فاشن والله أنا بعد قلبي معورني ... ومن شوي كنت أطل من الدريشه عشان أشوفه ... وتذكرت انه مب موجود .... فديته والله بتوله عليه ... خخخ سويتها فلم هندي ... تعرفين انا كنت أستخير اني أبيعه وشفت الريال اللي يبغي يشتريه متشجع واااايد ومتحمس وكان مؤذي ريلي باتصالاته ... وعشان جذيه اطمنت انهم بيهتمون فيه .... من غير ان عندهم بيطري الخاص فيهم ... وعندهم كذا خيل يعني ما بيكون بروحه ... ساعات كنت أحسه زعلان لانه محتاج ونيس... ولاتخافين صورته وريلي مصورنه ... والحمدلله على كل حال ... و ريلي وعدني انه يشتريلي خيل ثاني بس أصغر ... وان شاء الله خير ... المهم شحالج وشو أخبارج ؟؟
rooona تسلمين حبيبتي ... وأكيد بطل عليكم أصلا ما عرف يمر يوم وما أسلم عليكم وأشوف أخباركم .... انتي شحالج ؟؟؟ وشو البنوته العسوله ؟؟؟
انتظااار ان شاء الله أبلتي ... أنا هاليومين وااايد أكثر من الاستغفار والله كريم ... عزيزتي لازم بطل عليكم ... أصلا كل يوم ان شاء الله بتشوفوني هني ... لاني صراحه ما أحس ان التجمع الاخير نشيط ... أحسه خامل ... وان شاء الله يوم بتلحقونا بيصير التجمع نشيط يااارب ... وعن المشي أنا كنت بس أمشي اذا كنت أحس بحرقان أو حموضه في البلعوم ... أو بلوعه ... وشفت اني وووايد أرتاح في المشي ... عشان جذيه سويتها كل يوم وتعرفين ما أمشي بسرعه ... عشان ما أجهد نفسي ... أمشي على مهلي ... والحمدالله أحس اني أستانس وارتاح ... يمكن انتي عليكي
بدري شوي ... لكن سويها مثلا من الحين عشر دقايق أو ربع ساعه بس ... أنا بعد ما أخلص أنسدح مدة 25 أو 30 دقيقه وساعات أرفع ريولي ...واحس اني أرتاح اذا كنت تعبانه من المشي ... بس بعد اذا كنتي خايفه أفضل تسألين الدكتوره ... والله كريم ...
فاطمه الغاليه ما تشوفين شر ... وطمنينا عليج ...