تجمع حوامل الثلاث الشهور الوسطى4 - 5 - 6

شمعة محبة;5866581:

هلاااااااااااا
حبيبة زوجها أنا الحمدلله زينه بس البيبي ما يتحرك واايد وانا أحاتي ... بس أقول بعد يمكن ان المكان ضاق عليها .... وان شاء الله 6 أيام وبدخل السابع ....
أم سويره أنا الحمدلله زينه ...
انتوا شحالكم ؟؟؟؟ وشو بيبياتكم ؟؟؟

ريماس3;5866711:
حبيبة زوجها انا زوجي يروح من الصبح مايجي الابعد المغرب تخيلي طول الوقت لوحدي وانا في غربة ماحولي احد اعرفة ابد.............!

حرف_عنيد;5866723:
صبحكم الله بالخير خواتي

اليوم داخلة متاخرة لاني اصلا متاخرة على الدوام

وبصراحة مب راقدة من امس وتعبانه وايد بس شو اسوي الله كريم

مرات الانسان ما يقدر يشتكى الا لرب العالمين واجرنا عند رب العالمين

بصراحة مشتاقتلكم قلت بسلم عليكم

تحياتي للكل دون استثناء

كنانة;5866811:
مثل حالتي
انا زوجي يشتغل 9 ساعات
من 8 الصبح الى 5 المغرب
ما يدخل البيت الا صارت 6 وانا كل بروحي
حتى نسيت شلون يتكلمون
وانا قبل كنت اشتغل بس حاليا لا بسبب الحمل
وكنت ادوام من 7 الصبح الى 7 المغرب
عندي بريك وقت الغدى امر على بيت ابوي اتغدى عندهم
فاحس بفراغ فضيع بعد ما طلعت من الشغل
احاول قد ما اقدر انظم وقتي وسوي لي شئ
تقريبا اقراء القران ساعتين باليوم ساعه قبل النوم وساعه الفجر
وعندي كتتب اقراء فيها
واهتم اكثر بدراستي بالجامعة
وكل يوم اطلع لي شغل بالشقة

شمعة محبة;5866824:

عزيزتي أنا أحس الحين اللي ما عنده شهاده جامعيه .... كأنه ما عنده هويه ... الدراسه عندي أهم شي في الوقت الحالي .... حتى لو اشتغلت ...الشغل أقدر أتركه في أي وقت ... أما الدراسه هي اللي بتنفعني والنافع الله ...

شمعة محبة;5866891:

والله قدمت في كذا مكان .... كلهم دوائر حكوميه ... بس لان أنا عندي ثانويه فما أتوقع الوظيفه اللي أحصلها تكون مريحه ... يعني أنا سويت مقابله من فتره في بريد دبي .... الوظيفه أبدا مب حلوه ... على كاونترات ... يعني تعامل مباشر مع الجمهور وانا هالشي ما أحبه ... اتخيلي انتي يالسه وتجابلين ألف شخص وشخص في اليوم ... وعاد تحملي كل واحد وأسلوبه ... لا وفوق هذا الدوام من السبت لين الخميس ....يعني بس الجمعه اجازه ... والدوام من 8 إلى 3 ... ويمكن يزيدون ساعه ... صراحه مووووول ما عيبتني الوظيفه ورفضتها .... والحين أتريا الاماكن الثانيه .... بس اذا كل وظايف جذيه ...لا والله أيلس في البيت وااايد أحسن ...