تجمع حوامل الثلاث الشهور الوسطى4 - 5 - 6

سنفـورة;5151725:
بنات انا كم يوم وانظم معاكم
وسعوا الملعب

<< مبسوطة بتدخل 4

حياك الله بينا حبيبه وغاليه..والله يتمم عليك وعلينا

عروس الغبيراء;5148311:
بنات انا صارلي يومين مريضه واكح وحمى .. ياثر هذا على الحمل

والحين احس مثل السكين تطعني ببطني من اليسار ..

خايفه كثييييييير .. هالشي عادي ولا كيف خايفة ومامستعده اخسر البيبي

سلامتك قلبي لاعادي انا جتني كحه ذبحتني والحمدلله عدت على خير
وانتي روحي المستشفى ولاتهملي نفسك

عروس الغبيراء;5148060:
حبيبه امها الله يفرحنا باطفالنا يارب

يوم رحت اسوي سونار اخر مره

البيبي رفع ايده وكانه يحينا خخخخ زوجي انجن على الحركة وكل ساعه يقلده

انا اقوله ترى فرحة اول بيبي والا اللي بعد بتعطيهم طنااااش من القلب خخخ

ههههههههههه الله يتمم لك حبيبتي يبين جنسه الحين:wink:

اتصدقووون متشووقه احس بحركة البيبي واعرف جنسه ...ياربي يالله احسبه واعرف جنسه جرررررررريب يارب

مرحبا بنات شحالكم ..

تدرون انا كاتبه رد من يومين بس سبحان الله شكله اختفى ..

الحمدلله كلها 10 ايام تقريباً وادش السادس .. والله يكملها على خير يارب لي ولكم ..

والبطن تكبر ماشالله .. وياريت البطن بس ههههههه كل شي ثاني وياها ..

غير الاسمرار .. والبشرة الباهته الي احس كلها حبوب صغيره :(

استغفر الله الشي الوحيد الي اكرهه بعد الوحام التشوهات الي اتيي من الحمل هههه
بس كله يهون في سبيل الاطفال والحمدلله ..

بطني بعد احسه وايد نازل .. واحس بألم في الحوض .. بالذات عند ريولي من فوق ماقدر افتحهم ولا امش منهم .. مثل الم التاسع سبحان الله ..

ومثل ما قلتي اختي عروسه اكون قاعدة وفجأة يتحرك شي في بطني غريب بصوت احس اني اسمعة .. وهالشي يسبب لي الم غريب ..كأنها كشطة او شو مادري بس بعيدة عن مكان حركة البيبي ..

ومن احسه يتحرك اقول الحمدلله عدت على خير .. وشريط الحمل طفربي ما يتحرك كل يومين اغيره واحط يديد بس ماشي امل

ام نمير وفاطمة وعروس الغبيراء وباقي البنات كلكم شو تطوراتكم؟

مرااااحب بنات كيفكم الله يتمم لكم على خير

عيون ابو ظبي انا زيك نفس الوصف احس بطني نازل وكل حركات النونو اسفل
والاسمرار زاااااااااايد والحك وشعري يتساقط بشكل فطيع بعكس حملي بالبنات
وكمان صدري مترها ........... انا اصبر نفسي واقول يمكن حمل الولد يختلف عن
حمل البنت داااايم احس بضيق وكرررب ونفسي ثقيل بس الحمد لله احاااااول بقدر
المستطاع اني ما ابين عشان البنات وبديت احس بالحموضة داااابحة صدري وواصلة
لما حلقي الحمد لله على كل حاااال المهم يخرج بالسلامة سالم غانم وكل شي يهون
.................................
فاطمة ربي يحقق الي تبين وتحسين بحركاتة وتفرحين امين يارب........

حبيبة امها,,, وعروس الغبيراء ,,,, وعروسة 3,,,,, اللة يتمم لكم على خير,,
سنفورة حياك الله بين اخواتك,,,,

ام المجااااهد طمنينا عليك حبيبتي ,,,

ام نمير;5158160:
مرااااحب بنات كيفكم الله يتمم لكم على خير

عيون ابو ظبي انا زيك نفس الوصف احس بطني نازل وكل حركات النونو اسفل
والاسمرار زاااااااااايد والحك وشعري يتساقط بشكل فطيع بعكس حملي بالبنات
وكمان صدري مترها ........... انا اصبر نفسي واقول يمكن حمل الولد يختلف عن
حمل البنت داااايم احس بضيق وكرررب ونفسي ثقيل بس الحمد لله احاااااول بقدر
المستطاع اني ما ابين عشان البنات وبديت احس بالحموضة داااابحة صدري وواصلة
لما حلقي الحمد لله على كل حاااال المهم يخرج بالسلامة سالم غانم وكل شي يهون
.................................
فاطمة ربي يحقق الي تبين وتحسين بحركاتة وتفرحين امين يارب........

حبيبة امها,,, وعروس الغبيراء ,,,, وعروسة 3,,,,, اللة يتمم لكم على خير,,
سنفورة حياك الله بين اخواتك,,,,

ام المجااااهد طمنينا عليك حبيبتي ,,,

امين يارب الله يسمع منج يا قلبي:cool:

انا اول اسبوعين في الرابع بس احس اني ثقيلة لمان اكل وكمان لي اسبوع تقريبا لما اكون جالسة او نايمة وابغى اقوم احس بالم فظيع من اسفل الظهر لاخر الرجل وماقدر امشي حوالي 5دقايق وبعدين خلاص فهل هاذا طبيعي ام لازم اروح المستشفى

فاطمه الله يحقق لك امانيك يارب ويفرح قلبك
ويمكن هو تحرك بس ماحسيتي او مانتبهتي..

عيون بوظبي اما البشره الله يعين انا بشرتي انتهت
مدري انا حاسه انه ولد لاني احس حمال البنت احسن

ام نمير انا تمام ياقلبي..وان شالله ربي يتمم لنا كلنا على خير
وحاولي تريحين نفسك والله يرزقك بالولد الصالح..

هلافيك اختي الجدفره اذا لاحظتي تلاقين اغلب البنات
يشتكون من الثقل والالم واحس انه طبيعي ان شالله بس
انتي عشان تتطمنيني روحي المستشفى

والله يهون عليكم جميع..

الجدفرة;5158792:
انا اول اسبوعين في الرابع بس احس اني ثقيلة لمان اكل وكمان لي اسبوع تقريبا لما اكون جالسة او نايمة وابغى اقوم احس بالم فظيع من اسفل الظهر لاخر الرجل وماقدر امشي حوالي 5دقايق وبعدين خلاص فهل هاذا طبيعي ام لازم اروح المستشفى

>>>>>>>>>>>>>>>>>>>>>>>>>>>
في البداية اهلا وسهلا بك بيننا اخت عزيزة وغالية
والله يحيك ....
الي تقولين عنة شي طبيعي الاام اسفل الظهر والبطن من اعرض الحمل
كلنا نعاني منها الحمد لله على كل حال كلة يهون فداء الغالين
واقرب موعد لك مع دكتورتك ساليها من شان تطمنين

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
حبيبة امها تسلمين حبيبتي والله يفرحك بشوفة فلذة كبدك
ويحقق امانيك...

والله يا ام نمير كأنج تتكلمين عني ..

من اكل اي شي واحيانا بدون سبب الاقي الحرقان والحموضة وصلت حدها .. ومثل ما وصفتي والله

تعبت منها.. بس الحمدلله اخف عن حملي الاولي..

فيه شراب لونه ابيض يعطونه في المستشفيات .. انا ماحبيته في حملي الاولي .. بس ناس وايد نفع لهم .. جربي اسألي عنه في موعدج الياي ..

الروب البارد والخيار البارد بعد يخفف شوي ..

الجدفرة.. وهذا الي انا احس به بعد لما اكون جالسه .. الم في اسفل الظهر والحوض وريويلي من فوق .. وعادة هالألم يزيد في الشهور الاخيرة بسبب الثقل ..

بس شكله هالجيل كله متمركز تحت هههههه .. الله يقومنا بالسلامة ان شالله

الغالية عيون ابو ظبي تصدقين انا اكثر شي خايفة علية
شعري انا متعودة مع الحمل يزيد كثافة وطول بس الحين
عكس تمام خايفة انو ما يبقى شي فى راسي والله المستعان

عيل ابشري ههههههههههههه
مع الرضاعة بتلقين نفسج قرعه ههههههههههههههه
هالشي سبحان الله الكل يعاني منه ...

والشعر يبدا يتعدل وضعه مع الشهور الاخيره من الحمل حتى سبحان الله بتلاحظين بيبدا يطلع لج شعر يديد

عيون ابوظبي الله يستر باجيب شعر مستعار ههههههه
المهم نولد بسلامة ونرتاح بعدها نشوف مشكلة الشعر
والله اني خايفة لان شعري خفيف والحين بدا يخف والله يستر

هلا كروشات كيف حالكم

اليوم بخبركم اخباري اللي موووو حلوه

امس زااااااااااااادت علي الحمى والكحه ..رحمتك يارب احس جسمي كله يالمني كانه رضوض

وبالليل زوجي حس بالسرير ساااااااخن ولما جا صوبي حصلني ناااااااااار حمى شديده وهو يصحيني يعيني يقولي قومي المستشفى الحين بوديك وايد حاره بس انا ماحسيت فيه يقولي توني طول الليل خفت عليك عروتي قلبي جالسه توني

المهم انا فالليل اللي صحيت عليه الم فبطني كانة مغص لييين تحت حسيت نفسي بمووووووت

جاني مرتين وخفت لا يكون لا سمح الله اجهاض يالله رحكمتك المهم صحا زوجي الصبح راح الدوام واستاذن وشلني العياده غصب لان انا ما احب اروح عيادات ,اكره شي
المهم كشفت على الدكتوره وتقولي التهاب شديد فالانف والحلق والبلاعيم لا عبه لعب

المهم وجلست تكشف على البيبي وتشوف دقات قلبه اذا حي او ميت واذا حي تشوف اذا كان سليم :(

انا قلبي طاح فلارض من الخوف وحسيت نفسي مااسمع ولا عرفت افرق ان هذي دقات قلبة من الخوف

مع اني اعرفها.. بس الخوف كان لاعب فيني

المهم عطتني ادويه واااايد قلتلها هذا ما يضر قالتلي لا لان انتي الحين فالرابع

المهم زوجي من كثر الادويه مااطمن اتصل على اخته ممرضه وسالها

قالتله عادي الادويه اعشاب وماتضر لان زوجتك فالرابع

الحمد لله على كل حال

المهم رجعني البيت وراح دوامه وانا من المرض والتعب مااشتهي شي ولا اكل شي ورميت الادويه فالطاوله ودخلت اناااااااااااااااااااااااااااااااام لين اذان العصر ماااااااااااااااااااااحسيت بشي ابداااااا كاني ميته بس الحمى والكحه تلعب لعب فيني

جا زوجي من الدوام لقاني نايمه وماماكله شي خاف علي لاني من امس مااكلت وراح المطعم يقولي ايش تريدي واانا اقوله مااريد شي لين زعل بعدين خبرته يجيب هريس او عرسية لاني احصل صعوبه فالبلع

والحمد لله كلت وشربت الادويه

والحين بعدني تعبانه بس احس نفسي احسن شوي

وانا الحين بيت اهلي يومين لان زوجي رايح دبي .. الله يرجعه بالسلامه


وهذي اخباري الوحشه :(

سلامتك عروس الغبيراء


ماتشوفين شر

وأجر وعافيه

كلها يومين وادخل الرااااااااااااااابع

واجي تجمعكم عشان اطفشكم ....


[BLINK]
ألـــــــــــــــــــــــــــــــــف سلامه عليك[/BLINK]

عروس الغبيراء سلامتك

ماتشوفين شر

وأجر وعافيه


والله يرجع لك زوجك بسلامه

هلا بالغاليات
اخبارررررررري مب طيبه يا بنات :(

بناتي الاثنين كل شوويه بيضربوووني على بطني شسوووي ولما اشتكي واقوول ياويلي على الي في بطني يقوول ريلي حرام عليك هذوولي يهال انزين شسووي كيف اطمن اللحين ..

والله خايفه كثير
الله المستعان
ماتصادفكم االامور هذي مع اطفالكم في الحمل ؟؟

نوسه . . ام فهد مشكورات حبيايبي الله يسمع منكم والله يرجع زوجي بالسلامه ..بفتقدة:(

هلا بالغاليات
اخبارررررررري مب طيبه يا بنات

بناتي الاثنين كل شوويه بيضربوووني على بطني شسوووي ولما اشتكي واقوول ياويلي على الي في بطني يقوول ريلي حرام عليك هذوولي يهال انزين شسووي كيف اطمن اللحين ..

والله خايفه كثير
الله المستعان
ماتصادفكم االامور هذي مع اطفالكم في الحمل ؟؟