى مع ان التبويض ضعيف عشان كذا مترررررررررددة حيل . كيف التبويض ضعيف وفية الم وافرازات . مع انة اخذ ( فيتامين E) وفولكاسد . وقبل كنت اخذ حبوب زيت السمك وحبوب سكر .
احد مثلى طمنونى .
بس عموما انا انتظر دورتى بعد اسبوع ... وان شاء اللة خير املى فى اللة وليست الادوية الذى بيدة ملكوت كل شى .

اتوقع الالم شي طبيعي ماله دخل اذا التبويض ضعيف او لا ....طمنينا عليج و كلنا ننتظر وياج لاسبوع ... و ان شاء الله خير

[QUOTE=شمخاويه;5024729]

اختي شمخاويه


الله يصبرج ان شاء الله و ما يضيع لج صبرج و لا تعبج و لا فرحتج يا رب ... صدق موقف صعب وااااااايد ....فرحت الخمس ايام هذي كم كانت تسوى ..الله يعوضج خير هذا الشهر ان شاء الله و ما تحتاجين ابر و تحملين يارب العالمين


.ذكرتيني في موقف صار لي و لو انها كانت 10 دقايق بس لكني ما انساها لليوم ...مره تاخرت الدوره علي شهر و زياده و كان شكله زوجي متامل و كل شوي يحن عليه يبي يشتري لي اختبار حمل ...و انا اصلا قبلها باسبوع كنت مسويه اختبار و طلع سلبي مافي حمل و ما قلت له ....المهم راح و اشترى لي تحليل بس مب من النوع الي متعوده عليه ....انا متعوده على الي يطلع لج فيه خطين ...يعني اذا خطين حامل و اذا خط واح لا ....و الي جابه زوجي في نافذتين وحده تطلع لج خط افقي و الثاني عمودي و يصير + مثل الي بالصوره



المهم و انا مخي مبرمج على اني لازم اشوف خطين و طلع لي خطين و يلست في الحمام تكرمون يمكن نص ساعه و انا انتفض و ارتجف و الدموع ما توقف من فرحت الخطين و بعدين طلعت لزوجي و فرحانه و مسوي فيها قويه و قلت له طلع لي خطين و المسكين من فرحته و الصدمه و قف و ما تحرك و الدموع كلها في عيونه و ما سكنهم بالقو لا تنزل ... و يقول لي ما تبين تصيحين ما تحسين نفسج تبين تصيحين من الفرح (((شكله يبيني اصيح علشان هو يصيح المسكين )) بعدين قالي ما اصدق بروح اشوف التحليل بنفسي ... و شال العلبه و علشان يقارن النتجيه و هو منصدم ماسك العلبه و التحليل و يقول لي وين وين الموجب وين وين ...هو بس قال جذي انا تمنيت الارض تنشق و تبلعني ...والله تميت اسبوع احس عمري مب قادره اشوفه في عيونه من الغلطه الي سويتها ...و هو المسكين يقول لي ما عليه مافيها شي لا تزعلين نفسج ...و انا ما كنت زعلانه لاني مب حامل ...لكن زعلانه على زوجي المسكين و فرحته ....ياله الله يعوض صبه خير و يفرح هذا الشهر ان شاء الله

شوفتي هذا الموقف كله ما خذ نص ساعه لكن الفرحه شو كانت ....فما بالج انتي تميتي خمس ايام صدق صدق صعبه و الله قلبي عورني عليج .....يارب يارب يصبرج و يارب تحملين هذا الشهر ان شاء الله

شمخاويه;5024729:

موقفي كان اصعب لاني فحصت دم وقالوا لي ايجابي يعني حامل وقعدت 5 ايام احسب اني حامل وبعدين فحصت
مرة ثانيه عشان ارتاح قالوا لي سلبي يعني مافي حمل ...والفحص الاولاني كان عندي هرمون الحمل مرتفع
بعدها بيومين نزلت الدورة ..........نفسيتي تعبت الشهر الماضي عسى ربي يعوضني يارب

انا قرات مرة عن ما يسمى بالحمل الكيميائي، على ما فهمت ان ممكن يكون صار حمل وتم لكن ما كان قوي كفاية وراح وهذا طبيعي جدا كون معظم النساء كاني قرات 70 % من النساء يحدث معهم هذا الشيء كل شهر!! مشان هيك الاجانب ما بيجبوا يفحصوا قبل ما يفوت على موعد الدورة يومين حتى ما تصير الوحدة تتحسر وتخرب نفسيتها..

فنصيحة لكل الاخوات ما تفحصي قبل ما يفوت على موعد الدورة يومين -مع اني اول وحدة تخلف هالموضوع ما عندي صبر:tongue:
عقبال ما تتأخر على الجميع 9 اشهر على خير(a)

انا يا خواتي لي سنة من المحاولات
اخذت كلوميد و ابر تفجيرية مرتين و بشكل متقطع و هذا اول شهر اخذ ابر, اخذت اربع ابر و طلع بويضتين واحدة بحجم 18 وواحدة 23 , هو كان في اكثر من بويضة لكن فقط اثنتين وصلوا للحجم المطلوب و الحين اخذ دوفاستون و اسبرين و موعدي السبت القادم لعمل التحليل و اول مرة احس اني ما عندي رغبة اروح اشتري تحليل البول مع اني كل شهر اجيب اكثر من واحد و احلل قبل موعد الدورة و اذا طلع سلبي اقول يمكن ما بان و احلل بعد موعدها و ما افقد الامل حتي تيجي الدورة حتى اخر مرة حللت فيها طلعلي خطين و واحد منهم خفييييييييف و صار اغمق بعدين, و عشت على الامل يومين و لما طلع الخط الخفيف و شافه زوجي طلب مني ما انفعل و افرح حتى نتأكد لانه يعرفني مجنونة المهم اخذنا التحليل و رحنا على الصيدلية اللي اشترينا منها الفحص و كان في واحدة فليبنية , شافت التحليل و قالت نيجاتيف مدام نيجاتيف وانا اضحك و اقول لزوجي سمعت شو تقول؟ هو استغرب ليش فرحانة. انا من الحالة اللي انا فيها سمعتها تقول بوسيتيف و فرحت على هالاساس. لكن ان ما اقتنعت و قلت هذي مش اول مرة احلل و عمره ما طلع خط ثاني هذا اكيد حمل, و اخذت من نفس الصيدلية فحص من نوع ثاني و اغلى لكن طلع خط واحد و انا فيي عادة اول ما يطلع سلبي ارميه في الزبالة على طول لكم ارجع بعد 10 دقائق و ادور عليه و اشوف يمكن طلع خط ثاني و احطه فوق الضو و تحت الضو على امل اشوف هالخط و يومها ما طلع هالخط و صرت اكره الخطوط الحمراء حتى الجبنه الشرائح اللي فيها خط احمر حتى تفتيحيها ما اجيبها, و نرجع لموضوعنا قال زوجي بكرة الصبح اعملي تحليل دم انا قلت اصبر شوي و اعيش في الامل و فعلا بعد يومين رحت عملت تحليل, دم غبت ساعة و رجعت كانت اللي في المختبر مصرية لطيفة و انا طبعا شرحتلها تجربتي مع فحص البول و لما رجعت نظرت لي نظرة غريبة و كانت تبتسم و تقول حبيبتي ما في حمل انا ما صدقت و كنت انتظر انها تمزح معي و انها راح تقول مبروك لكن ما قالت, قالتلي معلش حبيبتي خيرها فغيرها طبعا تعرفون الحالة اللي تصير في السيارة من المختبر للبيت و حالة الدمار الشامل اللي تشعر فيها الوحدة منا, المهم ثاني يوم ما شرفت و تجدد الامل لانه انا دورتي منتظمة و ما تتأخر, فقررت ثاني يوم اشوف دكتور ثاني و فعلا رحت عند دكتور مشهور جدا في قطر و في الطريق حسيت بالم الدورة و بشكل مفاجىء و نزلت و خلص المسلسل و بديت مسلسل العلاج الجديد اللي ذكرته اول.
كيف قصتي ممتعة؟

new member

قصتج مثل قصصنا ... و خاااصه يوم ترجعين تدورين التحليل و تلفينه تحت الاضائات و الليتات مليون مره يمكن في خط بس ما بين..ضحكتيني بصراحه يعني طلعت مب انا الوحيده الي تسوي جذي ... ....

و بعد كثر التفيكير الي غضبا عنا ادري نفكر فيه ....يخلي الدوره تتاخر ....حتى ركزوا شوي بتلاحظون ان الشهر الي يكون عندكم امل و يقين انكم حمل الدوره تتاخر اعراضها تزيد يعني الالم يكون اكثر في البطن و الظهر و الصدر ..يعني كل شي يزيد لدرجه انه يخلينا نتامل اكثر ان هذي المره حامل صدق


هذا الامل الي في داخلنا ....و المهم انه يتم و يتم اصرارنا و عزيمتنا ....و دايما نخلي في بالنا انا مب حامل هذا الشهر لكن الشهر الياي ان شاء الله

و يارب يحقق امالنا كلها ان شاء الله