الي خذوا منشطات هذا الشهر تعالوا نتجمع

اهلين خيتووو .. الله يبارك بعمرك يارب وعقبالك انشالله

لا ابد أسالي اللي تبين مافيها تعب ولا شي ..

انا لي فتره ماعالجت تقريبا من سنتين وقفت كل شي ووقلت كل شي بيد ربي

هالشهر عااد قلنا نجرب وانشالله يكتب ربي لنا الخير .. سوت لي الدكتوره تنشيط بالكلوميد لاني عندي البويضات ماتكبر.. بديت التنشيط من اليوم الخامس للدوره لمده خمس ايام
رحت في اليوم 13 عشان تشوف ايش صار على البويضات .. كان حجمها حلو بس مو اللي تتلقح فيه بس قالت لي تطمني كل يوم اصلا البويضه تكبر حوالي 2 ملم... بس طلع عندي مشكله بسبب الكلوميد سبب لي في جدار الرحم صار رقيق .. وقالت حتى لو كبرت البويضه والجدار كذا ماراح اسوي لك التلقيح لانو ماراح ينفع
رحت في يوم 15 وسويت السونار وطلعت البويضات حجمها كويس ومناسب والحمدلله حتى الجدار تقول زاد سمكه شوي
قالت لي عاد تعالي بكره يعني يوم 16 ونسوي التلقيح الصناعي
رحت لهم يوم 16 وخذو عينه من زوجي وانتظرنا ساعه عشان يظبطون العينه وتصيرمركزه بس بالحيوانات المنويه من دون الشوائب .. بعد ساعه قالت لي تعالي بابنت خخخخ وانا اللي اروح وانا مرتاعه مع اني قد سويتها قبل
حطت الحيونات في ابره والابره وصلتنها بأنبوب مررررررررررررررررره رقيق وبلاستيك زي ماقلت اول بعدين دخلت الانبوب جوا الرحم وضغطت على الابره .. بس عورتني شووي
وخلتني حوالي نص ساعه على السرير ومن بعدها قالت خلاص قومي لاعاد اشوف وجهك الا وقت الدوره اذا تاخرت خخخخخخ
ومن بعد التلقيح جاني على الجنب الايسر الم وشد مررره بس يوم وخف

انشالله فهمتي علي :)
انا من اهل الرياض بس ماسويتها بالرياض .. سويتها في امريكا :)

وسلامتك

مرمر;5207282:
رموش الامارات ...ربي يرزقج بالذريه الصالحه ان شاء الله

ظلال ...ان شاء الله ما تشوفيها لين بعد 9 شهور و تكونين حامل ان شاء الله

بس سؤال بنات شو التلقيح الصناعي ؟؟؟ و باي مرحله يسونه يعني بعد الحبوب و الابر ؟؟

الغالية

تسويينة في ايام الابااضة

اول شي تاكلين كولمييد او ابر

و بعديين ليين ما تكبر البويضة

وبعدين دكتورة تضربني ابرة

و تنزل البويضة


و يووم تنزل تساويلي تلقيييح

تاخذ حمض الننوي من ريلي و توادييه المختبر

و عقب تلقحة بابرة


شي شراات الابرة

بس مب ابرة

و ارقد في مستشفى ساعة كاملة



اتمنى اكوون فدتج

تسلمين ياسكره


السموحه ماشفت مكان اقامتك :)

الف مبروك مره ثانيه ..

بأذن الله بسويها والله لا يخيب تعبنا ياحي ياقيوم ..

..

السلام عليكم..

شخباركم بنات؟؟

انا هذا الشهر الثاني استخدم كلوميد دعواتكم لي هالشهر احمل يارب

موفقات حبيباتي كلكم وان شاء الله تعبة مخلوفه ...

السلام عليكم بنااات

شخبااااركم حبووووبات

انا بعد الاجهاااض برجع للجلوكوفاج حبه كل يوم مع حمض الفوليك

لمدة ثلااااث شهور رااااحه...

بعد 3 شهور افكر في الحمل من جديد


الله يكتب لنا الخير ونحمل كلنا قريبا

خواتي انا ملاحظه من بديت اخذ المنشطات صار شعري يطيييييييييح

بشكل كبير

هل انتوا صار معاكم نفس الشئ ولا بس انا

وانا خذت كلوميد هذا الشهر مع الفولك اسد والجلوكوفاج مرتين في اليوم وحبوب الدوستنكس لهرمون الحليب مرتين في الاسبوع... الله يرزقني الحمل هذا الشهر وكل اللي يتمنون يارب...

انا اخذت ابره منشطه مع الابره التفجيريه في اليوم 17 من الدوره !

و ان شالله خير....من لقافتيه سويت تحليل و طلع سالب...

بس عندي شوية امل....و كله بيد الله....و ان شالله ابشركم و تبشروني...

بنت النور

الله يوفقج

ويرزقنا الحمل السليم والذرية الصالحة عاجلا غير اجل

)()()()()()()()()()()()()()()()()()()()()()()()()()()(

انوار الحب

الله يعينج على التساقط اختي

لازم تسوين حمامات زيت حق شعرج علشان ما يتاثر


)()()()()()()()()()()()()()()()()()()()()()()()()()()(

جوااهر

الله يعوضج خير ويكتب لج اللي فيه الخير

)()()()()()()()()()()()()()()()()()()()()()()()()()()(


vip

الله يوفقج ويرزقج بالحمل هالشر ان شاء الله

رميسه

لا تستعجلين على التحليل الحين اختي

والله يوفقج وتكونين حامل هالشهر يا رب




)()()()()()()()()()()()()()()()()()()()()()()()()()()(




بنات انا اليوم ثالث يوم من بديت الكلوميد

واحس ان راسي بينفجر علي من الالم ولما قمت الصبح حسيت بحرووووووررررره ولوعه غير طبيعيه

ما ادري هل هالشي له دخل في الحبوب والا هذي الاعراض ما لها دخل في الكلوميد

بنات اجتني الدورة اليوم
غصب عني بكيت في الدوام امام زملائي!!!
رحت فورا للدكتورة نصحتني بالغربلة! بس ما اظن نقدر لانها تكلف واحنا يا دوب قدرنا نغطي تكاليف الابر والمراجعات!! الحمد لله على كل حال!

سؤال هل زاد وزنكم مع المنشطات?

انا زدت كثيير بس الدكتورة قالت انهم ما يسمنون بس ممكن ينفخوا الجسم يعني مثل النفخة اللي تصير قبل الدورة واذا اوقفناه يرجع طبيعي مع اني شايفة غير هيك!!

Palms;5219578:
بنات اجتني اليوم
غصب عني بكيت في الدوام امام زملائي!!!
رحت فورا للدكتورة نصحتني بالغربلة! بس ما اظن نقدر لانها تكلف واحنا يا دوب قدرنا نغطي تكاليف الابر والمراجعات!! الحمد لله على كل حال!

ياحبيبتي والله حاسة فيج انا لمن الشهر اللي اخذت فيه المنشطات اول مره

و نزلت فيه الدوره بكيت بكي مو طبيعي و بعدين رحت لامي بعد ما قدرت امسك نفسي عن البكي و ما كنت حابه ابكي قدام مرت اخوي بس يالله الحمد لله على كل حال

اختي قولي اللهم اجرني في مصيبتي و اخلف لي خيرا منها

اختي ما فهمت شنو الغربلة

يارب الله اللي فيه الخير و يعوضك يااااارب بالحمل السليم الثابت و باطفال اصحاء سليمين

Palms;5219578:
بنات اجتني الدورة اليوم
غصب عني بكيت في الدوام امام زملائي!!!
رحت فورا للدكتورة نصحتني بالغربلة! بس ما اظن نقدر لانها تكلف واحنا يا دوب قدرنا نغطي تكاليف الابر والمراجعات!! الحمد لله على كل حال!

الله يعوض عليييج يا الغالية و يرزق بالذرية الصالحة


و يرزق خواتي و يرزقني ويااكم يا ر ب العالميين

Palms;5219578:
بنات اجتني الدورة اليوم
غصب عني بكيت في الدوام امام زملائي!!!
رحت فورا للدكتورة نصحتني بالغربلة! بس ما اظن نقدر لانها تكلف واحنا يا دوب قدرنا نغطي تكاليف الابر والمراجعات!! الحمد لله على كل حال!

الله يعينج ان شاء الله

ويرزقج بالحمل السليم والذرية الصالحة

واكثري من الاستغفار

[FRAME="10 70"]

فقلت اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلْ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا (12)

سورة نوح

[/FRAME]

بنات بغيت اسالكم

ايش الحل مع الصداع

عادي اكل بندول والا استحمل ؟

واذا في شي يخفف الصداع يا ريت تقولون لي عليه

لاني احس راسي بينفجر من الالم

*~JeWeL~*;5220717:
بنات بغيت اسالكم

ايش الحل مع الصداع

عادي اكل بندول والا استحمل ؟

واذا في شي يخفف الصداع يا ريت تقولون لي عليه

لاني احس راسي بينفجر من الالم

حبيبتي جويل انا بالنسبه الي اخذ بندول

و دوا الشقيقه بعد

بس انتي استشيري دكتورتك

و بالنسبه لعلاج طبيعي امي كل ما يصير عندها صداع تقرا سورة الملك على راسها

و تقول سبحان الله الالم يروح

بس انا لان فيني الشقيقه فما يروح الالم الا مع دوا الشقيقه

بنات انا توني مبديه كورس العلاج عطتني الدكتوره دوفاستون مرتين في اليوم لمدة عشر ايام واليوم ثاني

ادعوا لي ترى مره خايفه وياريت اللي جربته من قبل تعطيني عن حسناته وسيئاته

مشكلتي قالت لي الدكتوره ان معدل البرجسترون منخفض شوي

وبطانة عنق الرحم ضعيفونه عشان شدي ما تلزق فيها البويضه

بس الدكتوره ما احسها مخوفتني من الموضوع ومحسستني انه شي بسيط وعادي

هل هو فعلا شي بسيط وعادي ؟؟؟؟؟؟؟؟؟؟؟

صاحبة السمو الملكي;5221158:
بنات انا توني مبديه كورس العلاج عطتني الدكتوره دوفاستون مرتين في اليوم لمدة عشر ايام واليوم ثاني

ادعوا لي ترى مره خايفه وياريت اللي جربته من قبل تعطيني عن حسناته وسيئاته

مشكلتي قالت لي الدكتوره ان معدل البرجسترون منخفض شوي

وبطانة عنق الرحم ضعيفونه عشان شدي ما تلزق فيها البويضه

بس الدكتوره ما احسها مخوفتني من الموضوع ومحسستني انه شي بسيط وعادي

هل هو فعلا شي بسيط وعادي ؟؟؟؟؟؟؟؟؟؟؟

هلا حبيبتي ,,,,حبيبتي انتي بديتي كورس ابر ولا كلوميد??

انا راح اجاوبج خلال تجربتي البسيطه

طبعا المنشطات تكبر البويضات و توصلهم للحجم المناسب

بالنسبة لسلبياتها تسوي نفخه بالجسم بس لا تخافين تروح اذا نزلت الدوره..

و انا بالنسبه الي تخليني عصبيه

و انا نفسج بطانة عنق الرحم بعدها ما واصلة للسمك المطلوب و بصراحه ما اعرف ليش ! :(

و بالاخير اتمنى من الله ان يمن عليج و علينا بالحمل و ما يروح تعبنا هدر يارب

امين يارب يا انوار الله يعوض صبرنا خير ويرزقنا عاجلا غير اجل

صاحبة سمو الملكة ممكن اعرف الدفاستون قالت لك الدكتوره شلون تاخدين الحبتين في اليوم يعني كل 12 ساعه مثلا والا شلون؟؟ لان انا بعد وصفتلي الدكتوره الدفاستون بس ما خبرتني شلون اخد الحبتين هل مع بعض والا كل 12 ساعه وكاني سمعت احد الاخوات تقول كل 8 ساعات

ياليت اللي عندها خبره ترد علي